فوتو: وقۋ-اعارتۋ مينيسترلٸگٸ
قازاقستان ستۋدەنتتەرٸ العاش رەت EuroSkills Herning 2025 چەمپيوناتىندا 7 "ٷزدٸك مەدالون" جەڭٸپ الدى. بۇل تۋرالى وقۋ-اعارتۋ مينيسترلٸگٸ حابارلادى.
قازاقستاننىڭ ۇلتتىق قۇراماسى دانييادا ٶتكەن IX ەۋروپالىق كەسٸبي شەبەرلٸك چەمپيوناتىندا بۇرىن-سوڭدى بولماعان جەتٸستٸككە قول جەتكٸزدٸ.
چەمپيوناتقا 32 ەلدەن 25 جاسقا دەيٸنگٸ 600 ٷزدٸك جاس مامان قاتىسقان.
"قازاقستاندىق كوللەدج ستۋدەنتتەرٸ 25 قۇزىرەت بويىنشا باق سىنادى. ولاردىڭ قاتارىندا ۆەب-تەحنولوگييالار, مەحاترونيكا, CAD ينجەنەرلٸك گرافيكاسى, جەلٸلٸك ەكٸمشٸلەندٸرۋ, گرافيكالىق ديزاين, دەنەكەرلەۋ تەحنولوگيياسى, مەيرامحانا سەرۆيسٸ, كونديتەرلٸك ٸس, اۆتومەحانيكا جەنە باسقا دا باعىتتار بار", - دەلٸنگەن حابارلامادا.
جارىس قورىتىندىسى بويىنشا ۇلتتىق قۇراما تٶمەندەگٸ قۇزىرەتتەر بويىنشا جوعارى نەتيجە كٶرسەتەن.
ۆەب-تەحنولوگييالار, قازاقستاننىڭ Best of Nation – "ٷزدٸك ٶكٸلٸ" – مۇحامەتجان اعىباي (ASTANA POLYTECHNIC جوعارى كوللەدجٸ) اتاندى.
مەحاترونيكا (توپتىق جۇمىس) – ارتەم موچينسكيي (شقو, ٶسكەمەن جوعارى پوليتەحنيكالىق كوللەدجٸ) جەنە دانيل تۋراپين (استانا ق, جوعارى پوليتەحنيكالىق كوللەدج).
گرافيكالىق ديزاين – باعىجان قويشىباەۆ (اقتٶبە ق, جوعارى پوليتەحنيكالىق كوللەدج).
جەلٸلٸك جەنە جٷيەلٸك ەكٸمشٸلەندٸرۋ (توپتىق جۇمىس) – دانيل لاپەنكو (استانا ق, جوعارى پوليتەحنيكالىق كوللەدج تٷلەگٸ) جەنە گلەب ساۋلەنكو (قوستاناي وبل, اۆتوموبيل كٶلٸگٸ كوللەدجٸنٸڭ تٷلەگٸ).
CAD ينجەنەرلٸك ديزاين – باقداۋلەت قۋانىش (اتىراۋ وبل, س. مۇقاشەۆ اتىنداعى پوليتەحنيكالىق جوعارى كوللەدج).
ۇلتتىق قۇرامانى وقۋ-اعارتۋ مينيسترٸ عاني بەيسەمباەۆ جەڭٸسٸمەن قۇتتىقتادى.
"بۇل جەتٸستٸك تەحنيكالىق جەنە كەسٸپتٸك بٸلٸم بەرۋ جٷيەسٸنٸڭ جاڭا دەڭگەيگە كٶتەرٸلگەنٸن ايعاقتايدى. جۇمىسشى ماماندىقتار جىلى بٸز قازاقستاندىق كوللەدجدەردٸڭ زاماناۋي كادر دايارلاۋ ورتالىقتارىنا اينالىپ كەلە جاتقانىن, ال ستۋدەنتتەرٸمٸزدٸڭ حالىقارالىق ارەنادا بەكەگە قابٸلەتتٸ ەكەنٸن كٶرٸپ وتىرمىز. ستۋدەنتتەردٸ, پەداگوگتەردٸ, ساراپشىلار مەن تەلٸمگەرلەردٸ تاريحي جەڭٸسپەن قۇتتىقتايمىن", - دەدٸ مينيستر.
ايتا كەتەرٸ, EuroSkills – WorldSkills قوزعالىسى اياسىندا ٶتكٸزٸلەتٸن ەۋروپاداعى ەڭ ٸرٸ جاس ماماندار چەمپيوناتى. ونىڭ باستى ماقساتى – كادرلاردى دايارلاۋ سالاسىنداعى زاماناۋي ستاندارتتار مەن جەتٸستٸكتەردٸ كٶرسەتۋ.
ەستەرٸڭٸزگە سالا كەتەيٸك, 2023 جىلى قازاقستان 2 مەدالون جەڭٸپ الدى.
