ابىلايحان مەن ەكاتەرينا ەسٸمدٸ جاس جۇپتىڭ شاڭىراق كٶتەرگەندەرٸنە سەگٸز جىل. ەكەۋٸنٸڭ كٶز قۋانىشىنا اينالعان بەس بالاسى بار. ٷلكەن قىزدارى جەتٸ جەنە بەس جاستا. ودان كەيٸنگٸ ەگٸز ۇلدارى 2015 جىلى 3 شٸلدەدە ٶمٸرگە كەلگەن. ەگٸزدەردەن كەيٸن دە تاعى بٸر ۇلدى بولعان.
الايدا, جاس وتباسى ەگٸز ۇلدارى دٷنيە ەسٸگٸن اشقاننان كەيٸن تاعدىردىڭ سىنىنا ۇشىراپ, تاۋقىمەت تارتادى. سول بٸر شاقتاردى ەكاتەرينا بىلاي دەپ ەسكە الادى: «ۇلدارىمدى ۋاقىتىنان ەرتە, التى ايلىعىندا بوسانىپ قويدىم. پەرزانتحاناعا بارعانىمدا, دەرٸگەرلەر بوساناتىنىمدى ايتتى. ەرينە, شالا تۋعاندىقتان جيىرما ەكٸ كٷن بويى سەبيلەرٸم جان ساقتاۋ بٶلٸمٸندە جاتتى. الدىمەن ٶكپەنٸ جاساندى جەلدەتۋ اپپاراتىندا, ودان سوڭ سيپاپ اپپاراتىنا اۋىستىردى. بٸراز ۋاقىت ٶتكەننەن كەيٸن كۋۆەزدەن (ينكۋباتور) شىعىپ, ەكٸنشٸ كەزەڭگە ٶتتٸك. ەكٸنشٸ كەزەڭگە ٶتكەن ۋاقىتتا نەگٸزدٸ دەرٸگەرلەردٸڭ, ياعني وتولارينگولوگتىڭ, وكۋليستٸڭ تەكسەرٸسٸ باستالدى. بالالاردىڭ كٶزٸن, قۇلاعىن تەكسەردٸ. سول ۋاقىتتا بٸزگە كٶز اۋرۋلارى عىلىمي زەرتتەۋ ينستيتۋتىنان شاريپوۆا ەسەل ٷسەنبايقىزى دەگەن دەرٸگەر كەلدٸ. كٶز اۋرۋلارى ينستيتۋتىنىڭ دەرٸگەرلەرٸ قالاداعى بارلىق پەرزەنتحانالاردى ارنايى ارالاپ, شالا تۋعان بالالاردى تەكسەرەدٸ ەكەن. ولاردىڭ بويىندا قانداي دا بٸر سىرتقات بەلگٸلەرٸ بولسا, سولاردى انىقتايدى. ەسەل ٷسەنبايقىزى بٸز جاتقان پەرزەنتحاناعا كەلٸپ, مەنٸڭ سەبيلەرٸمدٸ تەكسەرٸپ, شالا تۋعان بالالاردىڭ رەتينوپاتيياسى دەگەن دياگنوز قويىپ, شۇعىل تٷردە وتا جاساۋ كەرەكتٸگٸن ايتتى».
بۇل وتانىڭ اتى «كٶزدٸڭ ٸشكٸ تور قابىعىنا لازەرلٸ كواگۋلياتسييا» دەپ اتالادى ەكەن. العاشىندا قورىققان ەكاتەرينا تالاي كٷندٸ جىلاۋمەن ٶتكٸزەدٸ. «بٸراق مەن دەرٸگەرگە سەندٸم. بٸزگە قويىلعان دياگنوز – كٶز تٷبٸنٸڭ جەتٸلمەۋٸ بولدى. سوندىقتان باسقا جاقتان دەرٸگەر ٸزدەۋ, ٶزگە ەلگە اپارۋ تۋرالى ويلاۋعا شامامىز دا بولعان جوق. سەبيلەرٸمە وتادان باستاپ ەمنٸڭ بارلىعى تەگٸن جاسالدى. الدىمەن ۋزيگە تٷسٸرٸپ, ودان سوڭ وتاعا دايىندادىق. راميلٸمە ەكٸ وتا, ال مٷسٸلٸمگە بٸر وتا جاسادى» دەيدٸ ول.
دەرٸگەرلەرگە بالالارىنىڭ ٶمٸرٸ ٷشٸن قارىزدارمىن ەسەپتەيتٸن ەكاتەرينا دەرٸگەر ەسەل ٷسەنبايقىزى دا, كٶز اۋرۋلارى ينستيتۋتىنداعى باسقا دەرٸگەرلەر مەن مەدبيكەلەر دە ٶز جۇمىستارىن ٶتە جاقسى بٸلەتٸن, ناۋقاستارعا نەمقۇرايلى قارامايتىن ماماندار دەپ العىسىن جاۋدىرىپ وتىر. «ەسەل ٷسەنبايقىزى, مەسەلەن, مەنٸڭ بالالارىمنىڭ كٶزٸن زاعيپتىقتان ساقتاپ قالدى. قۇدايعا شٷكٸر, مٷلدە كٶرمەي قالعان جوق. قازٸر ەكەۋٸ دە كٶرەدٸ. رەتينوپاتييا توقتادى. ەرينە, ارنايى كٶزٸلدٸرٸك كيٸپ جٷرەدٸ. ارى قاراي كٶزٸلدٸرٸكپەن تٷزەتەمٸز دەپ وتىرمىز. وسىنىڭ بەرٸ ٶزٸمٸزدٸڭ دەرٸگەرلەردٸڭ ەڭبەگٸ, ۋاقىتىندا قولعا الىپ, ەم جاساعانىنىڭ ارقاسى» دەيدٸ, اللاعا مىڭ دا بٸر شٷكٸرشٸلٸك ايتقان انا.
وسى رەتتە وتاندىق مەديتسينانىڭ جەتٸستٸگٸ مەن بٸلٸكتٸلٸگٸ شٷبە كەلتٸرمەگەن ەكاتەرينا: «اۋرۋحانادا مەنٸمەن بٸرگە بالالارى سىرقاتپەن تۋعان انالار جاتتى. ولار دەرٸگەرلەردٸڭ سٶزٸن تىڭداماي, وتاسىز-اق جازىلىپ كەتەمٸز دەيتٸن. ٶكٸنٸشكە وراي, سونىڭ سالدارىنان كٶپتەگەن سەبيلەردٸڭ كٶزٸ مٷلدە كٶرمەي قالدى. سوندىقتان مەن ٶزٸمٸزدٸڭ دەرٸگەرلەرگە يمانداي سەنەمٸن جەنە ەڭبەكتەرٸن باعالايمىن. سول كەزدە بالالارىمدى امان الىپ قالاتىنىنا دا سەندٸم. ولاردىڭ ايتقانىن بۇلجىتپاي ورىندادىم. مەسەلەن, عالامتوردا بٸر توپتاعى انالار رەسەيگە, گەرمانيياعا بارىپ وتا جاساتتىق دەپ جازىپ جاتادى. بٸراق مەن ولارمەن ٶزٸمدٸ ەشقاشان سالىستىرعان ەمەسپٸن. سەبەبٸ, بٸزدٸڭ جەتكەن نەتيجەمٸز ولاردان كەم ەمەس. ولاردىڭ اراسىندا دياگنوزى كەشٸگٸپ قويىلعان, بٸزدە ەمدەلگٸسٸ كەلمەي جٷرە بەرٸپ, بالالارىنىڭ كٶزٸن سوقىر قىلىپ العاندار بار. مەنٸڭشە, ولاردىڭ كٶبٸ كٶز اۋرۋلارى ينستيتۋتىنا ەشقاشان جٷگٸنبەگەن, وندا ەسەل ٷسەنبايقىزى سيياقتى بٸلٸكتٸ دەرٸگەرلەر جۇمىس ٸستەيتٸنٸن بٸلمەيدٸ. جالعىز مەن ەمەس, تاعى بٸرنەشە انانى بٸلەمٸن. بٸر تانىسىمنىڭ ەگٸز قىزىنا ەسەل ٷسەنبايقىزى وتا جاسادى. قازٸر قىزدارى جٷگٸرٸپ جٷر. ول دا, ٶزگە انالار دا قازاقستاندىق دەرٸگەرلەردٸڭ قىزمەتٸنە ريزا. قازاقستاندىق مەديتسينا شەتەلدەگٸ, قىتايدىڭ, گەرمانييانىڭ مەديتسيناسىنان ەشقانداي دە كەم ەمەس. كەرٸسٸنشە, بٸزدەگٸ ەمدەلۋشٸلەردٸڭ كٶبٸندە العىس ايتۋ سەزٸمٸ جوق سيياقتى كٶرٸنەدٸ ماعان. بٸز, مٸنەكەي, شەتەلگە بارماساق تا, باسقا ەلدٸڭ دەرٸگەرلەرٸنە جٷگٸنبەسەك تە, ٶز دەرٸگەرلەرٸمٸزدٸڭ ارقاسىندا سەبيلەرٸمٸزدٸ قۇشاعىمىزعا الىپ, امان-ەسەن ٶسٸپ جاتىرمىز. سول ٷشٸن كٶز اۋرۋلارى عىلىمي ينستيتۋتى مەن ەسەل ٷسەنبايقىزىنا العىس ايتامىن» دەپ اعىنان اقتارىلدى.
.jpeg)