«قازاقكونتسەرت» مەملەكەتتٸك كونتسەرتتٸك ۇيىمى «قازاق راديوسىنىڭ» 100 جىلدىق مەرەيتويىنا وراي مەرەكەلٸك كونتسەرت ارنادى. «Qazaqstan» وكز كامەرالىق زالىندا ٶتكەن كونتسەرت ەكٸ ٷلكەن ۇيىمنىڭ ىنتىماقتاستىق قارىم-قاتىناسىن نىعايتا تٷستٸ, دەپ حابارلايدى "ۇلت اقپارات".
«قازاقكونتسەرت» پەن «قازاق راديوسى» ۇيىمدارىن كٶپتەگەن مەدەني-تانىمدىق جوبالار بايلانىستىرادى. سونداي-اق عاسىر قۇرداسى اتانعان راديونىڭ التىن قورىندا قازاقكونتسەرتتە ەڭبەك ەتكەن ٶنەر ساڭلاقتارىنىڭ تۋىندىلارى ساقتالعان. بيىل «قازاقكونتسەرت» ۇيىمى دا ٶزٸنٸڭ 60 جىلدىعىن اتاپ ٶتەتٸنٸن ەسكەرسەك, بۇل قوس مەرەيتويعا ارنالعان كونتسەرت ۇلت رۋحانيياتىن ارتتىرا تٷسكەنٸ انىق.
مەرەكەلٸك ٸس-شارا بارىسىندا قۇتتىقتاۋ سٶزٸن «قازاقكونتسەرت» مەملەكەتتٸك كونتسەرتتٸك ۇيىمىنىڭ ديرەكتورى جەڭٸس سەيدۋللاۇلى جەتكٸزدٸ:
«اقپاراتتىق, تاريحي-تانىمدىق, مəدەني-اعارتۋشىلىق باعىتتاعى ٶزەكتٸ تۋىندىلار توعىسقان وسىنداي ٸرگەلٸ ۇيىممەن قازاقكونتسەرتتٸڭ ىنتىماقتاستىق ورناتۋى بٸزدٸ ەرەكشە قۋانتادى. قازاق مۋزىكا ٶنەرٸنٸڭ قاراشاڭىراعى اتانعان قازاقكونتسەرتتٸڭ تاريحى «قازاق راديوسىمەن» تىعىز بايلانىستى. قازاقكونتسەرتتە ەڭبەك ەتكەن ٶنەر ساڭلاقتارىنىڭ تۋىندىلارى قازاق راديوسىنىڭ تولقىنىندا ەستٸلگەن سايىن بٸزدٸڭ دە تاريحىمىز جاڭعىرا, جاڭارا تٷسەدٸ. عاسىر قۇرداسى اتانعان «قازاق راديوسى» ٶركەندەي بەرسٸن. شىعارماشىلىقتارىڭىز تابىسقا, ەڭبەكتەرٸڭٸز ٷلكەن جەتٸستٸكتەرگە ۇلاسسىن! حالىق رۋحانيياتىن دامىتاتىن قازاقكونتسەرت پەن قازاق راديوسىنىڭ بٸرلەسكەن جوبالارى كٶپ بولسىن!» - دەدٸ جەڭٸس سەيدۋللاۇلى.
ۇيىمداستىرۋشىلاردىڭ اتاپ ٶتۋٸنشە, كونتسەرت بارىسىندا بارلىق سانيتارلىق تالاپتار ساقتالدى.
مەرەكەلٸك كونتسەرتتە «استانا سازى» مەملەكەتتٸك فولكلورلىق انسامبلٸ, ەربولات شالدىبەكوۆ, كلارا تٶلەنباەۆا, ايگٷل ەلشٸباەۆا, قۇرماش ماحانوۆ, گٷلنەر كٶشەنوۆا سىندى ەرتٸستەر ٶنەر كٶرسەتتٸ. كونتسەرت باعدارلاماسىنا بەلگٸلٸ حالىق تۋىندىلارى مەن زاماناۋي شىعارمالار ەنگەن. «قازاق راديوسىنىڭ» ۇجىمى دا ٶزدەرٸنٸڭ العىستارىن جەتكٸزٸپ, ەكٸ ۇيىم اراسىنداعى سەرٸكتەستٸك ودان ەرٸ كٷشەيە تٷسەتٸنٸنە سەنٸم بٸلدٸردٸ.
