6 قىركٷيەك كٷنٸ ەلوردامىزدا «حابار» اگەنتتٸگٸنٸڭ تاپسىرىسىمەن تٷسٸرٸلگەن, رەجيسسەر مۇرات بيدوسوۆتىڭ «قالامگەر» دراماسىنىڭ تۇساۋكەسەرٸ ٶتتٸ, دەپ حابارلايدى «حابار» اگەنتتٸگٸ.
كٶركەم فيلمنٸڭ ستسەنارييٸن - سەرجان زەكەرۇلى جازعان.
كارتينادا ٶتكەن عاسىردىڭ 70-80-جىلدارىندا ٶمٸر سٷرگەن قالامگەرلەردٸڭ ٶمٸرٸ مەن شىعارماشىلىعى سۋرەتتەلەدٸ. سول زامانداعى دٷيٸم جۇرتتىڭ بارىن باپتاپ, جوعىن جوقتاۋمەن جٷرگەن قارىمى مول قازاق جازۋشىلارىنىڭ باستان كەشكەن نەۋبەتتەرٸ, زامان مەن ادام اعىمىنداعى قاراما-قايشىلىقتار, بيلٸك پەن بۇقارا اراسىنداعى بايلانىس وسى فيلمگە ارقاۋ بولعان.
«جازۋشىلار وداعىنىڭ بيٸك مٸنبەرٸندە پارتييانىڭ جالىندى ٷندەۋلەرٸ جارييالانسا, جازۋشىلار ٷيٸنٸڭ ٸرگەسٸندەگٸ «قالامگەر» دەمحاناسىندا ايتىلاتىن ەڭگٸمەلەردٸڭ اۋانى تٸپتٸ باسقا بولاتىن. كومپارتييا نۇسقاۋلارىنىڭ كٷشٸ جٷرمەيتٸن, تسەنزۋرانىڭ قامىتى قىسپايتىن, جازۋشىلاردىڭ ويىن اشىق ايتىپ, ەزٸلٸ مەن استارلى ەڭگٸمەسٸ, قالجىڭى مەن قاعىتپاسى قاتار جٷرەتٸن «قالامگەر» دەمحاناسى سول كەزدەگٸ قوعامنىڭ شىنايى بەت-پەردەسٸنٸڭ سيمۆولى رەتٸندە الىنىپ وتىر. اتالمىش دراما بٸر جاعى - قولىنا قالام ۇستاعان جازۋشى قاۋىمدى مەڭزەسە, استارلى ماعىناسىندا قالامگەر قاۋىمنىڭ تەۋەلسٸزدٸككە ۇمتىلعان بۇلقىنىسى, ٸشٸنە سىيماعان شەرلەرٸن تارقاتاتىن ورىن - «قالامگەر» دەمحاناسى جايىندا بولادى», - دەيدٸ كارتينانىڭ رەجيسسەرٸ مۇرات بيدوسوۆ.
وقيعا جەلٸسٸ بويىنشا الاش ەدەبيەتٸ تاقىرىبىندا ماقالا جازىپ كٶزگە تٷسكەن سەتجان ەسٸمدٸ جاس جازۋشى بەلگٸلٸ پروفەسسوردىڭ شاقىرۋىمەن الماتىعا كەلەدٸ. جازۋشىلار وداعىنا جۇمىسقا ورنالاسىپ, پروفەسسوردىڭ جەتەكشٸلٸگٸمەن اتىن اتاۋعا تيىم سالىنعان الاش ەدەبيەتٸنٸڭ اقتاڭداق بەتتەرٸمەن تەرەڭدەي تانىسىپ, عىلىمي ديسەرتاتسيياسىن جازۋعا كٸرٸسەدٸ. جازۋشىلار اراسىندا ورتالىق كوميتەتتٸڭ كٶزٸ مەن قۇلاعى بولىپ جٷرەتٸندەر سەتجاننىڭ ەر باسقان قادامىن اڭدىپ, ونىڭ ٸسٸنە بارىنشا توسقاۋىل قويادى.
جالپى فيلم ٶمٸردە بولعان ادامداردىڭ پروتوتيپتەرٸ ارقىلى, ولاردىڭ باسىنان كەشكەن ناقتى وقيعالارىنا سٷيەنە وتىرىپ سول دەۋٸردٸڭ تىنىس-تٸرشٸلٸگٸن كٶرسەتەدٸ.
«تۋىندى كەيٸپكەرلەرٸنٸڭ كٶپشٸلٸگٸ - تاريحي تۇلعالار. 70 جىلداردا ٶمٸر كەشكەن اقىن-جازۋشىلار. بۇل تاريحي وقيعالار مەن شىنايى ادامداردىڭ باسىنان كەشكەندەرٸ بولعانىمەن, كٶركەم تۋىندىعا تەن وقيعا جەلٸسٸ دە قاتار ٶربيدٸ. تاريحي تۇلعالارمەن قاتار, كٶركەم وبرازدار دا قوسىلعان. تۋىندىداعى باس كەيٸپكەر سەتجان ٶز دەۋٸرٸندەگٸ قالامگەر قاۋىمىنىڭ جيىنتىق وبرازى بولسا, وعان قارسى تۇراتىن جاعىمسىز كەيٸپكەر دە سول دەۋٸردەگٸ پارتييانىڭ سويىلىن سوققان, ۋاقىتتىڭ قۇربانى دەۋگەدە بولادى» - دەيدٸ «قالامگەر» فيلمٸنٸڭ ستسەناريي اۆتورى سەرجان زەكەرۇلى.
فيلمگە كٶرنەكتٸ جازۋشى دۋلات يسابەكوۆ جەنە اقىن باقىت بەدەلحاندار كەڭەسشٸ رەتٸندە تارتىلىپ, تۋىندىنىڭ جالپى مازمۇنى مەن كٶركەمدٸك تالاپتارى سول كٸسٸلەردٸڭ سٷزگٸسٸنەن ٶتكەن.
كارتينادا باستى رٶلدەردٸ باعداۋلەت شايماحان, جالعاس تولعانباي, نارگيز التايباي, ەرگەنباي ابۋەۆ, دوسجان جانبوتاەۆ, بالتاباي سەيٸتمامىتوۆ, كەنەن اقٷرپەكوۆ, ايدار امانباي جەنە ت.ب. اكتەرلار سومدايدى.
ايتا كەتەيٸك, تۋىندى 12 قىركٷيەكتەن باستاپ ەلٸمٸزدٸڭ كينوتەاترلارىندا كٶرسەتٸلەدٸ.
درامانىڭ ترەيلەرٸن مىنا سٸلتەمە ارقىلى كٶرە الاسىز.
