21 ناۋرىز كٷنٸ «قازاق حاندىعى» سەريالىنىڭ كينونۇسقاسى - «قازاق حاندىعى. التىن تاق» فيلمٸ جالپىۇلتتىق پروكاتقا شىعادى, دەپ حابارلايدى "ۇلت اقپارات" «قازاقفيلمگە» سٸلتەمە جاساپ.
«اتالعان اۋقىمدى جوبانىڭ ەكٸنشٸ ماۋسىمىن قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋديياسى تٷسٸرگەن», - دەلٸنگەن حابارلامادا.
تاريحقا كٶز جٷگٸرتسەك, XV عاسىردىڭ ورتا شەنٸندە شىڭعىس حان مەن ەمٸر تەمٸر يمپەرييالارىنىڭ قيراندىسىنىڭ ورنىندا بٸرنەشە ۇلىستار بوي كٶتەرگەن. ورىس حان تاعىن كٷشپەن يەلەنٸپ, 40 جىل بويى جەكە دارا بيلٸك قۇرعان ەبٸلقايىر حاننىڭ اۋىر ەزگٸسٸ - دەشتٸ قىپشاق جۇرتىنىڭ جاپپاي نارازىلىعىن تۋدىرادى. 1465 جىلى كەرەي مەن جەنٸبەك سۇلتاندار كٶك وردا بيلەۋشٸسٸ ەبٸلقايىر شايبانيگە نارازى كٶشپەلٸ تايپالاردى بٸر تۋدىڭ استىنا جيىپ, جەتٸسۋ ٶلكەسٸندە - «قازاق حاندىعىن» قۇردى. الايدا جاس ۇلىستى جٶرگەگٸندە تۇنشىقتىرعىسى كەلگەن ەبٸلقايىر حان, اتا جاۋى كەرەي مەن جەنٸبەككە قارسى جويقىن جورىققا اتتاندى. الدا ۇلى مايدان كٷتٸپ تۇرعان ەدٸ. ال كەرەي حان مەن جەنٸبەك سۇلتاننىڭ باستى ماقساتى -سىعاناقتاعى التىن تاقتى قايتارىپ الۋ بولاتىن... وسى تاريحي وقيعالاردى «قازاق حاندىعى. التىن تاق» تاريحي كارتيناسىنان كٶرە الاسىز.
تاريحي كينوديلوگييا ٸليياس ەسەنبەرليننٸڭ «كٶشپەندٸلەر» تريلوگيياسىنىڭ بٸرٸنشٸ رومانى بويىنشا تٷسٸرٸلگەن.
فيلمنٸڭ رەجيسسەرٸ - رٷستەم ەبدٸراشوۆ. ول - «قۇراق كٶرپە», «قالادان كەلگەن قىز», «ستالينگە سىيلىق», ەلباسى جولى كينوەپوپەياسىنىڭ: «بالالىق شاعىمنىڭ اسپانى», «وت-ٶزەن», «تەمٸرتاۋ», «تىعىرىقتان جول تاپقان» جەنە «قازاق حاندىعى. الماس قىلىش» اتتى كينوتۋىندىلارىنىڭ اۆتورى.
ەسكە سالا كەتسەك, استانادا جاقىندا «قازاق حاندىعى. التىن تاق» فيلمٸنٸڭ تۇساۋكەسەرٸ ٶتكەن بولاتىن.
