قۇرمەتتٸ وتانداستار!
بارشاڭىزعا بەلگٸلٸ, قازاقستان حالقى 16 ناۋرىزدان باستاپ تٶتەنشە جاعداي رەجيمٸنە كٶشتٸ.
ەرينە, بۇل كەزەڭ جۇرتشىلىققا وڭاي تيمەگەنٸ انىق.
كەيبٸر ازاماتتار جۇمىسىن جوعالتىپ, تابىسسىز قالدى.
ويعا العان جوسپارلارىن ٶزگەرتۋگە مەجبٷر بولعاندار دا بار.
ادامي تۇرعىدان مەن مۇنى تٷسٸنەمٸن.
قاۋٸپتٸ ۆيرۋس قازاقستاندا كەڭ جايىلىپ كەتپەۋٸ ٷشٸن وسىنداي كٷردەلٸ, بٸراق اسا قاجەت شەشٸم قابىلدادىم.
سونىڭ ارقاسىندا ٸندەت جاپپاي تارالعان جوق.
دٷنيەجٷزٸلٸك دەنساۋلىق ساقتاۋ ۇيىمى دا, حالىقارالىق ساراپشىلار دا قازاقستاننىڭ ٸس-قيمىلىن وڭ باعالاپ وتىر.
ەلٸمٸزدە قاتاڭ كارانتين شارالارى ەنگٸزٸلٸپ, قوعامدىق كٶلٸكتٸڭ جۇمىسى توقتاتىلدى.
مەكەمەلەر مەن كەسٸپورىنداردىڭ باسىم بٶلٸگٸ قاشىقتان جۇمىس ٸستەۋ رەجيمٸنە كٶشتٸ.
كٶشەلەر, تۇرعىن ٷيلەر دەزينفەكتسييالانىپ, ناۋقاستارعا دەرٸگەرلٸك كٶمەك كٶرسەتٸلۋدە.
ەرينە, بارلىق وبلىستاعى جاعداي بٸردەي ەمەس.
كەيبٸر ايماقتاردا ٸندەت شارىقتاۋ شەگٸنەن ٶتكەن سيياقتى.
بٸراق بٸرقاتار ٶڭٸردە ۆيرۋستىڭ تارالۋ قاۋپٸ ەلٸ دە سەيٸلمەي وتىر.
بٸز ونداعى ناقتى سانيتارلىق احۋالعا قاراي ەرەكەت جاسايمىز.
باستى مٸندەت – ازاماتتارىمىزدىڭ دەنساۋلىعىن ساقتاپ, ٶمٸرٸن قورعاپ قالۋ.
ەلەۋمەتتٸك جەنە ەكونوميكالىق تۇراقتىلىقتى قامتاماسىز ەتٸپ, حالىقتىڭ تابىسىن ساقتاۋ ٷشٸن دە ارنايى شارالار قابىلدانىپ جاتىر.
تاعى دا قايتالاپ ايتامىن: قازٸرگٸدەي كٷردەلٸ كەزدە ەربٸر ازامات بٸزدٸڭ نازارىمىزدا بولادى. مەملەكەت ەشكٸمدٸ قيىندىقتا قالدىرمايدى.
مەن تٶتەنشە جاعداي كەزەڭٸندە ازاماتتارىمىزعا قولداۋ كٶرسەتۋگە ارنالعان شارالاردىڭ ەكٸ توپتاماسىن جارييا ەتتٸم.
بۇل شارالار بارىنشا جٷزەگە اسىرىلۋدا. قوعام تاراپىنان ايتىلعان ورىندى سىن-پٸكٸرلەر دە بار. ونى ەسكەرەمٸز.
بٷگٸنگٸ كٷنٸ 4 ميلليون 250 مىڭ ازاماتقا قارجىلاي كٶمەك كٶرسەتٸلدٸ.
570 مىڭنان استام ادامعا ازىق-تٷلٸك تاراتىلدى.
جالپى, 1,1 ميلليوننان استام ادامدى ازىق-تٷلٸكپەن قامتاماسىز ەتۋدٸ جوسپارلاپ وتىرمىز.
ەلباسىنىڭ باستاماسىمەن قۇرىلعان «بٸرگەمٸز» قورىنان قارجى بٶلٸندٸ.
«Nur Otan» پارتيياسى بەلسەندٸ جۇمىس اتقارۋدا.
سەۋٸر-مامىر ايلارىندا 1,6 ميلليوننان استام ادامعا كوممۋنالدىق تٶلەم ٷشٸن كٶمەك كٶرسەتٸلەدٸ.
ازىق-تٷلٸكتٸڭ جەتكٸلٸكتٸ بولۋىنا جەنە ونىڭ ساپاسىنا قاتىستى ۇدايى مونيتورينگ جٷرگٸزٸلۋدە.
ەلٸمٸزدە ازىق-تٷلٸك تاپشىلىعى جوق.
جەرگٸلٸكتٸ بيلٸك ورگاندارى ەلەۋمەتتٸك ماڭىزى بار تاۋارلار باعاسىن باقىلاۋدا ۇستاپ وتىر.
بٸز ٸندەتپەن كٷرەستٸڭ الدىڭعى شەبٸندە جٷرگەن دەرٸگەرلەردٸ قارجىلاي قولداپ جاتىرمىز.
دەنساۋلىق ساقتاۋ مينيسترلٸگٸ جەنە ەكٸمدەر باسقا دا مەديتسينا قىزمەتكەرلەرٸنە كٶمەك كٶرسەتۋ ٷشٸن شارالار قابىلداۋدا.
1,6 ميلليوننان استام ادام, 11,5 مىڭ شاعىن جەنە ورتا بيزنەس ٶكٸلٸ نەسيەلەرٸن كەيٸن تٶلەۋگە مٷمكٸندٸك الدى.
بۇل جالپى العاندا 360 ميللياردتان استام تەڭگەنٸ قامتيدى.
بٷگٸندە شاعىن جەنە ورتا بيزنەس كٷردەلٸ جاعدايعا تاپ بولدى.
وسى سالاعا قازٸر كٶمەكتەسپەسەك, ەكونوميكانى قالپىنا كەلتٸرە المايمىز.
700 مىڭنان استام كومپانييا مەن جەكە كەسٸپكەرگە سالىقتىق جەڭٸلدٸكتەر جاسالدى.
سول ارقىلى ولار 1 تريلليون تەڭگەگە جۋىق قارجىنى ٷنەمدەي الادى.
شاعىن جەنە ورتا بيزنەسكە تيٸمدٸ نەسيە بەرۋ ٷشٸن قاراجات بٶلٸندٸ.
جۇمىسشى سانىن جەنە ەڭبەكاقى كٶلەمٸن ازايتپاۋ ماقساتىندا ٸرٸ كومپانييالارعا تيٸستٸ قولداۋ كٶرسەتٸلەدٸ. قازٸر ولاردىڭ تٸزٸمٸ جاسالۋدا. وعان ەل ەكونوميكاسى ٷشٸن اسا ماڭىزدى كومپانييالار عانا ەنگٸزٸلەدٸ.
اۋىل شارۋاشىلىعى ەڭبەككەرلەرٸ قيىندىققا قاراماستان جۇمىس ٸستەۋدە.
شارۋالاردىڭ ەڭبەگٸنە دەن ريزامىز.
كٶكتەمگٸ ەگٸس ناۋقانى مەسەلەلەرٸ شەشٸمٸن تاپتى. بۇل جۇمىسقا ەشقانداي كەدەرگٸ بولماۋى كەرەك. اۋىل شارۋاشىلىعى مينيسترلٸگٸنە جەنە ەكٸمدەرگە وسىنداي مٸندەت جٷكتەلەدٸ.
وسى ناۋقانعا جەنە ٶنٸمدٸ الدىن الا ساتىپ الۋعا 200 ميلليارد تەڭگە بٶلٸندٸ.
سونىڭ 70 ميللياردى تۇقىم ٶندٸرٸسٸن دامىتۋعا, تىڭايتقىشتار ساتىپ الۋعا جۇمسالادى.
جالپى, ازاماتتار مەن بيزنەستٸ قولداۋ ٷشٸن 6 تريلليون تەڭگەگە جۋىق قارجى بٶلٸنٸپ وتىر.
بۇل – قوماقتى قاراجات.
ٷكٸمەت پەن قۇزىرلى ورگانداردىڭ مٸندەتٸ – قارجىنىڭ تيٸمدٸ جۇمسالۋىن جەنە وسى ٷدەرٸستٸڭ بارىنشا اشىق بولۋىن قامتاماسىز ەتۋ.
قول جەتكٸزگەن نەتيجەمەن شەكتەلۋگە بولمايدى. قالىپتاسقان احۋال ەلٸ دە كٷردەلٸ.
كوروناۆيرۋس بٷكٸل ەلەمدٸ جايلاپ كەلەدٸ.
ۆيرۋس جۇقتىرعانداردىڭ سانى 3 ميلليونعا جۋىقتادى. بۇل كٶرسەتكٸش ٶسٸپ بارا جاتىر.
پاندەمييانىڭ ەكٸنشٸ كەزەڭٸ باستالىپ كەتۋٸ دە ىقتيمال.
قازاقستان ٸندەتتٸڭ شارىقتاۋ شەگٸنەن ٶتكەن جوق. احۋالدىڭ باقىلاۋدان شىعىپ كەتۋ قاۋپٸ بار.
ٶكٸنٸشكە قاراي, كەيبٸر ايماقتاردا, ەسٸرەسە, الماتىدا ۆيرۋس جۇقتىرعان دەرٸگەرلەر جەنە مەديتسينا قىزمەتكەرلەرٸ ٶتە كٶپ.
سوندىقتان, سولاردىڭ قاۋٸپسٸزدٸگٸن قامتاماسىز ەتۋ ٷشٸن شۇعىل شارالار قابىلدانۋدا.
مەسەلەنٸڭ انىق-قانىعىن زەرتتەپ, بۇعان جول بەرگەن باسشىلاردىڭ جاۋاپكەرشٸلٸگٸن قاراۋ كەرەك. مۇنداي جاعدايلارعا جول بەرمەۋ قاجەت.
قاۋٸپسٸزدٸك شارالارىن قاتاڭ ساقتاعان جٶن. ونسىز بولمايدى.
ولاي ەتپەسەك, ٸندەتتٸڭ جاڭا وشاقتارى پايدا بولۋى مٷمكٸن.
كوروناۆيرۋسقا جەڭٸل-جەلپٸ قاراۋعا بولمايدى. كارانتين تالاپتارىنان بٸر سەتتە باس تارتساق, دەرتتٸ قايتادان ٶرشٸتٸپ الامىز.
كوروناۆيرۋس – ادامنىڭ دەنساۋلىعىنا قاتەر تٶندٸرەتٸن ٶتە جۇقپالى ٸندەت.
مۇنى بٷكٸل ەلەم مويىنداپ وتىر.
ال, ونى جوققا شىعارىپ, جۇرتقا جالعان اقپارات تاراتۋدىڭ ارتى جاقسىلىققا اپارمايتىنى بەلگٸلٸ.
بۇل – ازاماتتارىمىزدىڭ دەنساۋلىعىنا نۇقسان كەلتٸرەتٸن ەرەكەت.
ەلٸمٸزدەگٸ قازٸرگٸ احۋالعا بايلانىستى جەنە مەملەكەتتٸك كوميسسييانىڭ ۇسىنىستارىن نەگٸزگە الىپ, مەن تٶتەنشە جاعداي رەجيمٸن بيىلعى 11 مامىرعا دەيٸن ۇزارتۋ تۋرالى جارلىق شىعارۋ جٶنٸندە شەشٸم قابىلدادىم.
بۇل – بٸز باستان ٶتكەرٸپ جاتقان كٷردەلٸ كەزەڭنٸڭ تالابى.
زاڭعا سەيكەس 11 مامىردا تٶتەنشە جاعداي رەجيمٸ اياقتالادى.
ەلٸمٸزدٸ پاندەمييانىڭ شەڭگەلٸنەن قۇتقارۋ – بەرٸمٸزگە ورتاق مٸندەت. مەن ٷشٸن ەر ازاماتتىڭ ٶمٸرٸنەن قىمبات ەشتەڭە جوق.
سونىمەن قاتار تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييا كارانتين تالاپتارىن جەڭٸلدەتۋگە دايىن.
الدىمەن, ۆيرۋستىڭ تارالۋىن قاتاڭ باقىلاۋدا ۇستاپ وتىرعان وبلىستار مەن قالالاردان باستاۋعا بولادى.
مەملەكەتتٸك كوميسسيياعا ەلوردانىڭ ٷلگٸسٸمەن ەلٸمٸزدٸڭ بارلىق ايماعىندا ٶز جۇمىستارىنا كٸرٸسەتٸن مەكەمەلەردٸڭ تٸزٸمٸن جاساۋ تاپسىرىلدى.
بٸرٸنشٸ كەزەكتە ٶنەركەسٸپ كەسٸپورىندارى, قۇرىلىس, جول قۇرىلىسى جەنە كٶلٸك كومپانييالارى, بانكتەر جەنە حالىققا قىزمەت كٶرسەتۋ ورتالىقتارى جۇمىسقا كٸرٸسۋٸ كەرەك.
بٸراق بارلىق سانيتارلىق نورمالاردى ساقتاپ, جۇمىس ورىندارىندا ٷنەمٸ دەزينفەكتسييا جٷرگٸزٸپ تۇرۋ قاجەت. كٷندەلٸكتٸ ٶمٸردە ەلەۋمەتتٸك ارا قاشىقتىقتى ۇستانعان جٶن.
كەسٸپورىن باسشىلارىنا جەنە جەرگٸلٸكتٸ اتقارۋ ورگاندارىنا جەكە جاۋاپكەرشٸلٸك جٷكتەلەدٸ. بۇل ورايدا بارلىق دەڭگەيدەگٸ ەكٸمدٸكتەردٸڭ رٶلٸ ايتارلىقتاي ارتادى.
ٷكٸمەت كەلەسٸ ايدا دا تابىسىنان ايىرىلعان ازاماتتارعا 42500 تەڭگە كٶلەمٸندە كٶمەك بەرەدٸ.
قايتادان ٶتٸنٸم جٸبەرۋدٸڭ قاجەتٸ جوق. تٶلەم بۇرىن ۇسىنىلعان قۇجات بويىنشا جٷزەگە اسىرىلادى.
مۇقتاج وتباسىلار ازىق-تٷلٸك الا بەرەدٸ.
وقشاۋلانۋ كەزٸندە اتا-انالارعا كٸشكەنتاي بالالارىمەن تٶرت قابىرعاعا قامالىپ وتىرۋ وڭاي ەمەس.
مەملەكەتتٸك كوميسسييا ەكٸمدٸكتەرمەن بٸرلەسٸپ, اۋلالاردى جەنە ويىن الاڭدارىن اشۋ مەسەلەسٸن ويلاستىرۋعا تيٸس. ەرينە, الدىمەن, بارلىق سانيتارلىق نورمالار مەن سانيتارلىق قاۋٸپسٸزدٸك تالاپتارى قاتاڭ ساقتالۋى كەرەك.
ساياجاي يەلەرٸ دە قاتتى الاڭداپ وتىر. ٶيتكەنٸ, قازٸر كٶكتەمنٸڭ دەل ورتاسى, جۇرتقا قولايلى كەزەڭ.
مەملەكەتتٸك كوميسسييا بۇل مەسەلەنٸ قاراستىردى, ەندٸ ونى شەشۋ جولىن ايتادى.
ەلٸمٸزدە جولاۋشىلارعا ارنالعان بارلىق ەۋە تاسىمالى توقتادى. بۇل دەر كەزٸندە قابىلدانعان دۇرىس شەشٸم بولدى.
دەگەنمەن, سالىستىرمالى تٷردە جاعدايدىڭ تۇراقتانعانىن ەسكەرٸپ, ٷكٸمەت 1 مامىردان باستاپ ەلوردا مەن الماتى اراسىنداعى رەيستەردٸ اشاتىن بولدى.
مۇنداي شارا ازاماتتارمەن قاتار ٸندەتپەن كٷرەسٸپ جٷرگەن كٶپتەگەن مامانداردىڭ جۇمىسى ٷشٸن قاجەت.
بارلىق قاۋٸپسٸزدٸك شارالارىن مۇقييات ويلاستىرىپ, اۆياتسييالىق جەنە سانيتارلىق قىزمەتتەردٸڭ ٶزارا ٸس-قيمىل تەرتٸبٸن ەزٸرلەۋ ماڭىزدى.
كارانتين رەجيمٸن بٸرتٸندەپ جەڭٸلدەتۋ دەگەنٸمٸز ٶزٸمٸز ٷيرەنگەن كٷندەلٸكتٸ تٸرشٸلٸككە قايتا ورالۋ ەمەس ەكەنٸن ۇعىنعانىمىز جٶن.
ويىن-ساۋىق جەنە ساۋدا ورتالىقتارى, كينوتەاترلار, رەستوراندار, ساياباقتار مەن ادام كٶپ جينالاتىن باسقا دا ورىندار ەزٸرگە جابىق بولادى. جوعارى وقۋ ورىندارى, كوللەدجدەر, مەكتەپتەر قاشىقتان وقىتۋدى جالعاستىرا بەرەدٸ.
ەل تۇرعىندارىن بۇل شارالارعا تٷسٸنٸستٸكپەن قاراۋعا شاقىرامىن.
حالقىمىزدا «تٶزٸم تٸلەككە جەتكٸزەدٸ» دەگەن ماقال بار. سوندىقتان سابىر ساقتايىق.
كٷننٸڭ جىلىنۋى مەن كارانتيننەن شارشاعاندىق جاۋاپسىزدىققا سەبەپ بولماۋعا تيٸس. كارانتين رەجيمٸ بۇزىلسا, كوروناۆيرۋسقا شالدىققانداردىڭ سانى كٷرت كٶبەيٸپ كەتۋٸ مٷمكٸن.
ەسٸرەسە, سوزىلمالى اۋرۋى بار جەنە ەگدە ادامدار ەرەكشە ساق بولۋى كەرەك.
تٸپتٸ, كٸشكەنتاي بالالار دا اۋرۋ جۇقتىرۋى مٷمكٸن ەكەنٸن بايقادىق.
سوندىقتان ولاردىڭ دەنساۋلىعىنا بەي-جاي قاراۋعا بولمايدى.
ەزٸرگە بۇل ۆيرۋستىڭ ۆاكتسيناسى جوق.
كارانتين شارالارىن قاتاڭ ۇستانساق قانا ٸندەتتەن قۇتىلامىز.
اسا قاجەتتٸلٸك بولماسا, ەشقايدا شىقپاي, ٷيدە وتىرىڭىزدار.
بۇل, ەسٸرەسە, قازٸرگٸ قاسيەتتٸ رامازان ايىندا ٶتە ماڭىزدى.
وسى كەزەڭنٸڭ دە اسىل مۇراتى – شىدام مەن تٶزٸم, سابىر مەن قاناعات ەكەنٸن بٸلەسٸزدەر.
بيىل قازاقستان مۇسىلماندارى دٸني باسقارماسى ورازادا بٸرقاتار رەسٸمنەن تارتىنۋدى ۇسىندى.
سوندىقتان وسىنداي ۋاقىتتا اۋىزاشاردىڭ ٶزٸن كٶپشٸلٸكپەن بٸرگە ٶتكٸزە المايتىنىمىز بەلگٸلٸ.
الداعى مامىر ايىنداعى مەرەكەلەردٸ دە ٷيدە اتاپ ٶتۋگە تۋرا كەلەدٸ.
بٸراق, جەڭٸس كٷنٸندە ۇلى وتان سوعىسى ارداگەرلەرٸنٸڭ بٸردە-بٸرەۋٸ ەلەۋسٸز قالمايدى.
بەرٸنە لايىقتى قۇرمەت كٶرسەتٸلەدٸ.
ەكٸمدەر سوعىس جەنە تىل ارداگەرلەرٸنە ماتەريالدىق كٶمەك بەرەدٸ.
دەنساۋلىق ساقتاۋ مينيسترلٸگٸ اۋرۋدى تەست ارقىلى انىقتاۋ جۇمىسىن بارىنشا كٷشەيتۋگە تيٸس.
ونى حالىقارالىق ستاندارتقا سەيكەس تەۋلٸگٸنە كەم دەگەندە 20-25 مىڭعا دەيٸن جەتكٸزۋ قاجەت.
وسىعان وراي, ٷكٸمەتكە قىسقا مەرزٸم ٸشٸندە وتاندىق تەست-جٷيەسٸنٸڭ ٶندٸرٸسٸن قولعا الۋدى تاپسىرامىن.
بٸز يممۋنوبيولوگييالىق پرەپاراتتاردى ەزٸرلەۋ ٷشٸن قولدا بار مٷمكٸندٸكتەرٸمٸزدٸ تولىق پايدالانۋىمىز كەرەك.
ۆاكتسينا قولجەتٸمدٸ بولعان كەزدە قازاقستان شەتەلدٸڭ دەرٸ-دەرمەگٸن كٷتٸپ وتىرماۋى قاجەت.
داعدارىستان كەيٸن دە بٸز مەديتسينانى دامىتۋعا باسا مەن بەرەمٸز.
بۇل سالاعا مەملەكەت تاراپىنان اۋقىمدى قولداۋ كٶرسەتٸلەدٸ.
ٷكٸمەت حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى جاڭا كودەكس جوباسىنا وسى سالانى جەتٸلدٸرەتٸن ناقتى ۇسىنىستار ەنگٸزۋگە تيٸس.
پارلامەنت بۇل كودەكستٸ سەسسييانىڭ سوڭىنا دەيٸن قابىلدايدى دەپ ويلايمىن.
بٸز قازٸردەن باستاپ داعدارىستان كەيٸنگٸ كەزەڭگە دايىندالۋىمىز كەرەك.
بۇل جٶنٸندە ەلباسى قاۋٸپسٸزدٸك كەڭەسٸنٸڭ 24 سەۋٸردە ٶتكەن وتىرىسىندا ناقتى ايتتى.
ٷكٸمەت پەن ۇلتتىق بانك 11 مامىرعا دەيٸن ەكونوميكالىق دامۋدى قالپىنا كەلتٸرۋ جٶنٸندەگٸ كەشەندٸ جوسپاردى دايىندايدى.
وندا داعدارىستان زارداپ شەككەن سالالارعا قولداۋ كٶرسەتۋ شارالارى قامتىلادى.
بٷگٸندە ەلٸمٸز دامۋدىڭ جاڭا دەڭگەيٸنە قادام باسىپ وتىر.
شىن مەنٸندە, بٸز ەندٸ مٷلدە جاڭا جاعدايدا ٶمٸر سٷرەتٸن بولامىز.
سوندىقتان ەكونوميكاعا جەنە مەملەكەتتٸك باسقارۋ جٷيەسٸنە اۋقىمدى ەرٸ ماڭىزدى ٶزگەرٸستەر قاجەت.
ٸندەتپەن كٷرەستٸڭ الدىڭعى شەبٸندەگٸ ازاماتتاردى تاعى دا ەرەكشە اتاپ ٶتكٸم كەلەدٸ.
حالىقتىڭ قاۋٸپسٸزدٸگٸ ٷشٸن جانكەشتٸلٸك تانىتىپ جٷرگەن دەرٸگەرلەر مەن مەديتسينا قىزمەتكەرلەرٸنە, قۇقىق قورعاۋ ورگاندارىنىڭ ٶكٸلدەرٸنە جەنە ەسكەري قىزمەتشٸلەرگە العىس ايتامىن.
قاۋٸپ-قاتەرگە قاراماي مۇقتاج جاندارعا كٶمەك قولىن سوزعان ۆولونتەرلەرگە دە ريزاشىلىق بٸلدٸرەمٸن.
سونداي-اق, حالىققا جەدەل جەنە شىنايى اقپارات تاراتىپ جٷرگەن جۋرناليستەر قاۋىمىنا العىس ايتامىن.
داعدارىسقا قارسى شارالاردى جٷزەگە اسىرۋعا اتسالىسقان مەملەكەتتٸك اپپاراتتىڭ قىزمەتكەرلەرٸ دە قۇرمەتكە لايىق.
قازاقستان حالىقارالىق قوعامداستىقتان ەش نەرسەنٸ جاسىرماي, بارلىق مەلٸمەتتٸ اشىق جارييالاپ وتىر.
سوندىقتان كەيبٸر ازاماتتاردى بوس سٶز بەن جالعان مەلٸمەتكە جول بەرمەۋگە شاقىرامىن.
ەرينە, مەملەكەتتٸك ورگانداردىڭ جۇمىسىندا ولقىلىقتار بار, بٸراق, مەملەكەتتٸك قىزمەتشٸلەردٸڭ كٶپشٸلٸگٸ جۇمىسىن ادال اتقارۋدا.
كەمشٸلٸكتەردٸ بٸز كٶرٸپ وتىرمىز. ودان تيٸستٸ ساباق الىپ, قاجەتتٸ شارالاردى قابىلدايمىز.
بۇل داعدارىس بٸرلٸگٸ بەكەم, ەلٸن سٷيەتٸن وتانشىل جۇرت ەكەنٸمٸزدٸ كٶرسەتتٸ.
قاشاندا وسىلاي ۇلت بولىپ ۇيىسا بٸلسەك, بارلىق ماقساتىمىزعا قول جەتكٸزەمٸز. وعان ەشقانداي كٷمەن جوق.
ەلدٸڭ قامى ٷشٸن باستاعان ٸسٸمٸز قايىرلى بولادى دەپ سەنەمٸن!
حالقىمىز «بەرەكە باسى – بٸرلٸكتە» دەيدٸ.
جۇدىرىقتاي جۇمىلساق, كەز كەلگەن قيىندىقتى جەڭەمٸز!
بٸز بٸرگەمٸز!
