اقپارات ٶنٸمدەرٸ رەسەي باعدارلامالارىنىڭ كٶشٸرمەسٸنە ەمەس, قايتا قوعامدىق ويدىڭ قاينار كٶزٸنە اينالۋعا تيٸس. بۇل تۋرالى مەملەكەت باسشىسى قاسىم-جومارت توقاەۆ رەسپۋبليكالىق «انا تٸلٸ» باسىلىمىنا بەرگەن سۇحباتىندا ايتتى, دەپ حابارلايدى "ۇلت اقپارات".
«بٸزدٸڭ مەملەكەتتٸك تٸلدٸڭ جاعدايىن قايتا-قايتا كٶتەرٸپ, ونىڭ مٷشكٸل حالٸ تۋرالى ايتا بەرگەنٸمٸزگە ٶزگە ەلدەر, ەسٸرەسە ورتالىق ازيياداعى مەملەكەتتەر تٷسٸنبەي, تاڭدانىسپەن قارايدى. قازٸر – ناعىز از سٶيلەپ, كٶپ ٸس تىندىراتىن شاق. ولاي بولماعان جاعدايدا بٸز ٶزٸمٸزدٸ حالىقارالىق قوعامداستىقتىڭ الدىندا كەمشٸن ۇلت رەتٸندە كٶرسەتەمٸز. ال ەندٸ نە ٸستەۋ كەرەك? بٸرٸنشٸدەن, قازاق تٸلٸندە سٶيلەۋ ماقتانىش بولۋى ٷشٸن قوعامدا وعان دەگەن قاجەتتٸلٸكتٸ ارتتىرعان جٶن. مەملەكەتتٸك قىزمەتكە, ونىڭ ٸشٸندە, حالىقپەن تىعىز جۇمىس ٸستەيتٸن لاۋازىمعا تاعايىنداۋ كەزٸندە كەسٸبي بٸلٸكتٸلٸگٸنە قوسا, قازاق تٸلٸن جاقسى بٸلەتٸن ازاماتتارعا باسىمدىق بەرۋ كەرەك. پارلامەنتتە نەمەسە باسپاسٶز مەسليحاتتارىندا مەملەكەتتٸك تٸلدە سٶيلەپ, پٸكٸر الماسا المايتىن مەملەكەتتٸك قىزمەتكەر ۇعىمى, ەڭ الدىمەن, قازاق ازاماتتارىنىڭ اراسىندا – اناحرونيزمگە اينالۋعا تيٸس», - دەدٸ مەملەكەت باسشىسى.
قر پرەزيدەنتٸ ەكٸنشٸدەن, بٸز قازاق تٸلٸن جاقسى بٸلەتٸن ٶزگە ۇلت ٶكٸلدەرٸن قولداۋىمىز كەرەكتٸگٸن باسا ايتتى.
«ولاردى پارلامەنتكە, ٶكٸلەتتٸ ورگاندارعا سايلاپ, مەملەكەتتٸك قىزمەت جٷيەسٸندەگٸ جوعارى لاۋازىمدارعا تاعايىنداپ, مەملەكەتتٸك ناگرادالارمەن ماراپاتتاپ وتىرعانىمىز دۇرىس. مۇنداي ازاماتتار قازاق تٸلٸنٸڭ دەڭگەيٸن ۇلتارالىق قولدانىس دەرەجەسٸنە كٶتەرۋگە كٶمەكتەسەدٸ. ٷشٸنشٸدەن, قازاق تٸلٸن قولدانۋ بارىسىندا فونەتيكالىق جەنە ورفوگرافييالىق قاتەلەر جٸبەرٸپ الاتىن وتانداستارىمىزعا تٷسٸنٸستٸكپەن قاراپ, تولەرانتتىلىق تانىتۋىمىز كەرەك. مۇنداي ازاماتتار جاستارىمىزدىڭ اراسىندا دا از ەمەس. ولاردىڭ تالپىنىسىن مازاق ەتپەي, قايتا قولداي تٷسكەنٸمٸز جٶن», - دەدٸ قاسىم-جومارت توقاەۆ.
مەملەكەت باسشىسى تٶرتٸنشٸدەن, تەلەۆيزييالىق جەنە راديو حابارلارىنىڭ ساپاسىن ارتتىرۋ قاجەتتٸگٸنە نازار اۋدارتادى.
«بۇل اقپارات ٶنٸمدەرٸ رەسەي باعدارلامالارىنىڭ كٶشٸرمەسٸنە ەمەس, قايتا قوعامدىق ويدىڭ قاينار كٶزٸنە اينالۋعا تيٸس. ارزان ويىن-كٷلكٸدەن گٶرٸ, ۇلتتىق يدەياعا قىزمەت ەتەتٸن توپىراعىمىزدان تامىر العان تٶل باعدارلامالاردى مولايتۋ قاجەت. مەنٸڭشە, ورتالىق ازيياداعى كٶرشٸلەرٸمٸزدٸڭ تەجٸريبەسٸ بٸزگە پايدالى ەرٸ ٷلگٸ بولارلىقتاي», - دەدٸ قر پرەزيدەنتٸ.
