Oman Sultandyǵynyń úkimeti álemniń 103 memleketiniń, sonyń ishinde Qazaqstan Respýblikasynyń azamattary úshin 10 kúndik vizasyz tártip engizdi. Bul týraly QR Syrtqy ister ministrligi habarlady.
Talaptarǵa sáikes Qazaqstan azamattary Omanǵa kirý úshin shekaradan ótý kezinde qonaqúidiń brondalǵanyn, sapar merzimine meditsinalyq saqtandyrýdyń bar ekendigin rastaýy qajet. Sondai-aq qaitý áýe biletin, AQSh, Aýstraliia, Kanada, Japoniia, Ulybritaniia nemese Shengen aimaǵynyń qoldanystaǵy vizasy bar pasportty kórsetýleri tiis.
«Elde vizasyz bolýdy uzartý qarastyrylmaǵanyn atap ótken jón. Bul erejeni buzý árbir merzimi ótken kúnge 10 omandyq rial (shamamen 26 AQSh dollar) mólsherinde aqshalai aiyppul tóleýge ákelip soǵady.
Sonymen qatar, elde COVID-19 pandemiiasynyń ary qarai taralýyna jol bermeý maqsatynda 2020 jyldyń 21 jeltoqsanynda Oman Úkimeti 22 jeltoqsan kúni saǵat 01.00-den bastap 29 jeltoqsan kúni saǵat 00.59-ge deiin barlyq memlekettik shekaralardy (áýe, jer jáne teńiz) jabý týraly sheshim qabyldaǵanyn eskertemiz», - dedi ministrlikten.
