قازاق ورمان شارۋاشىلىعى جەنە اگروورمانمەليوراتسييا عىلىمي-زەرتتەۋ ينستيتۋتىنا كٶرنەكتٸ قوعام جەنە مەملەكەت قايراتكەرٸ, عالىم, پۋبليتسيست, ەتنوگراف ەليحان نۇرمۇحامەدۇلى بٶكەيحانوۆتىڭ ەسٸمٸ بەرٸلدٸ, دەپ حابارلايدى "ۇلت اقپارات" نستيتۋتتىڭ سايتىنا سٸلتەمە جاساپ.
ەليحان بٶكەيحانوۆ ٶزٸنٸڭ سانالى ٶمٸرٸن قازاق حالقىنىڭ بوستاندىعى مەن ساياسي دەربەستٸگٸ ٷشٸن كٷرەسكە ارنادى. ونىڭ وتاندىق عىلىمدى دامىتۋعا قوسقان ٷلەسٸ دە وراسان.
ەليحان بٶكەيحانوۆ ارتىندا باي مۇرا قالدىردى. ونىڭ مىڭنان استام ماقالا, وچەرك پەن جازباسى, قازاقستان تاريحى, انتروپولوگييا, ەگٸنشٸلٸك, مال شارۋاشىلىعى, ەدەبيەت جەنە باسقا دا بٸلٸم سالالارى بويىنشا ٸرگەلٸ عىلىمي ەڭبەكتەرٸ بار.
1894-1926 جىلدارى ە. ن. بٶكەيحانوۆ تٶرت عىلىمي-زەرتتەۋ ەكسپەديتسيياسىنىڭ جۇمىسىنا قاتىستى: «توبىل» رەتٸندە بەلگٸلٸ ەكسپەديتسيياعا; ف. ا. ششەربينانىڭ باسشىلىعىنداعى ەكسپەديتسيياعا; س. پ. شۆەتسوۆتىڭ باسشىلىعىنداعى ستاتيستيكالىق-ەكونوميكالىق ەكسپەديتسيياعا; سونىمەن قاتار (1926 جىلى) سسسر عىلىم اكادەميياسىنىڭ انتروپولوگييالىق ەكسپەديتسيياسىنا قاتىستى. ول تەۋەلسٸزدٸكتٸڭ قالىپتاسۋ بولاشاعىنا زور ٷلەس قوستى.
