پرەزيدەنت اسا كٶرنەكتٸ سەۋلەتشٸ, قوعام قايراتكەرٸ شوت-امان ۋەليحانوۆتىڭ وتباسى مەن جاقىن تۋىستارىنا كٶڭٸل ايتتى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى قاسىم-جومارت توقاەۆ اسا كٶرنەكتٸ سەۋلەتشٸ, عالىم ەرٸ قوعام قايراتكەرٸ, قالامگەر شوت-امان ىدىرىسۇلى ۋەليحانوۆتىڭ دٷنيەدەن ٶتۋٸنە بايلانىستى كٶڭٸل ايتىپ, جەدەلحات جولدادى.
«شوت-امان ىدىرىسۇلى ەلٸمٸزدە سەۋلەت ٶنەرٸنٸڭ قارقىندى دامىپ, جاڭا بەلەسكە كٶتەرٸلۋٸ جولىندا كٶپ ەڭبەك سٸڭٸردٸ. كٶپتەگەن ەڭسەلٸ عيماراتتار مەن كٶرٸكتٸ ەسكەرتكٸشتەردٸڭ اۆتورى اتاندى. حالقىمىز ونى مەملەكەتتٸك ەلتاڭبا اۆتورلارىنىڭ بٸرٸ رەتٸندە جاقسى بٸلەدٸ. عۇمىرىن شىعارماشىلىق ٸزدەنٸستەر مەن عىلىمي زەرتتەۋلەرگە ارناپ, قالامگەرلٸك جولدا دا جەمٸستٸ جۇمىس جاسادى. رۋحانييات بايلىعىن دامىتۋعا ەدەۋٸر اتسالىستى. سوڭىنا ٶشپەس ٸز, سارقىلماس مۇرا قالدىرعان شوت-امان ىدىرىسۇلىنىڭ جارقىن بەينەسٸ ۇمىتىلمايدى. حالقىمىز ەسٸمٸن ەردايىم ارداق تۇتادى», – دەلٸنگەن جەدەلحاتتا.
