.jpg)
فوتو: اشىق دەرەككٶز
قازاق مەدەنيەتٸنٸڭ كٶرنەكتٸ قايراتكەرٸ, "پاراسات" جەنە "وتان" وردەندەرٸنٸڭ يەگەرٸ, قازاقستان رەسپۋبليكاسى كومپوزيتورلار وداعىنىڭ مٷشەسٸ, پروفەسسور يۋريي اراۆين ٶمٸردەن وزدى. بۇل تۋرالى مەدەنيەت جەنە اقپارات مينيسترٸ ايدا بالاەۆا Facebook جەلٸcٸندەگٸ پاراقشاسىندا جازدى, دەپ حابارلايدى Ult.kz.
مينيستر قايراتكەر تۇلعانىڭ وتباسى مەن تۋعان-تۋىستارىنا, شەكٸرتتەرٸ مەن ەرٸپتەستەرٸنە قايعىرا كٶڭٸل ايتتى.
"يۋريي پەتروۆيچتٸڭ ەسٸمٸ حالقىمىز ٷشٸن اسا قادٸرلٸ. ول قازاقتىڭ حالىق مۋزىكاسىن كەڭٸنەن ناسيحاتتاعان تانىمال تۇلعالاردىڭ بٸرٸ ەدٸ. ۇلتتىق مەدەنيەتكە بار جان-تەنٸمەن بەرٸلگەن ازامات رەتٸندە فولكلورلىق مۇرالاردى جيناقتاۋ ماقساتىندا كٶپتەگەن عىلىمي-شىعارماشىلىق ەكسپەديتسييالارعا باستاماشىسى بولدى. كٶپتەگەن كٶنە مۋزىكالىق تۋىندىلاردى جاڭعىرتىپ, عىلىمي جٷيەگە تٷسٸردٸ", - دەلٸنگەن جازبادا.
ايدا بالاەۆانىڭ ايتۋىنشا, يۋريي اراۆين قازاق مۋزىكاسىنا, حالىق كومپوزيتورلارى مەن اقىندارىنىڭ مۇراسىنا ارنالعان بٸرقاتار تەلەراديو باعدارلامالارىن جاسادى. قازاق فولكلورىنا شىن جٷرەگٸمەن عاشىق, تالانتتى مۋزىكاتانۋشى رەتٸندە حالقىمىزدىڭ دەستٷرلٸ مۋزىكاسىنىڭ باي ەلەمٸن تىڭدارمانعا جاڭا قىرىنان تانىتتى.
"يۋريي پەتروۆيچ ٶز ٶمٸرٸن ٶنەرگە, ۇلت مەدەنيەتٸنە ارناپ, تۇتاس بٸر شىعارماشىلىق بۋىندى تەربيەلەگەن ۇلاعاتتى ۇستاز بولدى. قايراتكەردٸڭ جارقىن بەينەسٸ, رۋحانيياتىمىزعا سٸڭٸرگەن ٶلشەۋسٸز ەڭبەگٸ حالىق جٷرەگٸندە مەڭگٸ ساقتالادى دەپ سەنەمٸن. مارقۇمنىڭ جاتقان جەرٸ جايلى, توپىراعى تورقا بولسىن", - دەپ جازدى مينيستر.
مينيستردٸڭ كٶڭٸل بٸلدٸرۋ پوستىنىڭ استىندا جۇرتشىلىق پروفەسسوردىڭ قازاق ٶنەرٸ مەن رۋحانيياتىنا قوسقان ٶلشەۋسٸز ٷلەسٸن ايتىپ, پٸكٸر بٸلدٸرۋدە.
"يماندى بولسىن! قازاق رۋحانيياتىنداعى ورنى ەرەك, ۇمىتپايمىز".
"قازاق مەدەنيەتٸن سٷيگەن, دەرٸپتەگەن, قازاقتىڭ ەنٸ مەن كٷيٸن تىنباي ناسيحاتتاعان دوس كٶڭٸل جان ەدٸ. جانى كٶكتەن جاي تاپسىن!"
"جاتقان جەرٸ جايلى بولسىن! قازاق ٶنەرٸنە مول ٷلەس قوسقان, ناعىز جاناشىر مۋزىكا زەرتتەۋشٸسٸ بولا بٸلگەن ازامات ەدٸ".
"بٸر دەۋٸردٸڭ مەدەنيەتٸن زەرتتەۋگە عۇمىرىن ارناعان ناعىز ٶنەردٸ تٷسٸنگەن شىن اسىل بولا بٸلدٸ. بار ىنتا-جٸگەرٸمەن مەملەكەتتٸڭ ٶنەرٸنٸڭ دامۋىنا ٶلشەۋسٸز قىزمەت ەتتٸ. قازانىڭ ارتى قايىرلى بولسىن"
"جارىقتىقتى جاراتقان يەمٸز الدىنان جارىلقاسىن.ۇرپاقتارىنىڭ ٶركەندەرٸ ٶسە بەرسٸن", - دەپ جازدى وقىرماندار.
