"قازاقاۆتوجول" باسشىلىعى مەن ەسەپ كوميتەتٸنٸڭ مەملەكەتتٸك اۋديتورلارى ٶز كٸنەسٸن مويىنداپ, جاساعان ٸستەرٸ ٷشٸن ٶكٸندٸ, - دەپ حابارلايدى kaz.tengrinews.kz سىبايلاس جەمقورلىققا قارسى ٸس-قيمىل ۇلتتىق بيۋروسىنىڭ ٶكٸلدەرٸنە سٸلتەمە جاساپ.
"استانا قالالىق الماتى اۋداندىق №2 سوتىنىڭ شەشٸمٸمەن ەسەپ كوميتەتٸنٸڭ رەسپۋبليكالىق بيۋدجەتتٸ ورىنداۋعا باقىلاۋ جٶنٸندەگٸ مەملەكەتتٸك اۋديتورى ا.جەڭگٸرباەۆا, "قازاقاۆتوجول" باس ديرەكتورى س.مۇقاشەۆ, ونىڭ ورىنباسارى ە.شەمٸشەۆ, بٶلٸم باسشىسى ك.ەجٸعۇلوۆقا قاتىستى قاماۋعا الۋ تٷرٸندەگٸ بۇلتارتپاۋ شاراسى تاڭدالدى", - دەلٸنگەن حابارلامادا.
سونداي-اق, اسىراۋىندا بالالارىنىڭ بولۋىنا, مٷگەدەكتەردٸڭ بولۋىنا جەنە زەينەت جاسىنا جەتۋٸنە بايلانىستى مەملەكەتتٸك اۋديتور ا. كوپوباەۆاعا, "قازاقاۆتوجول" رمك باس ەسەپشٸسٸ گ.قورعانوۆاعا جەنە بٶلٸم باسشىسى ب. ەلەمەسوۆاعا قاتىستى ٷي قاماۋىنا الۋ تٷرٸندەگٸ شەشٸم شىققانى ايتىلادى.
"تەرگەۋ شارالارىنىڭ بارىسىندا ب. كوپوباەۆا, س.مۇقاشەۆ, ك.ەجٸعۇلوۆ, ە.شەمٸشەۆ, ش.قورعانوۆا جەنە ب.ەلەمەسوۆ ٶز كٸنەلارىن تولىقتاي مويىنداپ, ٶز ٸستەرٸنە ٶكٸندٸ", - دەلٸنگەن حابارلامادا.
سونىمەن قاتار, "قازاقاۆتوجول" رمك-نىڭ جەمقورلىق ٸسكە تارتىلعان ايماقتىق بٶلٸمشەلەرٸنٸڭ باسشىلارى ەسەپ كوميتەتٸنٸڭ مەملەكەتتٸك اۋديتورلارىنا پارا بەرۋ ٷشٸن 16 ميلليون تەڭگە كٶلەمٸندە اقشا جيناۋعا قاتىسقانىن مويىنداعان. ولارعا قاتىستى كەپٸلمەن بوساتۋ تٷرٸندەگٸ بۇلتارتپاۋ شاراسى قولدانىلىپتى.
