فوتو: © Sputnik / بولات شايحينوۆ
قايرات ساتىبالدىۇلى ٸسٸ بويىنشا 14 ميلليون اقش دوللارى مەملەكەت كٸرٸسٸنە قايتارىلدى, - دەپ حابارلايدى "ۇلت اقپارات" انتيكور باسپاسٶز قىزمەتٸنە سٸلتەمە جاساپ.
"قازاقستان رەسپۋبليكاسىنىڭ سىبايلاس جەمقورلىققا قارسى ٸس-قيمىل اگەنتتٸگٸ قايرات ساتىبالدىۇلىنا جەنە باسقا دا ادامدارعا قاتىستى جٷرگٸزٸلٸپ جاتقان تەرگەپ-تەكسەرۋ اياسىندا ەلدەن زاڭسىز شىعارىلعان اكتيۆتەردٸ, ونىڭ ٸشٸندە قىلمىستىق جولمەن الىنعان اقشا قاراجاتىن جەنە ٶزگە دە مٷلٸكتٸ قايتارۋ جٶنٸندە شارالار قابىلداپ جاتىر.
مامىردىڭ سوڭىنا قاراي سىبايلاس جەمقورلىققا قارسى قىزمەت شەت مەملەكەتتەردٸڭ قۇقىق قورعاۋ ورگاندارىمەن حالىقارالىق ىنتىماقتاستىقتى قامتاماسىز ەتەتٸن باس پروكۋراتۋرامەن بٸرلەسٸپ, بٸرٸككەن اراب ەمٸرلٸكتەرٸنەن جالپى سوماسى 14 ميلليون اقش دوللارىن قايتاردى. اتالعان قاراجات مەملەكەت كٸرٸسٸنە اينالدىرىلىپ, ەلەۋمەتتٸك ماقساتتاردا پايدالانىلادى", - دەلٸنگەن حابارلامادا.
انتيكور مەلٸمەتٸنشە, قىلمىستىق قۋدالاۋ باستالعاننان بەرٸ مەملەكەتكە زاڭسىز ساتىپ الىنعان ساتىبالدىۇلى جەنە ونىمەن بايلانىستى تۇلعالاردىڭ 464 ميلليارد تەڭگەدەن اسا سوماعا مٷلٸكتٸك اكتيۆتەرٸ مەن اقشالاي قاراجاتتارى قايتارىلعان.
"ولارعا ەكٸمشٸلٸك عيماراتتار, ەكسكليۋزيۆتٸ زەرگەرلٸك بۇيىمدار, سەندٸ كٶلٸكتەر, قولما-قول اقشا, اكتسييالار مەن كومپانييالاردىڭ ٷلەستەرٸ, سونداي-اق تەمٸرجول كٸرەدٸ. زاڭسىز شىعارىلعان اكتيۆتەردٸ قايتارۋ بويىنشا جۇمىس جالعاسىپ جاتىر", - دەلٸنگەن حابارلامادا.
