قازاق-ٶزبەك شەكاراسىندا «ورتالىق ازييا» حالىقارالىق ورتالىعى اشىلادى, دەپ حابارلايدى "ۇلت اقپارات" تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
ماقتاارال اۋدانىن كٶرشٸ ەلمەن بايلانىستىرىپ تۇرعان ٷش شەكارا ٶتكٸزۋ بەكەتٸ جۇمىس ٸستەيدٸ.
اتاپ ايتقاندا, «اتامەكەن» كەدەندٸك بەكەتٸ مەن «سىردارييا», «تسەليننىي» شەكارا ٶتكٸزۋ بەكەتتەرٸ ارقىلى كٷنٸنە جٷزدەگەن جەڭٸل كٶلٸكتەر مەن جٷك كٶلٸكتەرٸ بارىس-كەلٸس جاساۋدا.
ماقتاارال اۋدانى ٶزبەكستاننىڭ سىردارييا جەنە جىزاق وبلىستارىنداعى 4 اۋدانمەن شەكتەسەدٸ.
وسىنداي گەوگرافييالىق مٷمكٸندٸكتٸ پايدالانىپ اۋداندا ٶزبەكستان رەسپۋبليكاسىمەن ساۋدا-ساتتىقتى دامىتۋ ٷشٸن حالىقارالىق ساۋدا كەشەنٸن قۇرۋ ٶتە ماڭىزدى.
قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى ن.نازارباەۆ 2018 جىلى «ورتالىق ازييا» حالىقارالىق ساۋدا ەكونوميكالىق ىنتىماقتاستىق ورتالىعىن قۇرۋ تۋرالى تاپسىرما بەرگەن بولاتىن.
26 قاڭتاردا قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ تٶراعالىعىمەن ٷكٸمەتتٸڭ كەڭەيٸتٸلگەن وتىرىسىندا ٷكٸمەت باسشىسىنا «ورتالىق ازييا» حالىقارالىق ساۋدا ەكونوميكالىق ىنتىماقتاستىق ورتالىعىن قۇرۋ مەسەلەسٸن جەدەلدەتۋدٸ تاپسىردى.
وسىعان بايلانىستى قر ساۋدا جەنە ينتەگراتسييا مينيسترٸ باقىت سۇلتانوۆ جەنە وبلىستىق كەسٸپكەرلٸك جەنە ساۋدا باسقارماسىنىڭ باسشىسى نۇرباقىت يمانقۇلوۆ ماقتاارال اۋدانىنا جۇمىس ساپارىمەن بارىپ, شەكارا ماڭىنداعى بەكەتتەردٸڭ جۇمىسىمەن تانىستى.
مينيستردٸڭ ٸسساپارىنا ٶزبەكستان رەسپۋبليكاسىنىڭ وسى سالاعا جاۋاپتى ۆيتسە-مينيسترلەرٸ دە قوسىلدى.
مينيستر مەن باسقارما باسشىسى «تسەليننىي» جەنە «سىردارييا» شەكارا ٶتكٸزۋ بەكەتتەرٸن ارنايى بارىپ كٶرٸپ, حالىقارالىق ساۋدا ورتالىعىن قۇرۋ ٷشٸن نىسانداردىڭ مٷمكٸندٸكتەرٸن قاراپ شىقتى.
اۋدان ەكٸمٸ باقىت اسانوۆ بەكەتتەردٸڭ جۇمىسى مەن مٷمكٸندٸكتەرٸ تۋرالى كەڭٸنەن باياندادى.
مەسەلەن, «تسەليننىي» شەكارا ٶتكٸزۋ بەكەتٸنە جاقىن ماڭدا «ساپار» ساۋدا بازارىن حالىقارالىق دەڭگەيدە دامىتۋعا بولاتىنىن ايتتى.
«ماقتاارال اۋدانىندا ۇلى جٸبەك جولىنىڭ بٸر تارماعى سانالاتىن م-39 «تاشكەنت – تەرمەز» باعىتىنداعى ماگيسترال دەلٸزٸ بار. وسى اۆتوموبيل جولىنىڭ پوتەنتسيالىن پايدالانىپ, ٶڭٸردە ساۋدا-ساتتىقتى جوعارى دەڭگەيدە دامىتۋعا مٷمكٸندٸگٸمٸز زور. مەسەلەن, بٸر كەزدەرٸ حالىقارالىق دەڭگەيدە قىزمەت كٶرسەتكەن بەتونكانىڭ بويىنداعى «ساپار» بازارىن حالىقارالىق دەڭگەيدە قايتادان دامىتساق – ٶڭٸردە مىڭداعان ادامدى جۇمىسپەن قامتي الامىز», – دەدٸ باقىت اسانوۆ.
«ساپار» بازارىندا مودەرنيزاتسييالاۋ جۇمىستارى 2019 جىلى جٷرگٸزٸلگەن. ول ٷشٸن بازار يەسٸنٸڭ جەكە ەسەبٸنەن 100 ميلليون تەڭگەدەن اسا قاراجات جۇمسالعان. نەتيجەسٸندە ۇتىنۋشىلارعا جاعداي جاسالىپ, قوسىمشا 100 ادام جۇمىسپەن قامتىلدى.
مينيستردٸڭ سوڭعى ايالداعانى – «اتامەكەن» كەدەن بەكەتٸ.
بۇعان دەيٸن كٶرشٸ ەلگە ٶتپەكشٸ بولعان جٷك كٶلٸكتەرٸ كەدەندٸك بەكەت ماڭىندا كەپتەلٸسكە ۇشىراپ, جول قاتىناسىن قيىنداتا تٷسكەن ەدٸ.
مەسەلەنٸ شەشۋ ٷشٸن كەدەندٸك بەكەتتٸڭ ايماعىن كٶرٸكتەندٸرۋ, كٶگالداندىرۋ, كەڭەيتۋ جوسپارى جاسالدى. اتاپ ايتقاندا, شەكارا ماڭىنان ساۋدا لوگيستيكالىق ورتالىعىن قۇرۋ, ونىڭ ٸشٸندە ساۋدا بازارلارى, قوناق ٷي, اۆتوتۇراق, قويمالار, تۇرعىن ٷيلەر مەن تٷرلٸ سپورتتىق الاڭشالاردى سالۋ كٶزدەلگەن بولاتىن.
قازٸرگٸ تاڭدا اۆتوتۇراق پايدالانۋعا بەرٸلگەن. سونىمەن قاتار, كەسٸپكەرلەردٸڭ ەسەبٸنەن باسقا دا نىساندار سالىنۋدا.
مينيستر باقىت سۇلتانوۆ «ورتالىق ازييا» حالىقارالىق ساۋدا ورتالىعىن قۇرۋ ٷشٸن تاڭدالاتىن بەكەت تۋرالى جان-جاقتى زەرتتەلٸپ, جوسپار قۇرىلىپ, شەشٸم شىعارىلاتىنىن ايتتى.
