Respýblikalyq biýdjet tapshylyǵyn qarjylandyrý úshin syrtqy naryqtan 3 milliard AQSh dollary tartylady. Bul týraly ortalyq kommýnikatsiialar qyzmetiniń alańynda ótken QR Úkimetiniń rezervinen qarajat bólý máselesine arnalǵan baspasóz konferentsiiasynda aityldy, dep habarlaidy QazAqparat.
«Biýdjet tapshylyǵyn qarjylandyrý úshin 2,4 trln teńge qaryz alý qajet. Onyń ishinde biz 3 mlrd AQSh dollaryna jýyq kapitaldy sheteldik naryqtan qaryzǵa alýdy josparlap otyrmyz», - deidi QR Qarjy ministrliginiń birinshi vitse-ministri Berik Sholpanqulov.
Sonymen qatar, ol ishki naryqtan 2,5 trln teńge qaryzǵa alynatynyn aitty. Onyń ishinde 700 milliard teńge «Jumyspen qamtýdyń jol kartasyn» qarjylandyrýǵa jumsalady. Ony «Báiterek» ulttyq basqarýshy holdingi jergilikti atqarýshy organdardyń qaryzdyq mindettemelerin satyp alý arqyly alady.
Qalǵan qarajatty Ulttyq bank pen ekinshi deńgeili bankter bir trillion teńgege deiin jetkiziletin «Qarapaiym zattar ekonomikasy» baǵdarlamasyn qarjylandyrýǵa beredi.
Sonymen qatar, ishki kapital naryǵynda «Báiterek» holdingin ornalastyrý arqyly turǵyn úi qurylysyn keńeitýge 390 mlrd teńge qarastyrylǵan.
