قازاقستان اۋعان حالقىنا ازىق-تٷلٸك جەتكٸزۋ كٶلەمٸن ارتتىرۋعا دايىن. بۇل تۋرالى قر تۇڭعىش پرەزيدەنتٸ نۇرسۇلتان نازارباەۆ ايتتى, دەپ حابارلايدى قازاقپارات.
«اۋعانستانداعى كٷردەلٸ احۋالدى تۇراقتاندىرۋ ٷشٸن حالىقارالىق كٷش-جٸگەردٸ شوعىرلاندىرۋ ماڭىزدى. قازاقستان بۇل پروتسەسس اياسىندا ماڭىزدى ورتالىق بولۋدا ٷلكەن ەلەۋەتكە يە. بٸز كارزاي مىرزامەن ول پرەزيدەنت بولعان كەزدەن-اق بٸرگە جۇمىس ٸستەۋدٸ باستادىق جەنە مىڭداعان اۋعان قازاقستاننىڭ وقۋ ورىندارىندا وقىپ, ماماندىق الدى جەنە ەلٸنە ورالدى. ٷنەمٸ گۋمانيتارلىق كٶمەك كٶرسەتتٸك جەنە قازٸر دە وعان دايىنبىز», - دەپ ەسكە الدى ەلباسى «استانا كلۋب-2021» وتىرىسىندا.
قر تۇڭعىش پرەزيدەنتٸ وسى جىلدىڭ تامىزىندا الماتىعا بۇۇ-نىڭ اۋعانستانعا جەردەم كٶرسەتۋ جٶنٸندەگٸ ميسسيياسى قىزمەتكەرلەرٸنٸڭ كٶشٸپ كەلگەنٸن ەسكە سالدى.
«بۇۇ دا اۋعانستانعا گۋمانيتارلىق كٶمەك جەتكٸزۋ ٷشٸن الماتىدا حالىقارالىق لوگيستيكالىق حاب قۇرۋ باستامامىزعا قولداۋ كٶرسەتتٸ. قازان ايىنىڭ ورتاسىندا دەلەگاتسييامىز اۋعانستانعا بارىپ, اۋعان حالقىنا 5 مىڭ توننا قازاقستاندىق ۇن جەتكٸزدٸ. حالىقارالىق دونورلاردى اۋعانستانعا گۋمانيتارلىق كٶمەك كٶرسەتۋ جەنە قالپىنا كەلتٸرۋدە قازاقستاندى بەلسەندٸ پايدالانۋعا شاقىرامىن. وسى تۇرعىدا مەنٸڭ الماتىدا بۇۇ-نىڭ اۋعانستاندى وڭالتۋ حالىقارالىق ورتالىعىن قۇرۋ يدەيامنىڭ ٶزەكتٸلٸگٸ ارتا تٷسەدٸ. قازاقستان بۇۇ تەتٸكتەرٸ ارقىلى اۋعان حالقىنا ازىق-تٷلٸك جەتكٸزۋ كٶلەمٸن ارتتىرۋعا دايىن. وسى ورايدا قازاقستاندا قۇرىلعان «KazAID» حالىقارالىق دامۋ اگەنتتٸگٸن قارقىندى ٸسكە قوسۋ قاجەت», - دەدٸ نۇرسۇلتان نازارباەۆ.
