مەن دە قازاقپىن. بٸراق ٶز قازاعىمنىڭ كەيبٸر مٸنەزدەرٸ مٷلدە ۇنامايدى. ەڭ جامانى بٸر-بٸرٸنە قايىرىمسىز, مەيرٸمسٸز, قاتىگەز. يتشە ىرىلداسقانىن قويشى, قولىنان كەلسە بٸر-بٸرٸن يتشە تالاعىسى كەلٸپ تۇرادى. يتشە تالاپ تا جٷر...
بٸر-بٸرٸنٸڭ كٶڭٸلٸن قالدىرۋدى, جان-جٷرەگٸن جارالاۋدى, بٸر-بٸرٸن اياقتان شالۋدى, بٸرٸن-بٸرٸ تٷرتپەكتەۋدٸ, بٸر-بٸرٸنە سىن ساداعىن قاداۋدى, بٸر-بٸرٸنٸڭ القىمىنان الۋدى, جاعا جىرتىسۋدى, ايتىسىپ-تارتىسۋدى, قولىندا بيلٸگٸ بارلارى ەلسٸزٸن جٷندەي تٷتۋدٸ ەلٸ جالعاستىرىپ كەلە جاتىر... مەيٸرٸم, قايىرىم, ادامگەرشٸلٸك سيياقتى اسىل قاسيەتتەردەن ايىرىلىپ بارامىز… وعان مىسالدى الىستان ٸزدەۋدٸڭ كەرەگٸ دە جوق. وسى فەيسبۋكتٸڭ ٶزٸندە بٸر-بٸرٸمٸزگە قالام-قارۋ كەزەنٸپ, «وقتى» قارشا بوراتىپ, «اتىسامىز» دا جاتامىز. بٸر-بٸرٸمٸزگە بٸتٸسپەس, مەڭگٸلٸك مايدان اشىپ العان سەكٸلدٸمٸز!.. كەيدە قولىمىزعا قارۋ بەرسە, نە بولار ەدٸ دەپ ويلايمىن... ويلايمىن دا, جانىم جابىرقاۋ تارتادى...
مٸنە, وسىلاي قاشاندا ٶزٸمٸزبەن-ٶزٸمٸز جاق-جاق بولىپ ايتىسىپ-تارتىسامىز دا جاتامىز. بٸر-بٸرٸمٸزگە ور قازامىز, قاقپان قۇرامىز, جارعا يتەرەمٸز... بٸر-بٸرٸمٸزدٸ ايامايمىز. كەرەك بولسا, كٶر قازىپ, جەرگە تىعىپ جٸبەرۋگە دايىن تۇرامىز... بٸر-بٸرٸمٸزدٸ باۋىرىم دەپ قۇشاققا باسقاننان, ٶزەككە تەپكەندٸ جاقسى كٶرەمٸز. سودان لەززات الامىز, جانىمىز راحاتتانادى... سونى ٶزٸمٸزشە مەرتەبە سانايمىز.
ورتامىزدان سۋىرىلىپ شىعىپ, وزا شاۋىپ بارا جاتقان ادامدى كٷندەپ, "سٷرٸنسە ەكەن, قۇلاسا ەكەن, وماقاسا جىعىلسا ەكەن" دەپ مىسىقتٸلەۋلەنٸپ وتىرامىز. قولداعاننىڭ ورنىنا, ٸشتارلىق تانىتىپ, بەرٸمٸز جابىلىپ, اعاش اتقا وتىرعىزۋعا كٷش سالامىز. وتىرعىزىپ قويامىز دا...
قىزمەت, شەن-شەكپەن, وردەن-مەدال ٷشٸن بٸر-بٸرٸن الداپ-ارباعاندى, ارانداتقاندى, ايارلىق تانىتقاندى, تٷرمەگە توعىتقاندى, سوتتاتقاندى مەرتەبە سانايمىز. ەي, ول سەنٸڭ ٶز باۋىرىڭ ەمەس پە, قايتا قۇتقارۋعا كٷش سالمايسىڭ با, جاقسىلىق جاسامايسىڭ با, پەلە-جالادان اراشالاپ المايسىڭ با?!. سونى ماقتان تۇتپايسىڭ با?!. بٸر-بٸرٸڭە كەشٸرٸمشٸل, قورعان بولمايسىڭ با?..
قازاق نەگە بٸر-بٸرٸنە وسىنداي مەيٸرٸمسٸز, قايرىمسىز, قاتىگەز? اۋىزبٸرشٸلٸك جوق. التىباقان الاۋىز. نەگە? نەگە? وسى سۇراقتىڭ جاۋابىن تاپپاي دال بولامىن.
بٸز قايتٸپ ەل بولامىز? بٸز قالاي ۇلت بولامىز?.. ٶزٸمٸزدٸ-ٶزٸمٸز قۇرتىپ تىنبايمىز با?..
ويلانايىق, اعايىن! ويلاناتىن, وياناتىن, ەتەك-جەڭٸمٸزدٸ جينايتىن ۋاقىت جەتتٸ.
ەۆرەي ۇلتىنا ريزا بولامىن. قايدا جٷرسە دە بٸر-بٸرٸنە جاقسىلىق جاساۋدى, قولداۋدى, قولۇشىن بەرۋدٸ پارىز سانايدى. اۋىزبٸرشٸلٸكتەرٸ كٷشتٸ. بٸر-بٸرٸن جاۋعا بەرمەيدٸ, بٸر-بٸرٸنە جاماندىق جاسامايدى. تٸپتٸ سوعىس كەزٸنٸڭ ٶزٸندە ٶزدەرٸنٸڭ باستارىن بەيگەگە تٸگە وتىرىپ, بٸر-بٸرٸن قۇقارۋعا كٷش سالعان. سانى بٸزدەن از بولسا دا, وسىنداي اسىل قاسيەتتەرٸنٸڭ ارقاسىندا ەلەمدٸ بيلەپ وتىر. ال بٸز ەلٸ كٷنگە دەيٸن ٶزٸمٸزدٸ-ٶزٸمٸز بيلەي الماي وتىرمىز. بٸر-بٸرٸمٸزدٸ كٶرسەتۋگە, ۇستاپ بەرۋگە, ساتقىندىق جاساۋعا بەيٸم تۇرامىز. ونى وتىزىنشى جىلدارداعى قۋعىن-سٷرگٸننٸڭ تاريحىنان انىق بايقاۋعا بولادى. ٶتٸرٸك قىلىمسىماڭىزدار, قازٸر دە سولايمىز!
نەگە وسىندايمىز? بٸز قاشان ىنتىماعى ۇيىسقان, بەرەكە-بٸرلٸگٸ جاراسقان ۇلت بولامىز?
ەل بولامىز دەسەك, ۇلت بولامىز دەسەك, تەۋەلسٸزدٸگٸمٸز باياندى بولسىن دەسەك, ەڭ الدىمەن وسىنداي كەرتارپا مٸنەز-قۇلىقتاردان ارىلىپ, وسى جاعىن باسا ويلاسۋ كەرەك!..
ەلٸ دە كەش ەمەس... ويلاسايىق, اعايىن!
قازاقتىڭ قازاقتان باسقا دوسى دا, قامقورشىسى دا, قولداۋشىسى دا جوق!
ەندەشە, بٸر-بٸرٸمٸزدٸ قولدايىق, جىلى سٶزدەر ايتايىق, جاقسىلىق جاسايىق! بٸر-بٸرٸمٸزدٸ «باۋىرىم» دەپ باۋىرىمىزعا باسىپ, قورعان بولىپ, قامقورشىلىق تانىتايىق!
بٸر-بٸرٸمٸزگە كەشٸرٸمشٸل بولايىق, قادٸرلٸ جاماعات! ونسىز قازاقتا جارقىن بولاشاق جوق!
دۋمان رامازاننىڭ فەيسبۋكتاعى جازباسىنان
