ەلٸمٸزدە بالاباقشاداعى بٷلدٸرشٸندەردٸڭ 76 پايىزى مەملەكەتتٸك تٸلدە تەلٸم-تەربيە الىپ جاتىر. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ مەلٸم ەتتٸ, دەپ حابارلايدى قازاقپارات.
«تٸلدٸ دامىتۋ مەسەلەسٸ بٸزدٸڭ مينيسترلٸككە بەرٸلگەنٸنە 1 جىل بولىپ قالدى. ونىڭ بٸزگە كٶشٸرٸلگەنٸ زاڭدى دەپ ويلايمىن. وسى ۋاقىت ٸشٸندە اتالعان سالادا اۋقىمدى پروبلەمانىڭ بارىنا كٶزٸمٸز جەتتٸ. يە, مەسەلە بار, بٸراق اتقارىلىپ جاتقان جۇمىس تا از ەمەس. مەملەكەتتٸك تٸلدٸ دامىتۋ جولىندا بٸرنەشە باعىتتا جۇمىس ٸستەلٸنٸپ جاتىر. اتاپ ايتقاندا, الدىمەن قازاق تٸلٸندە بٸلٸم بەرەتٸن مەكتەپتەردٸڭ سانىن ارتتىرۋعا كٷش سالىپ جاتىرمىز. بٷگٸندە ەلٸمٸزدەگٸ بالاباقشالاردىڭ 76 پايىزى قازاق تٸلٸندە تەلٸم بەرەدٸ, مەكتەپتەردٸڭ 67 پايىزى, ال كوللەدجدەر مەن ۋنيۆەرسيتەتتەردٸڭ 64-66 پايىزى مەملەكەتتٸك تٸلدە بٸلٸم بەرٸپ جاتىر», - دەدٸ اسحات ايماعامبەتوۆ «مەملەكەتتٸك تٸلدٸ عىلىم تٸلٸنە اينالدىرۋ» اتتى دٶڭگەلەك ٷستەلدە سٶيلەگەن سٶزٸندە.
مينيستردٸڭ ايتۋىنشا, ەلٸمٸزدە اتا-انانى بالاسىن قازاق تٸلٸندەگٸ بالاباقشا نەمەسە مەكتەپكە بەرۋگە مٸندەتتەۋ جوق.
«سوڭعى جىلدارى مەكتەپتە قازاق سىنىبىندا وقيتىن وقۋشىلاردىڭ سانى اسا ٶسٸپ جاتقان جوق. سوندىقتان وسى باعىتتاعى جۇمىسقا نازار سالعان جٶن. بٸز بالالاردى مەملەكەتتٸك تٸلدەگٸ بٸلٸم ۇياسىنا ىنتالاندىرۋ, ناسيحاتتاۋ ارقىلى تارتۋىمىز كەرەك. مەجبٷرلەۋگە بولمايدى. ياعني, قازاق تٸلٸندە وقۋدىڭ قانشالىقتى پايدالى ەكەنٸنە, ونىڭ نەتيجەسٸنە كٶز جەتكٸزۋ ارقىلى دەرٸپتەۋٸمٸز كەرەك», - دەيدٸ ول.
ايتا كەتەيٸك, بٷگٸن ەلوردادا «مەملەكەتتٸك تٸلدٸ عىلىم تٸلٸنە اينالدىرۋ» مەسەلەسٸنە ارنالعان دٶڭگەلەك ٷستەل ٶتتٸ. اتالعان شاراعا تٸل جاناشىرلارىمەن قاتار سالا ماماندارى قاتىستى.
