ومان سۇلتاندىعىنىڭ ٷكٸمەتٸ ەلەمنٸڭ 103 مەملەكەتٸنٸڭ, سونىڭ ٸشٸندە قازاقستان رەسپۋبليكاسىنىڭ ازاماتتارى ٷشٸن 10 كٷندٸك ۆيزاسىز تەرتٸپ ەنگٸزدٸ. بۇل تۋرالى قر سىرتقى ٸستەر مينيسترلٸگٸ حابارلادى.
تالاپتارعا سەيكەس قازاقستان ازاماتتارى ومانعا كٸرۋ ٷشٸن شەكارادان ٶتۋ كەزٸندە قوناقٷيدٸڭ بروندالعانىن, ساپار مەرزٸمٸنە مەديتسينالىق ساقتاندىرۋدىڭ بار ەكەندٸگٸن راستاۋى قاجەت. سونداي-اق قايتۋ ەۋە بيلەتٸن, اقش, اۋسترالييا, كانادا, جاپونييا, ۇلىبريتانييا نەمەسە شەنگەن ايماعىنىڭ قولدانىستاعى ۆيزاسى بار پاسپورتتى كٶرسەتۋلەرٸ تيٸس.
«ەلدە ۆيزاسىز بولۋدى ۇزارتۋ قاراستىرىلماعانىن اتاپ ٶتكەن جٶن. بۇل ەرەجەنٸ بۇزۋ ەربٸر مەرزٸمٸ ٶتكەن كٷنگە 10 وماندىق ريال (شامامەن 26 اقش دوللار) مٶلشەرٸندە اقشالاي ايىپپۇل تٶلەۋگە ەكەلٸپ سوعادى.
سونىمەن قاتار, ەلدە COVID-19 پاندەميياسىنىڭ ارى قاراي تارالۋىنا جول بەرمەۋ ماقساتىندا 2020 جىلدىڭ 21 جەلتوقسانىندا ومان ٷكٸمەتٸ 22 جەلتوقسان كٷنٸ ساعات 01.00-دەن باستاپ 29 جەلتوقسان كٷنٸ ساعات 00.59-گە دەيٸن بارلىق مەملەكەتتٸك شەكارالاردى (ەۋە, جەر جەنە تەڭٸز) جابۋ تۋرالى شەشٸم قابىلداعانىن ەسكەرتەمٸز», - دەدٸ مينيسترلٸكتەن.
