مەلٸمدەمەگە قازاقستاننىڭ حالىق ەرتٸسٸ دوسقان جولجاقسىنوۆ جاۋاپ بەردٸ.
"قىمباتتى تيگران كەوسايان, سەن ٶزٸڭنٸڭ قويىلىمىڭدى اينادان كٶردٸڭ بە? مەنٸڭشە, قاراپ شىعۋىڭ كەرەك. مەنٸڭشە, سەن ول جەردە ارامزا مۋسسولينيدٸ بەينەلەپ, ٶزٸڭە كٶپ الىپ تۇرسىڭ. بٸرٸنشٸدەن, سەن رەسەي ەمەسسٸڭ, ەكٸنشٸدەن, كٷشتٸ بولساڭ, جوعارى بيلٸك ەشەلونىنا ايت. ال مەنٸڭ حالقىما تيٸسپە. مەن حالقىمنىڭ تاريحىن, ادامزاتتىڭ كٶپعاسىرلىق مەدەني جەنە رۋحاني ٶمٸرٸ مەن حالقىمنىڭ ەۋرازييالىق كەڭٸستٸكتەگٸ ابىرويىن بايانداپ وتىرعىم كەلمەيدٸ.
سەن كوپەليار ەمەسسٸڭ, سەن دجيگارحانيان ەمەسسٸڭ. سەن شوۆينيسسٸڭ. سەن ۇلتارالىق جەككٶرۋشٸلٸكتٸ قوزدىرۋشىسىڭ. سەنٸ دونەتسك, لۋگانسكٸدە ۇرىس الاڭىندا كٶرەر ەدٸم. مەنٸڭ ويىمشا, ۇلى رەسەيگە سەن سيياقتى جاعىمپازدار قاجەت ەمەس. تاعى وسىنداي كومەدي كلاب جاساماس بۇرىن سيمونيانمەن كەڭەس, ول اقىلدى ەيەل", - دەدٸ اكتەر.
دوسقان جولجاقسىنوۆ تيگران كەوسايانعا "قينالىپ ىرىلداما, كٸندٸگٸڭ اشىلىپ كەتەدٸ" دەدٸ.
وسى ۆيدەونى جەلٸگە جٷكتەگەن اكتەردٸڭ جارى قاراكٶز سٷلەيمەنوۆا كەوساياننىڭ "قازاقستانىمىز جايلى نامىسقا تيەتٸن, وبەكتيۆ ەمەس مەلٸمدەمەسٸنە قاراپ وتىرا الماعانىن" جازدى.
"ەلەمدە بولىپ جاتقان جاعدايدىڭ سالدارىن كٶرٸپ وتىرمىز. بٸراق ۇلتارالىق قاقتىعىسقا تامىزىق تاستاپ وتىرعان جۋرناليستٸڭ ەرەكەتٸ كٷللٸ قازاقتى قورلاپ وتىر! بەيبٸت وتىرعان ەلدٸڭ تىنىشتىعىن ۇرانداۋمەن ەشكٸم بۇزا المايدى. جاعىمپازدىق پەن ەكٸجٷزدٸلٸك, مەڭگٷرتتٸكتٸڭ تٷبٸ وتانسىزدىقتان تۋادى. بۇل سونىڭ كٶرٸنٸسٸ", - دەدٸ ول.
قازاقشا بلوگ جٷرگٸزەتٸن مۋزىكانت, دومبىراشى الەكسەي لودوچنيكوۆ تا قاراپ قالمادى. ول Instagram-داعى پاراقشاسىندا كەوسايانعا مۋزىكالىق سەلەمدەمە جولدادى.
"ۆيدەونى كٶردٸك, وسىلار قىرتادى دا جٷرەدٸ. نازار اۋدارماي-اق قويايىق. (...). "گدە ۆاشا بلاگودارنوست" دەپ قويادى. كٸمگە, ساعان با? نە ٷشٸن? ٷيٸمنٸڭ اۋلاسىن سىپىردىڭ با سەن مەنٸڭ? سەن قازاقستانعا, قازاقتارعا تيٸسپە, وڭبايسىڭ. سەن قازاقتاردى بٸلمەيسٸڭ", - دەدٸ ول.
قوعام جەنە مەدەنيەت قايراتكەرٸ ماليك حاسەنوۆ تە تيگران كەوساياندى جاعىمپاز دەپ ٶلەڭ شۋماقتارىن ايتتى.
"مەن سٸزدٸڭ ەكەڭٸزدٸڭ فيلمدەرٸن كٶرٸپ ٶستٸم. ول وڭباعان ادامدى تەربيەلەپ شىققان گەنيي. كٶكتە ۇيالىپ جاتقانى سٶزسٸز. ۇلى رەجيسسەر ٶمٸردەن ٶتتٸ. بٸراق بٷلدٸرگٸش قالدى. بٸز ول نەگە ەسالاڭ بولىپ كەتكەنٸن بٸلەمٸز, ستسەنارييدٸ مارگاريتا سيمونيان جازادى", - دەدٸ ول.
ماليك حاسەنوۆ ول بٸزگە قاھارمەن سٶيلەپ تۇرسا دا, "سٸز" دەيتٸنٸن, سەبەبٸ قازاقستاندا ونى سولاي تەربيەلەگەنٸن ايتادى.
"بٸزدٸ قورقىتقىلارىڭىز كەلدٸ مە? بٸراق, ٶكٸنٸشكە قاراي, شابۋىلدايتىن ادام بٸز ەمەس. ماەسترو گاسپاريان ٶسيەت ەتكەندەي, جامان حالىق بولمايدى, تەك جامان ادامدار بار. مەن وعان ەلگە كٸرۋگە تىيىم سالۋ كەرەك دەپ ۇسىنبايمىن. سەبەبٸ قورقاق يت ونسىز دا كەلمەيدٸ. ۋاقىتى كەلگەندە ول سازايىن ٶزٸ-اق تارتادى", - دەدٸ ول.
ايتا كەتەيٸك, مارگاريتا سيمونيان - تيگران كەوساياننىڭ جارى. ول - RT تەلەارناسى, "روسسييا سەگودنيا" حالىقارالىق اقپارات اگەنتتٸگٸ جەنە Sputnik اقپارات اگەنتتٸگٸنٸڭ باس رەداكتورى.
بۇعان دەيٸن قازاقستان سىرتقى ٸستەر مينيسترلٸگٸ دە رەسەيلٸك جۋرناليست تيگران كەوساياننىڭ قازاقستان تۋرالى مەلٸمدەمەسٸنە قاتىستى پٸكٸر بٸلدٸرگەن بولاتىن.
كوللاج: Tengrinews.kz
