قالادا مەرەكە كٷندەرٸ جۇمىسىن توقتاتپاعان تاعى بٸر مەيرامحانا انىقتالدى. مونيتورينگتٸك توپ پەن قالالىق شتابتىڭ ماماندارى بٸرلەسٸپ, كٶڭٸل كٶتەرەتٸن ورىننىڭ ٸشٸنە 3 ساعات دەگەندە ەزەر كٸردٸ. ەڭ قىزىعى, كارانتين تالاپتارىن ساقتاماعان قوناقتاردىڭ اراسىندا ەلگە تانىمال ەنشٸلەر مەن ەرتٸستەر دە بار بوپ شىقتى, - دەپ حابارلايدى "ۇلت اقپارات" Almaty.tv تەلەارناسىنا سٸلتەمە جاساپ.
وقيعا مەدەۋ اۋدانىندا بولعان. قالاداعى بارلىق تەكسەرۋشٸلەر اياعىنان تٸك تۇرىپ, ەسٸكتٸ ۇزاق ۋاقىت اشپاعان مەيرامحانانى 3 ساعات قورشاۋدا ۇستادى. تەلەارنا تٸلشٸسٸنٸڭ ايتۋىنشا, بٸر قاراعاندا مەيرامحانا جابىق سيياقتى. تەرەزەلەرٸن جارىق كٶرٸنبەيتٸن ەتٸپ قاراڭعىلاپ تاستاعان. بٸراق سىرتتا كٶلٸك كٶپ. بٸرەۋٸنٸڭ يەسٸ, تەمٸر تۇلپارىن قالاي بولسا سولاي قويا سالعان. جول ەرەجەسٸ ٶرەسكەل بۇزىلعاندىقتان, ماماندار ەۆاكۋاتور شاقىرتىپ, كٶلٸكتٸ الدىرتىپ تاستادى.
"كٷتپەگەن جەردەن ٸشتەگٸ قوناقتاردىڭ بٸرٸ ەسٸكتٸ اشىپ بەردٸ. بارلىق كەلۋشٸ ەر بۇرىش-بۇرىشقا, تەسٸككە تىعىلىپ ٷلگەرٸپتٸ. الايدا ەشكٸم قۇتىلا المادى. ەڭ قىزىعى ولاردىڭ اراسىندا تانىمال ەنشٸ قايرات نۇرتاس تا بار.
ەنشٸنٸ كٶلەڭكەلەۋگە تىرىسقان كٷزەتشٸلەر تٸلشٸلەرگە دە تاپ بەردٸ. تٸپتٸ, بٸزدٸڭ ارنانىڭ وپەراتورىنا شابۋىل جاساپ, كامەرانى سىندىرۋعا تىرىستى. كٸنەنٸ ٶزٸنەن ەمەس ٶزگەدەن ٸزدەۋگە تىرىسىپ باققان ارانداتۋشىلار دا تابىلدى", - دەيدٸ تٸلشٸ.
كەيٸن ماماندار جارىقتى قوسىپ, ٸشتەگٸ بارلىق بٶلمەنٸ ارالاپ شىققان. اقپارات بويىنشا, بۇل جەردە تۋعان كٷن كەشٸ ٶتٸپ جاتقان. وعان قوسا, قاتاڭ تٷردە تىيىم سالىنعان قور-قور دا شەگٸلگەن. ٸزدەۋ جۇمىستارى اياقتالعان سوڭ كەلۋشٸلەر قىزمەتتٸك كٶلٸككە تيەلٸپ, پوليتسيياعا بٸرتٸندەپ جەتكٸزٸلدٸ. جۋرناليستٸڭ ايتۋىنشا, سوندا دا قارسىلىق تانىتقاندار بولدى.
"مەيرامحانادا ادام سانى ٶتە كٶپ. ولار كارانتين تالاپتارىن بۇزعانى ازداي, جول ەرەجەسٸن دە ساقتاماعان. كٶلٸكتەردٸ جولعا دۇرىس قويماعان. قازٸرگٸ تاڭدا قالادا تەكسەرٸستٸڭ كٷشەيتٸلگەنٸن تاعى دا ەسكەرتكٸم كەلەدٸ. دەنساۋلىعىمىزدى ويلاپ, ٷيدە وتىرايىق. رەيد جۇمىستارى الداعى ۋاقىتتا دا جالعاسا بەرەدٸ", - دەدٸ سجقك اگەنتتٸگٸ جانىنداعى ارنايى رەسپۋبليكالىق مونيتورينگتٸك توپ تٶراعاسىنىڭ ورىنباسارى رافاەل گاسانوۆ.
كەسٸپكەرلٸك نىساندا 200-دەن اسا ادام بولعانى انىقتالدى. بارلىعىن مەدەۋ اۋداندىق پوليتسييا باسقارماسىنا جەتكٸزٸلٸپ, ەكٸمشٸلٸك قۇقىق بۇزۋشىلىقتىڭ 425-بابىنا سەيكەس حاتتاما تولتىرىلدى. كەلۋشٸلەر مەن مەكەمە قىزمەتكەرلەرٸنە 87 مىڭ كٶلەمٸندە, كەسٸپكەرگە 670 مىڭ تەڭگە شاماسىندا ايىپپۇل سالىندى.
