قازاقستان 2020 جىلى 1,3 ملرد دوللاردىڭ اۋىل شارۋاشىلىعى ٶنٸمدەرٸن ەكسپورتقا شىعاردى. بۇل تۋرالى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى "ۇلت اقپارات".
«جالپى, ٶتكەن جىل جاقسى نەتيجەلەرمەن اياقتالدى. 20,1 ملن توننا دەندٸ جەنە دەندٸ-بۇرشاقتى داقىلدار باستىرىلدى. ليتسەنزييالانعان استىق قابىلداۋ كەسٸپورىندارىنا تاپسىرىلعان جالپى بيداي كٶلەمٸنٸڭ 80 پايىزى 1-3-سىنىپتارعا جاتقىزىلدى. 2019 جىلى بۇل كٶرسەتكٸش 50 پايىزدى قۇراعان بولاتىن. تيٸسٸنشە, 4-سىنىپتى بيدايدىڭ ٷلەسٸ 2019 جىلعى 27,7 پايىزدان 13,4 پايىزعا, ال 5-سىنىپتى بيدايدىڭ ٷلەسٸ 10,7 پايىزدان 5 پايىزعا تٶمەندەدٸ», - دەدٸ مينيستر.
ونىڭ اتاپ ٶتۋٸنشە, 2020 جىلدىڭ قورىتىندىسى بويىنشا ٸرٸ قارا مال 7,8 ملن باستى قۇرادى. بۇل 2019 جىلدىڭ دەڭگەيٸنەن 5,6 پايىزعا كٶپ. قوي مەن ەشكٸ باسى 4,7, جىلقى 10,1, تٷيە 5,2 پايىزعا ارتتى. تيٸسٸنشە مال شارۋاشىلىعى ٶنٸمدەرٸ – ەت 4,3, سٷت 3,2 پايىزعا ۇلعايۋدا.
«نەتيجەسٸندە جالپى اۋىل شارۋاشىلىعى ٶنٸمٸنٸڭ كٶلەمٸ 2020 جىلى 5,7 پايىزعا ارتىپ, 6,3 ترلن تەڭگەنٸ قۇرادى. بۇل - ەۋرازييالىق ەكونوميكالىق وداق ەلدەرٸ اراسىنداعى ەڭ ٷلكەن ٶسٸم. تاماق ٶنٸمدەرٸنٸڭ ٶندٸرٸسٸ 4 پايىزعا ٶستٸ. اۋىل شارۋاشىلىعىنىڭ نەگٸزگٸ كاپيتالىنا تارتىلعان ينۆەستيتسييالار اعىنى 15, تاماق ٶنٸمدەرٸ ٶندٸرٸسٸنە تارتىلعان ينۆەستيتسييالار اعىنى 13,5 پايىزعا ارتتى. قورىتىندىسىندا اگروٶنەركەسٸپ كەشەنٸندەگٸ ينۆەستيتسييالاردىڭ جالپى كٶلەمٸ 677,2 ملرد تەڭگەنٸ قۇرادى. بۇل جوسپارلى مەننەن 154,2 ملرد تەڭگەگە اسىپ وتىر», - دەدٸ ساپارحان وماروۆ.
مينيستردٸڭ دەرەگٸنشە, ٶڭدەلگەن اۋىل شارۋاشىلىعى ٶنٸمدەرٸنٸڭ ەكسپورتى 22 پايىزعا ارتىپ, 1,3 ملرد اقش دوللارىن قۇرادى.
«اگروٶنەركەسٸپ كەشەنٸن ودان ەرٸ ورنىقتى دامىتۋ ماقساتىندا مينيسترلٸك اگروٶنەركەسٸپ كەشەنٸن دامىتۋ جٶنٸندەگٸ 2021-2030 جىلدارعا ارنالعان تۇجىرىمدامانى جەنە اگروٶنەركەسٸپ كەشەنٸن دامىتۋدىڭ 2021-2025 جىلدارعا ارنالعان ۇلتتىق جوباسىن ەزٸرلەدٸ. مەملەكەت باسشىسىنىڭ تاپسىرمالارىنا سەيكەس ولاردىڭ نەگٸزگٸ ماقساتتارى: بٸرٸنشٸ, ەڭبەك ٶنٸمدٸلٸگٸن 2,5 ەسەگە ارتتىرۋ; ەكٸنشٸ, ٸشكٸ نارىقتى ازىق-تٷلٸك تاۋارلارىمەن 80 پايىز دەڭگەيٸندە مولىقتىرۋ; ٷشٸنشٸ, ٶڭدەلگەن ٶنٸم ەكسپورتىن 2 ەسەگە ۇلعايتۋ; تٶرتٸنشٸ, ٸرٸ ينۆەستيتسييالىق جوبالار اينالاسىندا 7 ەكوجٷيە قالىپتاستىرۋ. جالپى, جوسپارلانعان ٸس-شارالار الداعى بەس جىلدا ەڭبەك ٶنٸمدٸلٸگٸن 2,5 ەسەگە ارتتىرۋعا, ٶڭدەلگەن ٶنٸم ەكسپورتىن 2 ەسەگە ۇلعايتۋعا, سونداي-اق سالاعا 4,5 ترلن تەڭگە ينۆەستيتسييا تارتۋعا مٷمكٸندٸك بەرەدٸ. بۇل قوسىمشا 500 مىڭ ادامدى جۇمىسپەن قامتاماسىز ەتٸپ, 1 ملن ادامنىڭ تابىسىن ارتتىرادى», - دەدٸ ول.
