ابايدىڭ كەشەگٸ ٶزٸ ٶمٸر سٷرگەن زامانىندا ايتقان ازاماتتىق ويلارى بٷگٸنگٸ كٷنٸ دە ٶزەكتٸلٸگٸن جويعان جوق. مۇنداي پٸكٸردٸ قر جازۋشىلار وداعى نۇر-سۇلتان قالالىق فيليالىنىڭ ديرەكتورى, اقىن دەۋلەتكەرەي كەپۇلى بٸلدٸردٸ, دەپ حابارلايدى قازاقپارات.
«اباي حالىقتىڭ ابايى بولعاننان كەيٸن بۇل كٷن ۇلتتىق مەرەكەگە اينالىپ جاتىر. ابايدىڭ كەشەگٸ ٶزٸ ٶمٸر سٷرگەن زامانىندا حالىقتىڭ مۇڭىن مۇڭداعان دٷنيەسٸ, جالپى ازاماتتىق ويلارى بٷگٸنگٸ كٷنٸ دە ٶزەكتٸلٸگٸن جويعان جوق. سونىڭ ٸشٸندە قازاق قوعامىنا نە كەرەك, قازاق قوعامىنا قانداي قادٸر-قاسيەت قاجەت دەگەندە ەلٸ كٷنگە ابايعا جٷگٸنەمٸز. ونى ابايدان تابامىز. سوندىقتان اباي كٷنٸ تەك بٸر عانا كٷن ەمەس جىل بويى اتالىپ ٶتٸلۋٸ تيٸس. قازاقتىڭ ٶمٸر سٷرۋ عۇرپىندا, سالتىندا ابايدىڭ ويلاۋ جٷيەسٸ, ابايدىڭ قازاقتى سٷيۋٸ, ۇلتقا دەگەن ماحابباتى جالعاسىن تابۋى كەرەك. ٶيتكەنٸ, ابايدى تەك بٸر كٷن عانا ۇلتىقتاپ, قالعان كٷندەرٸ ۇمىتۋ تانىمىمىزعا جات دٷنيە. ابايمەن ماقتانعان كٷننٸڭ ٶزٸندە دە ونىڭ شىعارمالارىن تانىپ بارىپ قانا ماقتانعانىمىز جٶن», - دەدٸ دەۋلەتكەرەي كەپۇلى.
ايتا كەتەيٸك, قازاقتىڭ ۇلى اقىنى ابايدىڭ 175 جىلدىق مەرەيتويىنا وراي قر مەملەكەتتٸك حاتشىسى قىرىمبەك كٶشەرباەۆ باستاعان بٸر توپ مەملەكەت جەنە قوعام قايراتكەرٸ ەلورداداعى اباي ەسكەرتكٸشٸنە سالتاناتتى جاعدايدا گٷل شوقتارىن قويعان ەدٸ.
ەستەرٸڭٸزدە بولسا تاياۋدا قازاقستان ٷكٸمەتٸنٸڭ قاۋلىسىمەن 10 تامىز اباي كٷنٸ بولىپ بەلگٸلەندٸ.
