فوتو: «قازاەروناۆيگاتسييا» رمك باسپاسٶز قىزمەتٸ
15 قاراشا كٷنٸ الماتىدا «قازاەروناۆيگاتسييا» رمك كەسٸبي دايىنداۋ ورتالىعىندا ەۋە قوزعالىسىنا قىزمەت كٶرسەتۋ ديسپەتچەرلەرٸن دايارلاۋعا ارنالعان جاڭا وقۋ-جاتتىعۋ قۇرىلعىسى كەشەنٸ ٸسكە قوسىلدى, دەپ حابارلايدى Ult.kz.
اقش-تا ٶندٸرٸلگەن «Air Traffic Simulation and Voice Technologies» جاتتىعۋ كەشەنٸن UFA Inc. كومپانيياسى «قازاەروناۆيگاتسييا» رمك تاپسىرىسى بويىنشا ەزٸرلەگەن. بۇل كەشەن بولاشاق ديسپەتچەرلەردٸ باستاپقى دايارلاۋدان ٶتكٸزٸپ قانا قويماي, جۇمىس ٸستەپ جٷرگەن مامانداردىڭ كەسٸبي شەبەرلٸگٸن ارتتىرۋعا دا مٷمكٸندٸك بەرەدٸ.
"بۇعان دەيٸن ورتالىقتا رەسەيلٸك ٶندٸرٸستەگٸ ترەناجەر قولدانىلىپ كەلگەن, ول ەلٸ دە قولدانىستا. الايدا بيىل بٸز ەلەمگە تانىمال UFA Inc. كومپانيياسىنىڭ ارنايى بٸز ٷشٸن ەزٸرلەگەن زاماناۋي امەريكالىق ترەناجەرٸن ٸسكە قوستىق.
بۇل كەشەن ەۋە قوزعالىسىن باسقارۋدىڭ بەس نەگٸزگٸ ەلەمەنتٸن – جەرٷستٸ قوزعالىسىن باسقارۋ, مۇنارا, شەڭبەر, جاقىنداۋ جەنە ايماقتىق ورتالىق (جوعارعى ەۋە كەڭٸستٸگٸ) – بٸر تاپسىرما اياسىندا جۇمىس ٸستەۋگە مٷمكٸندٸك بەرەدٸ. ەر مامان ٶز ورنىندا وتىرىپ, ٷدەرٸستٸ ٷزٸپ, تالقىلاپ, قايتا جالعاستىرا الادى. بۇل – سوڭعى تەحنولوگييالاردى قولدانا وتىرىپ جاسالعان ٶتە زاماناۋي ترەناجەر. وسى ترەناجەردٸ ٸسكە قوسۋ ارقىلى بٸز ديسپەتچەرلەرگە مول بٸلٸم بەرۋ مٷمكٸندٸگٸنە يە بولدىق", - دەيدٸ «قازاەروناۆيگاتسييا» رمك ورتالىعىنىڭ ديرەكتورى نۇرجان احمەتوۆ.
فوتو: «قازاەروناۆيگاتسييا» رمك باسپاسٶز قىزمەتٸ
كەشەننٸڭ تەحنيكالىق مٷمكٸندٸكتەرٸ ەۋەجايداعى ەۋە ترافيگٸ مەن جەردەگٸ قوزعالىستى يميتاتسييالاۋعا ارنالعان. وقۋ بارىسىندا جاساندى ينتەللەكت پسەۆدوپيلوتتىڭ ورنىن باسىپ, راديوبايلانىستى قامتاماسىز ەتەدٸ. سونىمەن قاتار, كەشەن ۆيرتۋالدى شىنايىلىق تەحنولوگيياسى ارقىلى اۆياديسپەتچەردٸڭ جۇمىس ورنىن بارىنشا دەل بەينەلەيدٸ.
جاڭا جٷيەگە قازاقستاننىڭ قولدانىستاعى ەۋەايلاقتارى مەن ەۋە كەڭٸستٸگٸن قامتيتىن اەروناۆيگاتسييالىق كارتالار جٷكتەلگەن. بۇل جابدىق قازاقستاندا جەنە ورتالىق ازييادا تەڭدەسٸ جوق دەپ تانىلدى.
فوتو: «قازاەروناۆيگاتسييا» رمك باسپاسٶز قىزمەتٸ
ايتا كەتسەك, كەسٸبي دايىنداۋ ورتالىعى – يكاو TRAINAIR PLUS Gold باعدارلاماسىنىڭ تولىققاندى مٷشەسٸ مەرتەبەسٸن يەلەنگەن قازاقستانداعى جالعىز اۆياتسييالىق وقۋ ورنى. قازٸر ورتالىق Platinum مەرتەبەسٸنە قول جەتكٸزۋدٸ جەنە قازاقستان, ورتالىق ازييا مەن تمد ەلدەرٸنٸڭ اۆياتسييا سالاسىنداعى جەتەكشٸ وقۋ ورتالىعى اتانۋدى ماقسات ەتٸپ وتىر.
نۇرجان احمەتوۆتىڭ ايتۋىنشا, قازٸرگٸ ۋاقىتتا كەسٸبي دايارلاۋ ورتالىعىندا 36 جوعارى بٸلٸكتٸ نۇسقاۋشى جۇمىس ٸستەيدٸ. ولار دا ەلەمدٸك وقۋ ورتالىقتارىندا وقىپ, ەرٸپتەستٸك تەجٸريبە الماسادى. بيىل ورتالىق 20 جىلدىعىن اتاپ ٶتۋدە. وسىعان وراي الماتىعا بارلىق حالىقارالىق سەرٸكتەستەر شاقىرىلعان.
«قازاەروناۆيگاتسييا» قازاقستاننىڭ ەۋە كەڭٸستٸگٸندە اەروناۆيگاتسييالىق قىزمەت كٶرسەتۋدٸ قامتاماسىز ەتەدٸ. بۇل قىزمەتتٸڭ ساپاسى مەن قاۋٸپسٸزدٸگٸن جوعارى دەڭگەيدە ۇستاپ تۇرۋ ٷشٸن بٸزدە ەۋە قوزعالىسىن ۇيىمداستىرۋ بويىنشا مىڭعا جۋىق قىزمەتكەر, ATSEP ينجەنەرلەرٸنەن 500-دەن استام مامان جەنە مەتەوقىزمەتتە 350-دەن استام ادام جۇمىس ٸستەيدٸ. قازٸرگٸ ۋاقىتتا بٸز كادرلاردى دايارلاۋ, ٸزدەۋ جەنە دامىتۋ مەسەلەلەرٸنە ەرەكشە نازار اۋدارىپ وتىرمىز. وسىعان بايلانىستى ەلەمنٸڭ جەتەكشٸ اۆياتسييالىق وقۋ ورتالىقتارىمەن, مىسالى, ۇلىبريتانيياداعى ATS Global, شۆەتسيياداعى Entry Point North, فرانتسيياداعى ENAC, ريگاداعى اەروناۆيگاتسييا ينستيتۋتى جەنە چەحيياداعى اەروناۆيگاتسييا ينستيتۋتىمەن تىعىز بايلانىس ورناتتىق", - دەپ اتاپ ٶتتٸ نۇرجان احمەتوۆ.
2023 جىلى كەسٸبي دايىنداۋ ورتالىعىندا 291 ادام وسى جاتتىعۋ كەشەنٸندە وقۋدان ٶتتٸ. ال بيىلعى جىلدىڭ العاشقى 9 ايىندا 192 ادام دايىندىقتان ٶتكەن. جاڭا ترەناجەر ورتالىقتىڭ نۇسقاۋشىلارىنا بولاشاق جەنە قازٸرگٸ ديسپەتچەرلەردٸ ەكٸ ەسە كٶپ وقىتۋعا مٷمكٸندٸك بەرەدٸ.
