ماڭعىستاۋدا جول قوزعالىسى ەرەجەسٸن بۇزعان كٶلٸك جٷرگٸزۋشٸسٸ جول ساقشىسىنا – «كەلٸسەيٸك, كٶمەكتەسٸپ جٸبەر, قازاقپىز عوي» دەپ, 2000 تەڭگە بەرگەنٸ ٷشٸن باسى بەلەگە قالىپ, 336 700 تەڭگە كٶلەمٸندە ايىپپۇل تٶلەيتٸن بولدى.
وقيعا 20 ماۋسىمدا «اقتاۋ – جەتٸباي» تاس جولىنىڭ 16 شاقىرىمىندا بولعان. گازەل اۆتوكٶلٸگٸن تٸزگٸندەگەن ك.تٶلەشوۆ ٷزٸكسٸز جولاقتى كەسٸپ ٶتكەنٸ ٷشٸن ماڭعىستاۋ وبلىستىق ٸشكٸ ٸستەر دەپارتامەنتٸ جەرگٸلٸكتٸ پوليتسييا قىزمەتٸنٸڭ جول-پاترۋلدٸك پوليتسييا قىزمەتكەرٸ ت.ورازۇلىمەن توقتاتىلعان.
جاۋاپكەرشٸلٸكتەن جالتارعىسى كەلگەن كٶلٸك جٷرگٸزۋشٸ جول ساقشىسىنا 2000 تەڭگە زاڭسىز ماتەريالدىق سىياقى ۇسىنعانى بەلگٸلٸ بولعان. اتالمىش ٸس ٸشكٸ ٸستەر دەپارتامەنتٸنٸڭ ٶزٸندٸك قاۋٸپسٸزدٸك باسقارماسىمەن قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ ماڭعىستاۋ وبلىسى بويىنشا دەپارتامەنتٸنە جولدانعان. مۇنان سوڭ سىبايلاس جەمقورلىق پروفيلاكتيكاسى باسقارماسىنىڭ باس مامانى ە.سيسەناليەۆ كٶلٸك جٷرگٸزۋشٸسٸنٸڭ ٷستٸنەن قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 676 بابىمەن ەكٸمشٸلٸك ٸس قوزعاپ, سوتقا جولداعان.
مۇنايلى اۋداندىق ەكٸمشٸلٸك سوتىندا قارالعان ماتەريال بويىنشا, جاۋاپكەرشٸلٸككە تارتىلعان كٶلٸك جٷرگٸزۋشٸسٸ ٶز كٸنەسٸن تولىقتاي مويىنداپ, شىنايى ٶكٸنگەنٸن جەنە ٶزٸنٸڭ جۇمىسسىز ەكەندٸگٸن, اسىراۋىندا كەمەلەتتٸك جاسقا تولماعان ٷش بالاسىنىڭ بارىن, دەنساۋلىعىنىڭ سىر بەرگەنٸن العا تارتىپ قاتاڭ جازا قولدانباۋىن ٶتٸنگەن.
سۋديا بارلىق مەن-جايدى ەسكەرٸپ, 200 ايلىق ەسەپتٸك كٶرسەتكٸش مٶلشەرٸندە جازا قولدانۋدى جٶن دەپ تاپقان. 819 باپتىڭ 2-شٸ بٶلٸگٸن نازارعا الىپ, سالىناتىن 481 000 تەڭگە كٶلەمٸندەگٸ ەكٸمشٸلٸك ايىپپۇل مٶلشەرٸن 30 % تٶمەندەتٸپ, نەتيجەسٸندە 336 700 تەڭگە كٶلەمٸندە ەكٸمشٸلٸك ايىپپۇل سالعان.
قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ ماڭعىستاۋ وبلىسى بويىنشا دەپارتامەنتٸنٸڭ باسشىسى, ەدەپ جٶنٸندەگٸ كەڭەس تٶرايىمى نۇرگٷل جاننازاروۆانىڭ ايتۋىنشا, ەلٸمٸزدە سوڭعى كەزدەرٸ ەكٸمشٸلٸك جازا قولدانۋ كەزٸندە وسىنداي ٸرٸ كٶلەمدە ايىپپۇل سالۋ پراكتيكاسى جيٸ ەنگٸزٸلٸپ جٷر.
«كەز-كەلگەن جٷرگٸزۋشٸ نەمەسە مەملەكەتتٸك ورگان قىزمەتكەرٸ وسىدان نەتيجە شىعارسا يگٸ. زاڭ الدىندا بارلىعىنىڭ قۇقىقتارى مەن مٸندەتتەرٸ بٸردەي. بارلىعى دا تانىس-تامىر ارقىلى نەمەسە سىياقى بەرٸپ جاۋاپكەرشٸلٸكتەن قۇتىلىپ كەتەمٸن دەگەن ويدان ارىلۋى قاجەت. تالاپتى ورىنداپ تەرتٸپتٸ ساقتاماساڭىز, مويىنىڭىزعا جٷز مىڭداعان ايىپپۇل ارقالاۋمەن جٷرەسٸز. تاڭداۋ قاشاندا ادامنىڭ ٶز ەركٸندە», - دەيدٸ ول.
ايتا كەتۋ كەرەك, جەكە تۇلعامەن زاڭسىز ماتەريالدىق سىياقى بەرۋ فاكتٸسٸ اۆتوكٶلٸك جولدارىندا سىبايلاس جەمقورلىق كٶرٸنٸستەرٸن ازايتۋ جٶنٸندەگٸ 10 قادام جوسپارى بويىنشا قوعام ٶكٸلدەرٸنٸڭ قاتىسۋىمەن رەيدتٸك ٸس-شارالار جٷرگٸزۋ بارىسىندا انىقتالىپ وتىر.
ال زاڭسىز سىياقىدان باس تارتقان جول ينسپەكتورىنىڭ زاڭدى ەرەكەتٸ, ونىڭ ەرٸپتەستەرٸنە ٷلگٸ بولارى انىق. بۇل رەتتە اگەنتتٸكتٸڭ اۋماقتىق دەپارتامەنتٸ ٸشكٸ ٸستەر ورگاندارىنىڭ باسشىلىعىنا پوليتسييا قىزمەتكەرٸ ت.ورازۇلىنا العىس جارييالاۋ تۋرالى ۇسىنىس بەرمەك.
