قر مەدەنيەت جەنە سپورت مينيسترٸ ارىستانبەك مۇحامەديۇلى «استانافيلم» قۇرىلاتىنىن, سونداي-اق «قازاقفيلم» اۋماعىندا ەركٸن ەكونوميكالىق ايماق بولاتىنىن مەلٸم ەتتٸ. بۇل تۋرالى ۆەدومستۆو باسشىسى فەيسبۋكتاعى پاراقشاسىندا جازدى, دەپ حابارلايدى "ۇلت اقپارات".
«ەلباسىمىز «كينەماتوگرافييا تۋرالى» قازاقستان رەسپۋبليكاسى زاڭىنا قول قويعانى بارشامىزعا بەلگٸلٸ. بۇل اۋقىمدى قۇجات كينەماتوگرافييا سالاسىندا قۇقىقتىق نەگٸز ورناتۋعا باعىتتالعان. زاڭ جوباسى ٷش جىل بويى دايىندالىپ, جاسالىپ, ەندٸ بەكٸتٸلدٸ. بۇل كينو سالاسى ٷشٸن ماڭىزدى, ياعني ۇلتتىق كينو ٶندٸرۋشٸنٸ قولداۋ, ۇلتتىق كينونى پروكاتتا شىعارۋ, قازاقستاندىق كينونى ەلەمدٸك كينو نارىعىنا بەلسەندٸ تٷردە شىعارۋعا باعىتتالعان وسى سالا ٷشٸن ٶتە ماڭىزدى زاڭ. زاڭ تۋرالى كەڭٸرەك ايتقىم كەلٸپ وتىر», - دەپ توقتالدى مينيستر.
ونىڭ سٶزٸنە قاراعاندا, ەلٸمٸزدٸڭ كينوكٶرسەتٸلٸمٸندەگٸ بارلىق فيلمدەردٸ قازاق تٸلٸنە دۋبلياج جاساۋ, نە سۋبتيتر بەرۋ, نەمەسە كادردان تىس اۋدارمانى قامتاماسىز ەتۋ - قازاقستاندىقتاردىڭ كٶپتەن كٷتكەن نورماسى. اۋدارما كٶرسەتٸلٸم يەسٸنٸڭ, ديستريبيۋتور ەسەبٸنەن جاسالاتىن بولادى جەنە تۇساۋكەسەر مەرزٸمٸنە ەسەر ەتپەۋٸ كەرەك. اۋدارما تٷپنۇسقادان نەمەسە رەسەيلٸك نارىق ٷشٸن ورىس تٸلٸنە تەرجٸمالانعان نۇسقادان جاسالاتىن بولادى, مۇنى كٶرسەتٸلٸم يەسٸ ٶزٸ شەشەدٸ. كٶرسەتٸلٸمٸ شەكتەۋلٸ فيلمدەر عانا بۇل ەرەجەدەن تىس بولادى. ۇلتتىق فيلمدەردٸڭ كٶرسەتٸلٸمٸنە كەلسەك, ولار قازاق تٸلٸندە بولادى, باسقا تٸلدە قاجەتتٸلٸك تۋىنداعان جاعدايدا عانا كٶرسەتٸلەدٸ.
«قىتاي مەن اقش-تا كٶرسەتٸلەتٸن فيلمدەردٸڭ بەرٸ اۋديتورييا تٸلٸندەگٸ سۋبتيترلەرمەن قامتاماسىز ەتٸلەدٸ. بۇل - ەڭ وڭتايلى جەنە پەرمەندٸ مەحانيزمدەردٸڭ بٸرٸ. قازاقستاعا جىلىنا 300-دەن استام فيلم ەكەلٸنەدٸ جەنە ولار قازاق تٸلٸندەگٸ نۇسقاسىز كٶرسەتٸلەتٸن. مۇنىڭ ەرتٷرلٸ سەبەپتەرٸ بار, سونىڭ بٸرٸ - قۇقىق يەلەنۋشٸ ٷشٸن كەسٸبي دۋبلياج جاساۋعا جۇمسالعان قارجى ەلٸمٸزدەگٸ كٶرسەتٸلٸمنەن تٷسكەن پايدادان اسىپ كەتۋٸ مٷمكٸن. سونىمەن قاتار, زاڭدا فيلمدەردٸ جاسقا قاراي جٸكتەپ, سوعان سەيكەس كاتەگورييا بەرٸلۋٸن, فيلمدەردٸ جٷيەلەپ, ەسەپكە الىپ, مونيتورينگ جٷرگٸزەتٸن بٸرٸڭعاي اۆتوماتتىق اقپاراتتىق جٷيە قۇرۋ قاراستىرىلعان», - دەدٸ ا. مۇحامەديۇلى.
اتاپ ايتقاندا, كينو ٶندٸرٸسٸمەن اينالىساتىن ەلدەردٸڭ وزات تەجٸريبەسٸنە سٷيەنە وتىرىپ, ۇلتتىق كينونى قولداۋ مەملەكەتتٸك ورتالىعىن قۇرۋ جٷيەسٸ قاراستىرىلدى. زاڭ كينەماتوگرافييانى مەملەكەت تاراپىنان قارجىلاي قولدايتىن وپەراتور بولىپ تابىلاتىن ۇلتتىق كينونى قولداۋ مەملەكەتتٸك ورتالىعى جۇمىسىنىڭ قۇقىقتىق نەگٸزٸن ايقىندايدى. ۇلتتىق كينونى قارجىلاندىرۋدىڭ جاڭا مودەلٸ ٸسكە اسادى. ٸرٸ كينوٶندٸرۋشٸلەردٸ قولداۋ جەنە ينۆەستورلاردى تارتۋ ماقساتىندا سۋبسيدييا تٶلەۋ, كينەماتوگرافييا سالاسىندا سالىق جەڭٸلدٸكتەرٸ, كينو قىزمەتٸن ەسەپكە الۋ جەنە مونيتورينگ جاساۋ اۆتوماتتىق اقپاراتتىق بٸرىڭعاي جٷيە قۇرۋ, كينوكوللەكتسييالاردى تسيفرلاندىرۋ شارالارى قاراستىرىلعان.
«قازاقستان ٷكٸمەتٸ جانىنان ۇلتتىق فيلمدەردٸ مەملەكەت تاراپىنان قارجىلاي قولداۋ تۋرالى ۇسىنىستار مەن ۇسىنىمدار مەسەلەسٸمەن اينالىساتىن كونسۋلتاتيۆتٸك-كەڭەسشٸ ورگان - ۇلتتىق فيلمدەردٸ مەملەكەت تاراپىنان قارجىلاي قولداۋ مەسەلەلەرٸ بويىنشا مەكەمەارالىق كوميسسييا قۇرىلادى. ەلباسىمىزدىڭ تاپسىرۋىمەن «استانافيلم» جەنە «قازاقفيلم» تەرريتوريياسىندا ەركٸن ەكونوميكالىق ايماق قۇرۋ مەسەلەسٸ قاراستىرىلدى. جاڭالىقتار وسىنداي! بٸز بەرٸمٸز ەلباسىمىزدىڭ زاڭعا قول قويۋىن اسىعا كٷتتٸك. كينەماتوگرافييامىزدىڭ دامۋىندا شەشۋشٸ كەزەڭ بولىپ تابىلاتىن تەۋەلسٸز قازاقستان تاريحىنداعى «كينەماتوگرافييا تۋرالى» تۇڭعىش زاڭ قابىلدانۋىمەن بارشاڭىزدى قۇتتىقتايمىن!», - دەپ جازدى ارىستانبەك مۇحامەديۇلى.
ايتا كەتەيٸك, بيىل قاڭتاردىڭ باسىندا مەملەكەت باسشىسى نۇرسۇلتان نازارباەۆ كينەماتوگرافييا سالاسىندا قۇقىقتىق نەگٸزدەمەلەردٸ بەلگٸلەۋگە باعىتتالعان «كينەماتوگرافييا تۋرالى» قازاقستان رەسپۋبليكاسىنىڭ زاڭىنا قول قويدى.
