فوتو: akorda.kz
قاسىم-جومارت توقاەۆ تو لامعا ۆەتنام سوتسياليستٸك رەسپۋبليكاسىنىڭ پرەزيدەنتٸ بولىپ سايلانۋىنا وراي قۇتتىقتاۋ جەدەلحاتىن جولدادى, دەپ حابارلايدى اقوردانىڭ باسپاسٶز قىزمەتٸ.
مەملەكەت باسشىسى ۆەتنام پرەزيدەنتٸنٸڭ الداعى بارلىق باستاماسىنا تابىس, ال دوستاس ۆەتنام حالقىنا باق-بەرەكە تٸلەدٸ.
«سٸز وسى لاۋازىمدا قىزمەت ەتكەن كەزەڭدە عاجاپ ەلٸڭٸز ودان ەرٸ گٷلدەنٸپ, ٷيلەسٸمدٸ جەنە ورنىقتى قوعام قۇرۋ جولىندا تۇراقتى دامي بەرەتٸنٸنە سەنٸمدٸمٸن. قازاقستان مەن ۆەتنامدى ٶزارا سەنٸم مەن ورتاق مٷددەگە نەگٸزدەلگەن تىعىز قارىم-قاتىناستار بايلانىستىرادى. ەلدەرٸمٸزدٸڭ مٷددەسٸ جولىنداعى كٶپقىرلى ىقپالداستىقتى ٶركەندەتۋ ٷشٸن جاڭا مٷمكٸندٸكتەردٸ سٸزبەن بٸرلەسٸپ پايدالانۋعا دايىنمىن», – دەپ جازىلعان جەدەلحاتتا.
وسىعان دەيٸن ۆەتنامنىڭ ۇلتتىق جينالىسى (بٸر پالاتالى پارلامەنت) سەرسەنبٸ كٷنٸ ۆەتنام كوممۋنيستٸك پارتيياسى ورتالىق كوميتەتٸ ساياسي بيۋروسىنىڭ مٷشەسٸ تو لامدى ەلدٸڭ جاڭا پرەزيدەنتٸ ەتٸپ سايلانعانىن جازعان ەدٸك.
