"Qazaqavtojol" basshylyǵy men Esep komitetiniń memlekettik aýditorlary óz kinásin moiyndap, jasaǵan isteri úshin ókindi, - dep habarlaidy kaz.tengrinews.kz Sybailas jemqorlyqqa qarsy is-qimyl ulttyq biýrosynyń ókilderine silteme jasap.
"Astana qalalyq Almaty aýdandyq №2 sotynyń sheshimimen Esep komitetiniń respýblikalyq biýdjetti oryndaýǵa baqylaý jónindegi memlekettik aýditory A.Jáńgirbaeva, "Qazaqavtojol" bas direktory S.Muqashev, onyń orynbasary E.Shámishev, bólim basshysy K.Ájiǵulovqa qatysty qamaýǵa alý túrindegi bultartpaý sharasy tańdaldy", - delingen habarlamada.
Sondai-aq, asyraýynda balalarynyń bolýyna, múgedekterdiń bolýyna jáne zeinet jasyna jetýine bailanysty memlekettik aýditor A. Kopobaevaǵa, "Qazaqavtojol" RMK bas esepshisi G.Qorǵanovaǵa jáne bólim basshysy B. Elemesovaǵa qatysty úi qamaýyna alý túrindegi sheshim shyqqany aitylady.
"Tergeý sharalarynyń barysynda B. Kopobaeva, S.Muqashev, K.Ájiǵulov, E.Shámishev, Sh.Qorǵanova jáne B.Elemesov óz kinálaryn tolyqtai moiyndap, óz isterine ókindi", - delingen habarlamada.
Sonymen qatar, "Qazaqavtojol" RMK-nyń jemqorlyq iske tartylǵan aimaqtyq bólimsheleriniń basshylary Esep komitetiniń memlekettik aýditorlaryna para berý úshin 16 million teńge kóleminde aqsha jinaýǵa qatysqanyn moiyndaǵan. Olarǵa qatysty kepilmen bosatý túrindegi bultartpaý sharasy qoldanylypty.
