قازاقستاندىق اۋىراتلەت سۆەتلانا پودوبەدوۆا حوك-تىڭ لوندوندا جەڭٸپ العان وليمپيادا مەدالٸن قايتارۋ تۋرالى شەشٸمٸنە قاتىستى پٸكٸرٸن بٸلدٸردٸ. Vesti.kz سايتىنا بەرگەن سۇحباتىندا ول مەدالدٸڭ ٶزٸنە عانا ەمەس, قازاقستان حالقىنا تيەسٸلٸ ەكەنٸن ايتىپ, ونى قايتارمايتىنىن مەلٸمدەدٸ.
"(...) ەرينە, وقيعا جاقسىلىقپەن اياقتالادى دەگەن ٷمٸتٸمٸز بولدى, بارلىعى دا قاتە بولىپ, قورقىنىشتى تٷستەي ٶتە شىعادى دەپ ويلاپ, جاتتىعۋىمىزدى جالعاستىردىق, بٸراق... بٸزدٸ وليمپياداعا جٸبەرمەگەندە مۇنىڭ بارلىعى نە ٷشٸن بولىپ جاتقانى تٷسٸنٸكتٸ بولدى... مۇنىڭ بەرٸ ارتتا قالدى. حوك وتىرىسىنان ٶز باسىم جاقسى جاڭالىق كٷتپەدٸم, سەبەبٸ ولار ٶز شەشٸمٸن ەشقاشان ٶزگەرتپەگەن. ەرينە, مەدەنيەت جەنە سپورت مينيسترلٸگٸ, ۇلتتىق وليمپيادا كوميتەتٸ, بٸزدٸڭ فەدەراتسييا بٸز ٷشٸن سوڭىنا دەيٸن كٷرەستٸ, ادۆوكات جالدادى, بٸراق WADA قاتەلەستٸك دەمەيتٸن شىعار, ونىڭ مەنٸ دە جوق, سەبەبٸ ٶزدەرٸنٸڭ نەگٸزگٸ جۇمىسى بٸتتٸ - ەلەمنٸڭ ٷزدٸك سپورتشىلارى وليمپياداعا قاتىسا المادى...", - دەدٸ سۆەتلانا پودوبەدوۆا.
"مەدالدٸ قايتارۋعا نيەتٸم جوق. مەدال ٷشٸن كٷرەستٸم, ٶز ەڭبەگٸممەن الدىم, كٶپتەگەن جاتتىعۋىمنىڭ ارقاسى. سول كەزدە وسى مەلدال ٷشٸن بٷكٸل قازاقستان قۋاندى, سەبەبٸ بۇل مەدال مەنٸكٸ عانا ەمەس, قازاقستان حالقىنا تيەسٸلٸ. بٸز ونى نە ٷشٸن قايتارۋىمىز كەرەك? ونى بٸزگە سول كەزدە نە ٷشٸن بەردٸ? 10 جىلدان كەيٸن بٸراق بەرمەي مە. جوق, مۇنى تالقىلاۋعا دا كەلمەيدٸ. بٸزدٸ وليمپياداعا دەيٸن دە, كەيٸن دە تەكسەردٸ - بەرٸ دۇرىس بولاتىن. ال تٶرت جىلدان كەيٸن نە بولعانى ەلٸ كٷنگە دەيٸن جۇمباق. ەگەر قاجەت دەپ جاتسا, كٶشٸرمەسٸن جاساتامىن دا, جٸبەرە سالامىن", - دەدٸ اۋىراتلەت.
ەسكە سالايىق, حالىقارالىق اۋىر اتلەتيكا كوميتەتٸ 2008 جىلعى وليمپيادانىڭ كٷمٸس جٷلدەگەرٸ تايمۋراز تيگيەۆتٸڭ مەدالٸن قايتارۋ تۋرالى شەشٸم قابىلداعان. زٸلتەمٸرشٸلەر ماييا مانەزا, سۆەتلانا پودوبەدوۆا جەنە زٷلفييا چينشانلو 2012 جىلعى وليمپيادانىڭ التىن مەدالدارىنان ايىرىلعان. بارلىق سپورتشىنىڭ قانىنان بيىل تىيىم سالىنعان زاتتار تابىلعان ەدٸ.
