مەملەكەتتٸك قىزمەتتەردٸ ساۋساق ٸزٸمەن الۋ تەتٸگٸ 2019 جىلدىڭ قىركٷيەگٸندە تولىقتاي ٸسكە قوسىلادى. بۇل تۋرالى بٷگٸن ٷكٸمەتتٸڭ سەلەكتورلىق رەجٸمدەگٸ وتىرىسىندا "ازاماتتارعا ارنالعان ٷكٸمەت" مەملەكەتتٸك كورپوراتسيياسى باسقارما تٶراعاسى ابىلايحان وسپانوۆ ايتتى, دەپ حابارلايدى قازاقپارات تٸلشٸسٸ.
"مەملەكەتتٸك قىزمەتتەردٸ الۋ پروتسەسٸن جەڭٸلدەتۋ ٷشٸن بٸز قىزمەت الۋشىلاردىڭ جەكە باسىن راستاۋدىڭ جاڭا مەحانيزمٸن ٸسكە قوستىق. ەندٸ ازاماتتار قىزمەتتٸ بەت-بەينەسٸ نەمەسە ساۋساق ٸزدەرٸنٸڭ كٶمەگٸمەن الا الادى, سونىڭ ارقاسىندا ەلەكتروندى تسيفرلىق قولتاڭبا قولدانۋ نەمەسە جەكە كۋەلٸكتٸ ۇسىنۋ قاجەتتٸلٸگٸ جوعالادى", - دەدٸ ول.
ونىڭ ايتۋىنشا, بۇل بازانى قارجى, كوممەرتسييالىق قىزمەت كٶرسەتۋ جەنە قاۋٸپسٸزدٸك سالالارىندا, سونداي-اق عيماراتقا كٸرۋ جٷيەسٸندە پايدالانۋعا بولادى.
"بۇنداعى ارتىقشىلىقتار كەلەسٸدەي: ازاماتتاردىڭ جەكە دەرەكتەرٸنٸڭ قورعالۋىنىڭ كٷشەيۋٸ; ٶز بەتٸنشە الىناتىن قىزمەتتەر سانىنىڭ ارتۋى; قىزمەتتەردٸ الۋ كەزٸندە بٶگدە ازاماتتاردىڭ قاتىسۋىن بولدىرماۋ", - دەدٸ ا.وسپانوۆ.
باسقارما تٶراعاسىنىڭ سٶزٸنە قاراعاندا, ٸلكٸ جوبا 2018 جىلعى 12 جەلتوقسانىنان باستاپ استانا جەنە الماتى قالالارىندا ٸسكە قوسىلعان.
"ال تولىقتاي بيىل قىركٷيەك ايىندا ٸسكە قوسىلادى دەپ جوسپارلانۋدا", - دەدٸ ول.
