الماتى قالاسى مەسليحاتىنىڭ ەكس-دەپۋتاتى قايرات قۇدايبەرگەن ۋاقىتشا تەرگەۋ يزولياتورىندا كوروناۆيرۋس جۇقتىردى. بۇل تۋرالى ونىڭ ادۆوكاتى مۇرات ەمٸتوۆ ايتتى, - دەپ حابارلايدى مassaget.kz.
ادۆوكاتتىڭ سٶزٸنشە, 17 شٸلدەدە تەرگەۋ يزولياتورىنا اناسى كەلگەندە ول دەنساۋلىعىنا شاعىمدانىپ, جاقىنداماۋىن ٶتٸنگەن. وسىدان كەيٸن يزولياتورعا جەدەل جەردەم شاقىرىلىپ, ودان COVID-19 سىناماسى الىنعان.
"بٸز پروكۋرورعا ٶتٸنٸش بەردٸك. ٶيتكەنٸ ولار قايراتتىڭ قاتىسۋىمەن تەرگەۋ ەرەكەتتەرٸن جٷرگٸزۋٸ كەرەك ەدٸ, ال ول اۋىرىپ قالدى. بۇل بۇلتارتپاۋ شاراسىن ٶزگەرتۋگە نەگٸز ەكەنٸن ايتتىق. كەشە بٸزدٸڭ قورقىنىش راستالىپ, ودان وميكرون شتامى انىقتالدى. قازٸر ول وتىرعان ۋاقىتشا تەرگەۋ يزولياتورىندا مەديتسينالىق كٶمەك كٶرسەتۋگە جاعداي جوق. سوندىقتان بٸز ونى ەمدەۋ مەكەمەسٸنە نەمەسە مەديتسينالىق بٶلٸمشەسٸ بار تەرگەۋ يزولياتورىنا اۋىستىرۋدى سۇرادىق. سونداي-اق, سوت ونى مەديتسينالىق كٶمەك الۋ ٷشٸن ٷيقاماققا اۋىستىرۋ مٷمكٸندٸگٸن قاراستىرۋى كەرەك", - دەدٸ ادۆوكات مۇرات ەمٸتوۆ.
ەمٸتوۆتىڭ ايتۋىنشا, قۇدايبەرگەننٸڭ دەنساۋلىعىنا بايلانىستى پروكۋراتۋرا ونى قاماۋ مەرزٸمٸن ەكٸ ايعا ۇزارتۋدى سۇراعان. سۋديا قاماۋدا ۇستاۋ مەرزٸمٸن بٸر ايعا ۇزارتىپ, پروكۋرورعا تيٸستٸ مەديتسينالىق باقىلاۋدى قامتاماسىز ەتۋدٸ تاپسىردى.
ەسكە سالايىق, 21 سەۋٸردەن 22-نە قاراعان تٷنٸ بەلگٸلٸ كەسٸپكەر, الماتى قالاسى مەسليحاتىنىڭ دەپۋتاتى قايرات قۇدايبەرگەننٸڭ قاماۋعا الىنعانى تۋرالى اقپارات تارادى. بۇل اقپاراتتى ونىڭ ادۆوكاتى مۇرات ەمٸتوۆ جەتكٸزگەن ەدٸ.
الماتى پروكۋراتۋراسى كەسٸپكەردٸڭ قاڭتار ايىنداعى جاپپاي تەرتٸپسٸزدٸكتەردٸ ۇيىمداستىرىپ, قاتىستى دەگەن كٷدٸككە ٸلٸنگەنٸن ايتتى.
سول ۋاقىتتان بەرٸ قالالىق مەسليحات دەپۋتاتىن قاماۋدا ۇستاۋ مەرزٸمٸ بٸرنەشە رەت ۇزارتىلدى. سوڭعى رەت سوت قاۋلىسىمەن 21 شٸلدەگە دەيٸن قاماۋدا ۇستاۋ بۇلتارتپاۋ شاراسى سانكتسييالاندى.
