رەسپۋبليكالىق بيۋدجەت تاپشىلىعىن قارجىلاندىرۋ ٷشٸن سىرتقى نارىقتان 3 ميلليارد اقش دوللارى تارتىلادى. بۇل تۋرالى ورتالىق كوممۋنيكاتسييالار قىزمەتٸنٸڭ الاڭىندا ٶتكەن قر ٷكٸمەتٸنٸڭ رەزەرۆٸنەن قاراجات بٶلۋ مەسەلەسٸنە ارنالعان باسپاسٶز كونفەرەنتسيياسىندا ايتىلدى, دەپ حابارلايدى قازاقپارات.
«بيۋدجەت تاپشىلىعىن قارجىلاندىرۋ ٷشٸن 2,4 ترلن تەڭگە قارىز الۋ قاجەت. ونىڭ ٸشٸندە بٸز 3 ملرد اقش دوللارىنا جۋىق كاپيتالدى شەتەلدٸك نارىقتان قارىزعا الۋدى جوسپارلاپ وتىرمىز», - دەيدٸ قر قارجى مينيسترلٸگٸنٸڭ بٸرٸنشٸ ۆيتسە-مينيسترٸ بەرٸك شولپانقۇلوۆ.
سونىمەن قاتار, ول ٸشكٸ نارىقتان 2,5 ترلن تەڭگە قارىزعا الىناتىنىن ايتتى. ونىڭ ٸشٸندە 700 ميلليارد تەڭگە «جۇمىسپەن قامتۋدىڭ جول كارتاسىن» قارجىلاندىرۋعا جۇمسالادى. ونى «بەيتەرەك» ۇلتتىق باسقارۋشى حولدينگٸ جەرگٸلٸكتٸ اتقارۋشى ورگانداردىڭ قارىزدىق مٸندەتتەمەلەرٸن ساتىپ الۋ ارقىلى الادى.
قالعان قاراجاتتى ۇلتتىق بانك پەن ەكٸنشٸ دەڭگەيلٸ بانكتەر بٸر تريلليون تەڭگەگە دەيٸن جەتكٸزٸلەتٸن «قاراپايىم زاتتار ەكونوميكاسى» باعدارلاماسىن قارجىلاندىرۋعا بەرەدٸ.
سونىمەن قاتار, ٸشكٸ كاپيتال نارىعىندا «بەيتەرەك» حولدينگٸن ورنالاستىرۋ ارقىلى تۇرعىن ٷي قۇرىلىسىن كەڭەيتۋگە 390 ملرد تەڭگە قاراستىرىلعان.
