مەملەكەت باسشىسى قاسىم-جومارت توقاەۆتىڭ اتىنا قۇربان ايت مەرەكەسٸنە وراي شەت مەملەكەتتەردٸڭ پرەزيدەنتتەرٸ مەن حالىقارالىق ۇيىمداردىڭ باسشىلارىنان قۇتتىقتاۋ حاتتارى مەن جەدەلحاتتارى كەلٸپ تٷسۋدە, دەپ حابارلايدى اقوردانىڭ رەسمي سايتى.
ٶزبەكستان پرەزيدەنتٸ شاۆكات ميرزييوەۆ ٶزٸنٸڭ قۇتتىقتاۋىندا قاسىم-جومارت توقاەۆتىڭ ەكٸ ەل اراسىنداعى دوستىق پەن باۋىرلاستىقتى, ساۋدا-ەكونوميكالىق, ەلەۋمەتتٸك, رۋحاني-اعارتۋشىلىق باعىتتاعى قاتىناستاردى, سونداي-اق, حالىقتارىمىزدىڭ ورتاق سىن-قاتەرلەرگە قارسى كٷرەستەگٸ ىنتىماقتاستىعىن جان-جاقتى نىعايتۋعا زور ٷلەس قوسقانىن اتاپ ٶتكەن.
قىرعىزستان پرەزيدەنتٸ سوورونباي جەەنبەكوۆ ەكٸ ەل حالقىنىڭ مٷددەسٸ ٷشٸن قىرعىزستان مەن قازاقستان اراسىنداعى ستراتەگييالىق سەرٸكتەستٸك, دوستىق, وداقتاستىق جەنە تاتۋ كٶرشٸلٸك بايلانىستار قاسىم-جومارت توقاەۆتىڭ تٸكەلەي قولداۋىمەن ودان ەرٸ نىعايا تٷسەتٸنٸنە سەنٸم بٸلدٸردٸ.
تەجٸكستان پرەزيدەنتٸ ەمومالي راحمون قاسىم-جومارت توقاەۆپەن بٸرلەسە وتىرىپ, تەجٸكستان مەن قازاقستان اراسىنداعى تىعىز ىنتىماقتاستىقتى نىعايتۋعا جەنە كەڭەيتۋگە باعىتتالعان ٶزارا ىقپالداستىقتى جان-جاقتى ٸلگەرٸلەتۋگە نيەتتٸ ەكەنٸن جەتكٸزگەن.
تٷرٸكمەنستان پرەزيدەنتٸ گۋربانگۋلى بەردٸمۇحامەدوۆ قاسىم-جومارت توقاەۆقا زور دەنساۋلىق, باقىت جەنە ونىڭ قولعا العان بارلىق باستامالارى مەن يگٸ ٸستەرٸنە تابىس, ال باۋىرلاس قازاقستان حالقىنا باق-بەرەكە تٸلەدٸ.
تٷركييا پرەزيدەنتٸ رەجەپ تاييپ ەردوعان ٶزٸنٸڭ قۇتتىقتاۋ حاتىندا «جەكە ٶزٸمنٸڭ جەنە حالقىمنىڭ اتىنان قۇربان ايت مەرەكەسٸمەن شىن جٷرەكتەن قۇتتىقتايمىن. قازٸر باستان كەشٸرٸپ جاتقان قيىن-قىستاۋ كەزەڭدە بٸزدٸ بٸرٸكتٸرەتٸن وسى قاسيەتتٸ مەرەكەدە سٸزگە زور دەنساۋلىق, باقىت, ال باۋىرلاس قازاقستان حالقىنا بەيبٸتشٸلٸك, باق-بەرەكە تٸلەيمٸن», – دەپ جازعان.
مەملەكەت باسشىسىن قۇربان ايت مەرەكەسٸنە وراي قۇتتىقتاپ, جىلى لەبٸز بٸلدٸرگەن قۇتتىقتاۋ جەدەلحاتتارىن ەزەربايجان پرەزيدەنتٸ يلحام ەليەۆ, يران پرەزيدەنتٸ حاسان رۋحاني, ەگيپەت پرەزيدەنتٸ ابدەل فاتتاح اس-سيسي, يوردانييا كورولٸ II ابداللا, باحرەين كورولٸ شەيح حاماد بەن يسا ەل-حاليفا, ومان سۇلتانى حايسام بەن تاريق, ماروككو كورولٸ VI مۇحاممەد, الجير پرەزيدەنتٸ ابدەلمادجيد تەببۋن, اۋعانستان پرەزيدەنتٸ اشراف عاني, پالەستينا باسشىسى ماحمۋد ابباس پەن فيليپپين كٶشباسشىسى رودريگو دۋتەرتە, سونداي-اق, يسلام ىنتىماقتاستىعى ۇيىمىنىڭ باس حاتشىسى يۋسەف بەن احماد ەل-وسەيمين, يسەسكو-نىڭ باس ديرەكتورى ساليم م.ەل-ماليك, كاۆكاز مۇسىلماندارى باسقارماسىنىڭ تٶراعاسى, تمد دٸنارالىق كەڭەسٸنٸڭ تەڭتٶراعاسى, شەيح-ۋل-يسلام اللاحشٷكٸر پاشا-زادە جولدادى.
قۇتتىقتاۋ جەدەلحاتتارى ەلٸ دە كەلٸپ تٷسٸپ جاتىر.
