فوتو: فك «كايرات»
30 قىركٷيەكتە الماتىداعى ورتالىق ستاديوندا ۋەفا چەمپيوندار ليگاسىنىڭ توپتىق كەزەڭٸ اياسىندا «قايرات» پەن يسپانييانىڭ ەيگٸلٸ «رەال مادريد» كلۋبى اراسىندا تاريحي كەزدەسۋ ٶتەدٸ. ماتچ قارساڭىندا «قايرات» فۋتبول كلۋبىنىڭ باس باپكەرٸ رافاەل ۋرازباحتين, سونداي-اق ويىنشىلار ەدٸلەت سادىبەكوۆ پەن الەكساندر شيروبوكوۆ جۋرناليستەرگە ارناپ بريفينگ ٶتكٸزدٸ. وندا باپكەر كوماندانىڭ دايىندىعى مەن الداعى ويىنداعى تاكتيكالىق جوسپارلارىمەن بٶلٸستٸ, دەپ حابارلايدى Ult.kz.
— العاشقى ماتچتا سەل قوبالجۋ بولعانى راس. بٸراق بٸز قازٸردٸڭ ٶزٸندە جوعارى دەڭگەيدە 9 كەزدەسۋ ٶتكٸزدٸك. سوندىقتان ويىنشىلار اسا قاتتى ۋايىمدامايدى. مۇنداي اتموسفەرا مەن ەموتسييالارعا ٷيرەنٸپ قالدىق. بۇل – بٸز ٷشٸن قىسىم ەمەس, كەرٸسٸنشە موتيۆاتسييا, — دەدٸ ۋرازباحتين.
باپكەردٸڭ ايتۋىنشا, كوماندا بۇعان دەيٸن قولدانعان تاكتيكالىق سحەمادان ايتارلىقتاي اۋىتقىمايدى.
— مۇنداي دەڭگەيدەگٸ قارسىلاسقا قارسى تەك العا ۇمتىلۋ نەمەسە كەرٸسٸنشە تٷگەل قورعانىسقا جابىسىپ الۋ – دۇرىس شەشٸم ەمەس. بالانستى ۇستانۋ ماڭىزدى. «رەالدىڭ» قۇرامىندا شەبەرلٸگٸ جوعارى فۋتبولشىلار ٶتە كٶپ. بٸز قارسىلاس ويىنشىلارىنىڭ قوزعالىسىن شەكتەۋگە جەنە ٶزٸمٸزگە ارتىقشىلىق بەرەتٸن سەتتەردٸ تيٸمدٸ پايدالانۋعا تىرىسامىز. بٸراق تەك قورعانىسپەن شەكتەلمەيمٸز. ەر ماتچتا شابۋىل مەن قورعانىستى قاتار الىپ جٷرۋگە تىرىسامىز, — دەدٸ ول.
سونداي-اق, رافاەل ۋرازباحتين «رەال مادريدتٸڭ» قازاقستانعا كەلۋٸن ەل فۋتبولى ٷشٸن ٷلكەن جەتٸستٸك دەپ باعالادى.
— ماتچتىڭ الماتىدا ٶتەتٸنٸ – ٷلكەن قۋانىش. جانكٷيەرلەر ەلەمدٸك فۋتبول جۇلدىزدارىن العاش رەت تٸرٸدەي كٶرەدٸ. بٸز بۇل كەزدەسۋدٸ اسىعا كٷتٸپ وتىرمىز. قانداي نەتيجە بولارىن بولجاۋعا ەرتە, بٸراق باستى ماقساتىمىز – ساپالى ويىن كٶرسەتۋ, — دەدٸ باس باپكەر.
ەسكە سالا كەتەيٸك, بۇعان دەيٸن «قايرات» قاقپاشىلارى تەمٸرلان اناربەكوۆ پەن زارۋتسكييدٸڭ جاعدايى تۋرالى اقپارات تاراعان بولاتىن.
