قازاقستاندىقتاردىڭ جەكە حاتتارىن وقۋ تەك قاۋٸپتٸ كونتەنتكە عانا قولدانىلادى. ۇلتتىق قاۋٸپسٸزدٸك كوميتەتٸنە قاراستى مەملەكەتتٸك تەحنيكالىق قىزمەت ديرەكتورىنىڭ ورىنباسارى زەكەن يسمايىلوۆ قاۋٸپسٸزدٸك سەرتيفيكاتىنا قاتىستى تٷسٸنٸكتەمە بەردٸ, دەپ حابارلايدى "ۇلت اقپارات".
بارلىق اقپاراتتى ساقتاۋعا مٷمكٸندٸك جوق
ەلەۋمەتتٸك جەلٸدە قازاقستاندىقتار قاۋٸپسٸزدٸك سەرتيفيكاتىن ەنگٸزۋدٸ بەلسەندٸ تالقىلاپ جاتىر. سەرتيفيكات ورناتىلسا, تەلەفونداعى جەكە مەلٸمەت مەملەكەتتٸك ورگاندار ٷشٸن قولجەتٸمدٸ بولادى دەگەن بولجام جاسالۋدا.
مەملەكەتتٸك تەحنيكالىق قىزمەت باسشىسىنىڭ ورىنباسارى زەكەن يسمايىلوۆتىڭ ايتۋىنشا, قازٸرگٸ كەزدە قاۋٸپسٸزدٸك سەرتيفيكاتى سىناقتان ٶتٸپ جاتىر. سول سەبەپتٸ بٸرقاتار تەحنيكالىق اقاۋ بولۋى مٷمكٸن.
"باسپاسٶزدٸ وقىعاندا Facebook, Twitter جەلٸلەرٸندە پروبلەمالار بارىن جيٸ بايقايمىز. قازاقستاندا جيٸ بولماسا دا, بەرٸبٸر بولادى. بايلانىس وپەراتورلارىمەن تۇراقتى جۇمىس ٸستەيمٸز. تۋىنداعان مەسەلەنٸڭ بارلىعىمەن جۇمىس ٸستەيمٸز. سوندىقتان ولاردىڭ جاۋاپكەرشٸلٸگٸنە قاتىستى مەسەلە بولسا, بايلانىس وپەراتورىنىڭ call-ورتالىعىنا جٷگٸنۋٸڭٸزدٸ سۇرايمىز. ٶزدەرٸ شەشەدٸ. ەگەر قاۋٸپسٸزدٸك سەرتيفيكاتىنا قاتىستى بولسا جەنە سەرتيفيكاتتى ورناتپاعاندارعا قولجەتٸمدٸلٸك بۇعاتتالسا, وندا بۇل مەسەلەنٸ بٸز وتىرىپ شەشەتٸن بولامىز. كەز كەلگەن تەحنيكالىق شەشٸمدە قانداي دا بٸر قاتەلٸك بولادى. قازٸر اپروباتسييالاۋ پروتسەسٸ جٷرٸپ جاتىر.
سونداي-اق, بۇقارالىق اقپارات قۇرالدارىندا قاۋٸپسٸزدٸك سەرتيفيكاتىنىڭ تراففيك شيفرىن وقي الاتىنى جايىندا ايتىلىپ جاتىر. بٸراق بۇل جۇمىس ونلاين رەجيمدە جاسالادى. ونداي شارالار تەك زاڭعا قايشى كونتەنتكە عانا قولدانىلادى. سٸزدٸڭ كٸمگە حات جازعانىڭىزدى, قاي ەلەۋمەتتٸك جەلٸگە كٸرگەنٸڭٸزدٸ ەشكٸم ساقتاپ وتىرمايدى", - دەدٸ يسمايىلوۆ جۋرناليستەرگە بەرگەن سۇقباتىندا.
ونىڭ ايتۋىنشا, بۇعان دەيٸن HTTPS بويىنشا جۇمىس ٸستەيتٸن رەسۋرستاردى بۇعاتتاۋعا تەحنيكالىق مٷمكٸندٸك بولعان جوق. قازٸرگٸ كەزدە ونى جاساۋعا بولادى. بٸراق دەسترۋكتيۆتٸ كونتەنت قانا بۇعاتتالادى.
VPN-دى بۇعاتتاۋعا بولادى
قاۋٸپسٸزدٸك سەرتيفيكاتىنىڭ كٶمەگٸمەن VPN-دى بۇعاتتاۋ ٷشٸن سوتتىڭ شەشٸمٸ نەمەسە قۇزٸرەتتٸ مەملەكەتتٸك ورگانداردىڭ نۇسقاۋى قاجەت.
"نەگٸزٸ, تەحنيكالىق تۇرعىدا ولاي ٸستەۋگە بولادى. قاۋٸپسٸزدٸك سەرتيفيكاتى قاۋٸپتٸ كونتەنتتٸ عانا بۇعاتتايدى. ال سوتتىڭ شەشٸمٸ نەمەسە قۇزٸرەتتٸ مەملەكەتتٸك ورگانداردىڭ نۇسقاۋى بولسا, VPN دا بۇعاتتالادى. ونداي شەشٸم بولماسا, بۇعاتتالمايدى", - دەدٸ يسمايىلوۆ جۋرناليستەرگە بەرگەن سۇقباتىندا.
سپيكەر قاۋٸپسٸزدٸك سەرتيفيكاتىنىڭ سەنٸم مەرتەبەسٸن الماعانىن دا تٷسٸندٸردٸ. ونىڭ ايتۋىنشا, الداعى ۋاقىتتا وسى مەرتەبەنٸ الۋ جوسپارلانىپ وتىر.
"سەنٸم مەرتەبەسٸن الۋ – بۇل ارنايى پروتسەدۋرا. ودان ٶتۋ ٷشٸن ۋاقىت قاجەت", - دەدٸ ول.
جۋرناليستەر قاۋٸپسٸزدٸك سەرتيفيكاتىن ورناتقان ادامداردىڭ ستاتيستيكاسى قالاي جٷرگٸزٸلەتٸنٸن دە سۇرادى. يسمايىلوۆتىڭ سٶزٸنە قاراعاندا, ونداي ەسەپ جٷرگٸزٸلمەيدٸ. سەبەبٸ مۇنى جاساۋ ٷشٸن ەربٸر ادامنىڭ ۇيالى تەلەفونىنا كٸرۋ كەرەك.
"قالايشا مەن سٸزدٸڭ تەلەفونىڭىزعا كٸرٸپ, قاۋٸپسٸزدٸك سەرتيفيكاتىن ورناتقانىڭىزدى تەكسەرە الامىن? ونداي ستاتيستيكانىڭ قاجەتٸ قانشا? نەگٸزٸ, ەسەپتٸ جٷرگٸزۋ ٷشٸن ەربٸر تەلەفونعا كٸرۋ كەرەك. ال وعان كٸرۋگە رۇقسات جوق. سوندىقتان ادامدار قاۋٸپسٸزدٸك سەرتيفيكاتىن ورناتتى ما, جوق پا, ونداي اقپارات بٸزدە جوق", - دەيدٸ يسمايىلوۆ.
