بىلتىر ەلگە شاقىرىلعان شەتەلدٸك جۇمىسشىلاردىڭ كٶبٸ قىتاي, تٷركييا جەنە ٷندٸستان ەلدەرٸنەن كەلگەن, دەپ حابارلايدى قازاقپارات.
بۇل تۋرالى «ەڭبەك رەسۋرستارىن دامىتۋ ورتالىعىنىڭ» ستراتەگييا جەنە جوبالىق باسقارۋ دەپارتامەنتٸنٸڭ ديرەكتورى الەكساندرا مولچانوۆسكايا مەلٸم ەتتٸ.
«ٶزبەكستاننان كەلەتٸن ماماندار نەگٸزٸنەن قۇرىلىس جەنە اۋىل شارۋاشىلىعى سالاسىنداعى جۇمىستارعا تارتىلادى. سوندىقتان ولاردى ماۋسىمدىق ميگرانتتار دەۋگە دە بولادى. ٶڭٸرلەر اراسىندا ٶزبەكستاندىق جۇمىسشىلاردى شىعىس قازاقستان, اتىراۋ جەنە باتىس قازاقستان وبلىستارى كٶبٸرەك شاقىرادى. ستاتيستيكاعا سٷيەنسەك, جەكە تۇلعالار 2020 جىلى 310 مىڭ شەتەل ازاماتىن جۇمىسشى رەتٸندە ەلگە العىزعان», - دەيدٸ ساراپشى.
ونىڭ ايتۋىنا قاراعاندا, مۇنداي تەندەنتسييا ەلٸ دە جالعاسادى.
«ەلدەگٸ قۇرىلىس كومپانييالارى دا, اۋىل شارۋاشىلىعىنداعى كەسٸپورىندار دا بٸلٸكتٸلٸگٸ تٶمەن شەتەلدٸكتەردٸ الدىرادى. ولار تٶلەيتٸن ايلىققا قازاقستاندىق جۇمىسشىلار جالدانعىسى كەلمەيدٸ. ٶيتكەنٸ جۇمىس اۋىر, ايلىق تٶمەن بولىپ وتىر. بۇل تەندەنتسييا ەلٸ دە جالعاساتىن تٷرٸ بار», - دەدٸ ورتالىقتىڭ دەپارتامەنت ديرەكتورى.
رەسمي ستاتيستيكا بويىنشا, 2020 جىلى قازاقستانعا 14 مىڭ شەتەلدٸك جۇمىسشى كۆوتامەن تارتىلدى.
«بۇل - 2019 جىلعى كٶرسەتكٸشتەن 1,9 مىڭ ادامعا از. بىلتىر ەل اۋماعىندا 104 ەلدٸڭ ازاماتى ەڭبەك ەتكەن. ەسٸرەسە قىتاي, تٷريكييا جەنە ٷندٸستاننان كٶپ كەلگەن. شەتەلدٸك جۇمىسشىلاردى تارتۋ كٶرسەتكٸشٸ بويىنشا اتىراۋ وبلىسى الدا تۇر. شەتەلدەن تارتىلعان جۇمىسشىلاردىڭ 40 پايىزى وسى وبلىستا ەڭبەك ەتكەن. شەتەلدٸك ەڭبەك ميگرانتتارىنىڭ 45 پايىزى قۇرىلىستا جۇمىس ٸستەدٸ. ولاردىڭ 69 پايىزى - جوعارى بٸلٸكتٸ, 26 پايىزى - ورتاشا بٸلٸكتٸ بولعان. ەسٸرەسە ينجەنەرلەرگە سۇرانىس جوعارى», - دەدٸ الەكساندرا مولچانوۆسكايا.
