مەجٸلٸس دەپۋتاتى پاۆەل كازانتسەۆ باسقا ەلدەن كەلەتٸن جٷك كٶلٸكتەرٸنٸڭ قازاقستاننىڭ زاڭىنا باعىنباۋىنان بيۋدجەتكە ەدەۋٸر قوماقتى قاراجات تٷسپەي جاتقانىن مەلٸمدەدٸ, دەپ حابارلايدى قازاقپارات.
«ەرەجەگە باعىنا قويمايتىن جٷك تاسىمالداۋشىلار بار. مەسەلەن ولار «قازاقستان ارقىلى باسقا ەلگە تاۋار اپارا جاتىرمىز» دەيدٸ دە, ترانزيت – ترانزيتپەن اياقتالماي, جٷك بٸزدٸڭ ەلدٸڭ اۋماعىندا قالىپ قويادى. سول سەكٸلدٸ جٷك تاسىمالداۋشىلار قازاقستاننىڭ بەلگٸلٸ بٸر ٶڭٸرٸنە «وسىنشا ٶنٸم تاۋار اپارا جاتىرمىز» دەگەنٸمەن, جٷك ول ٶڭٸرگە جەتپەي, باسقا ايماققا «سٸڭٸپ» كەتەدٸ. مۇنداي قۋلىقتىڭ ارقاسىندا جٷك تاسىمالداۋشى قوسىمشا قۇن سالىعى (ققس) مەن باسقا دا سالىقتاردى تٶلەمەي, بٸزدٸڭ ەلدە كٶلەڭكەلٸ ەكونوميكا, جاۋاپسىز بەسەكەلەستٸك, «سۇر جەنە قارا ەكونوميكا» گٷلدەيدٸ. بۇلاي كەتە بەرسە, پروبلەمالاردىڭ تۇتاس لەگٸمەن بەتپە-بەت كەلەمٸز. سول سەبەپتٸ بۇل زاڭ جوباسىنىڭ باستى ماقساتىنىڭ بٸرٸ – وسى پروبلەمالارعا جول بەرمەۋ», - دەدٸ پارلامەنت مەجٸلٸسٸندە دەپۋتات پاۆەل كازانتسەۆ حالىقارالىق اۆتوموبيل تاسىمالدارىن قاداعالاۋ تۋرالى زاڭ جوباسىن قورعاۋ بارىسىندا.
ونىڭ ايتۋىنشا 2019 جىلى قازاقستاندا قوسىمشا قۇن سالىعىن تٶلەمەگەن 60 مىڭعا تارتا كٶلٸك انىقتالعان. ترانزيتپەن كەتەمٸز دەگەن 11 مىڭ كٶلٸك قازاقستان اۋماعىندا قالىپ قويعان.
«ٸرٸكتەۋ ارقىلى تالداۋ جٷرگٸزگەن كەزدە قازاقستان وسى پروبلەمالاردىڭ كەسەلٸنەن بيۋدجەتكە كەلۋٸ تيٸس 25 ملرد تەڭگەنٸڭ جەتپەي قالعانى انىقتالدى. ياعني وسى زاڭ جوباسى ارقىلى مەسەلەلەلەردٸ رەتكە كەلتٸرسەك, ەڭ كەم دەگەندە بيۋدجەتكە 25 ملرد تەڭگە سالىنىپ وتىرادى. سونىمەن قاتار قازاقستان اۋماعىنا كەلگەن جٷك كٶلٸكتەرٸنٸڭ بەرٸن دە تەرتٸپكە باعىندىرا الار ەدٸك», - دەدٸ ول.
ەسكە سالا كەتسەك بٷگٸن پارلامەنت مەجٸلٸسٸندە «قر كەيبٸر زاڭنامالىق اكتٸلەرٸنە حالىقارالىق اۆتوموبيل تاسىمالدارىن قاداعالاپ وتىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى تانىستىرىلعان بولاتىن.
