Qazaq orman sharýashylyǵy jáne agroormanmelioratsiia ǵylymi-zertteý institýtyna kórnekti qoǵam jáne memleket qairatkeri, ǵalym, pýblitsist, etnograf Álihan Nurmuhameduly Bókeihanovtyń esimi berildi, dep habarlaidy "Ult aqparat" nstitýttyń saityna silteme jasap.
Álihan Bókeihanov óziniń sanaly ómirin qazaq halqynyń bostandyǵy men saiasi derbestigi úshin kúreske arnady. Onyń otandyq ǵylymdy damytýǵa qosqan úlesi de orasan.
Álihan Bókeihanov artynda bai mura qaldyrdy. Onyń myńnan astam maqala, ocherk pen jazbasy, Qazaqstan tarihy, antropologiia, eginshilik, mal sharýashylyǵy, ádebiet jáne basqa da bilim salalary boiynsha irgeli ǵylymi eńbekteri bar.
1894-1926 jyldary Á. N. Bókeihanov tórt ǵylymi-zertteý ekspeditsiiasynyń jumysyna qatysty: «Tobyl» retinde belgili ekspeditsiiaǵa; F. A. Sherbinanyń basshylyǵyndaǵy ekspeditsiiaǵa; S. P. Shvetsovtyń basshylyǵyndaǵy statistikalyq-ekonomikalyq ekspeditsiiaǵa; sonymen qatar (1926 jyly) SSSR Ǵylym akademiiasynyń antropologiialyq ekspeditsiiasyna qatysty. Ol Táýelsizdiktiń qalyptasý bolashaǵyna zor úles qosty.
