ەلوردادا قازاقستان پرەزيدەنتٸ قاسىم-جومارت توقاەۆتىڭ قاتىسۋىمەن ازييا ەلدەرٸ قالامگەرلەرٸنٸڭ تۇڭعىش فورۋمى جۇمىسىن باستادى, دەپ حابارلايدى قازاقپارات تٸلشٸسٸ.
ازييا ەلدەرٸ قالامگەرلەرٸنٸڭ تۇڭعىش فورۋمى ازييا قۇرلىعىندا ورنالاسقان ەلدەر اراسىنداعى ەدەبي-مەدەني بايلانىستاردى نىعايتۋ, ودان ەرٸ دامىتۋ ەرٸ ەگەمەندٸ ەلٸمٸزدٸڭ بٷگٸنگٸ كەسكٸن-كەلبەتٸن, قازاقستاننىڭ ەدەبيەتٸن, رۋحاني قۇندىلىقتارىن پاش ەتۋ, ەدەبي ٷدەرٸستٸڭ دامۋىنا قاتىستى ازييا ەلدەرٸمەن تەجٸريبە الماسۋ سىندى ماقسات-مٸندەتتەردٸ كٶزدەيدٸ. ەدەبي فورۋمنىڭ جالپى وتىرىسىنا نوبەل سىيلىعىنىڭ نومينانتتارى وڭتٷستٸك كورەيا قالامگەرٸ كو ىن, كاتارلىق موزا ال-مالكي, موڭعولييالىق گومبوجاۆىن مەند وويوو, وڭتٷستٸك ازييا حالىقارالىق سىيلىعىنىڭ لاۋرەاتى ٷندٸستاندىق امار ميترا, ەزەربايجان حالىق جازۋشىسى انار راسۋل رزاەۆ بايانداما جاسايدى.
فورۋم جۇمىسى 3 كٷنگە سوزىلادى. بٷگٸن شارانىڭ جالپى وتىرىسى ٶتٸپ جاتىر. ەكٸ بٶلٸمدە 11 سپيكەر بايانداما وقيدى. ەرتەڭ TED.9 فورماتىندا ارنايى شارا ٶتەدٸ. وندا 10 سپيكەر دەرٸس وقىپ, ەركٸن فورماتتا سۇحباتتاسادى. سونداي-اق, اباي كٶشەسٸنٸڭ بويىندا «قالامگەرلەر اللەياسى» اشىلادى. شارا اياسىندا ورتالىق ازييا قالامگەرلەرٸنٸڭ كەزدەسۋٸ ٶتەدٸ. وندا ۇلى جٸبەك جولى بويىنداعى ەدەبيەتتٸڭ بولاشاعى تۋرالى ايتىلادى. فورۋم اياسىندا جاس ازييا قالامگەرلەرٸنٸڭ كەزدەسۋٸ دە جوسپارلانعان.
قر پرەزيدەنتٸ ەكٸمشٸلٸگٸ مەن قر مەدەنيەت جەنە سپورت مينيسترلٸگٸنٸڭ قولداۋىمان ٶتەتٸن شارا 4-6 قىركٷيەك كٷندەرٸنە جوسپارلانعان. فورۋمعا سونىمەن قاتار بۋكەر جەنە ASEAN سىيلىقتارىنىڭ لاۋرەاتتارى, جازۋشىلار وداقتارى مەن قاۋىمداستىقتارىنىڭ تٶراعالارىنان قۇرالعان 90 قوناق كەلگەن.
