فوتو: pxhere.com / smugglaren
بٷگٸن مەجٸلٸستٸڭ جالپى وتىرىسىندا پرەمەر-مينيستردٸڭ ورىنباسارى تامارا دٷيسەنوۆا جايىلىمدىق جەرلەردٸ ۇتىمدى پايدالانۋ قادامدارى جايىندا ايتتى, دەپ حابارلايدى Kazinform اگەنتتٸگٸ.
«جالپى, اۋىل شارۋاشىلىعىنا مەملەكەتتٸك قولداۋ كٶرسەتۋ ٷشٸن ٷكٸمەت جٷيەلٸ شارالار قابىلداپ جاتىر. مەسەلەن, وسى سالاعا بٶلٸنگەن سۋبسيدييا كٶلەمٸ 430 ملرد تەڭگەگە دەيٸن ٶستٸ. كٶكتەمگٸ ەگٸس جەنە كٷزگٸ ەگٸن وراعى ناۋقانىنا جىل سايىن بەرٸلەتٸن جەڭٸلدەتٸلگەن نەسيە كٶلەمٸ 70-تەن 140 ملرد تەڭگەگە ارتتى. سالاعا سالىنعان ينۆەستيتسييالاردىڭ كٶلەمٸ 72 پايىزعا ارتىپ, 850 ملرد تەڭگەگە دەيٸن جەتتٸ», - دەدٸ دٷيسەنوۆا.
ونىڭ ايتۋىنشا, ازىق-تٷلٸك قاۋٸپسٸزدٸگٸن قامتاماسىز ەتۋ ٸسٸندە ەلٸمٸزدٸڭ جەر رەسۋرستارىن, ونىڭ ٸشٸندە اۋىل شارۋاشىلىعى ماقساتىنداعى جەرلەردٸ ۇتىمدى جەنە تيٸمدٸ پايدالانۋ مەسەلەسٸ ٶتە ٶزەكتٸ.
«وسى ورايدا پايدالانىلماي بوس جاتقان نەمەسە بٸر كەزدە زاڭسىز بەرٸلگەن اۋىل شارۋاشىلىعى جەرلەرٸن, ونىڭ ٸشٸندە جايىلىمدىق جەرلەردٸ قايتارۋ ٷشٸن بەلسەندٸ جۇمىس جالعاسىپ جاتىر. 2022 جىلدىڭ باسىنان بەرٸ 8,5 ملن گەكتاردان استام جەر قايتارىلدى, ونىڭ 2,8 ملن گەكتارى قازٸردٸڭ ٶزٸندە ەلدٸڭ يگٸلٸگٸنە بەرٸلدٸ. قايتارىلعان جەردٸڭ كٶبٸ حالىققا مال جايۋ ٷشٸن بەرٸلٸپ جاتىر. بۇل رەتتە تيٸستٸ زاڭنامالىق اكتٸلەرگە جايىلىمداردى پايدالانۋ مەسەلەسٸ بويىنشا ٶزگەرٸستەر ەنگٸزۋ ٷشٸن پارلامەنت دەپۋتاتتارىنىڭ باستاماسىمەن اۋقىمدى جۇمىس جاسالىپ جاتقانىن اتاپ ٶتكٸم كەلەدٸ. بۇل ٶزگەرٸستەر, جايىلىمداردى باسقا جەر تٷرلەرٸنە اۋىستىرۋعا تىيىم سالۋ, ولاردى مال جايۋ ٷشٸن رەزەرۆكە قويۋ, جايىلىمدىق جەرلەردٸ الۋ نورماتيۆتەرٸن ۇلعايتۋ جەنە باسقا دا نورمالار ارقىلى جايىلىمدىق جەرلەردٸ ۇتىمدى پايدالانۋعا مٷمكٸندٸك بەرەدٸ», - دەدٸ ٷكٸمەت باسشىسىنىڭ ورىنباسارى.
