قازاقستان پرەزيدەنتٸ بٸرٸككەن اراب ەمٸرلٸكتەرٸنٸڭ كٶرنەكتٸ مەملەكەت قايراتكەرٸ جەنە تانىمال ساياساتكەرٸ, قارجى جەنە ٶنەركەسٸپ مينيسترٸ شەيح حامدان بەن راشيد ەل ماكتۋمنىڭ دٷنيەدەن ٶتۋٸنە بايلانىستى باە-نٸڭ ۆيتسە-پرەزيدەنتٸ, پرەمەر-مينيسترٸ, دۋباي ەمٸرشٸسٸ شەيح مۇحاممەد بەن راشيد ەل ماكتۋمعا كٶڭٸل ايتۋ جەدەلحاتىن جولدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ شەيح حامدان بەن راشيد ەل ماكتۋمنىڭ قايتىس بولعانى تۋرالى سۋىت حاباردى تەرەڭ كٷيزەلٸسپەن قابىل الدى.
«شەيح حامدان ەمٸرلٸكتەردٸڭ دامۋى مەن ٶركەندەۋٸ, حالقىنىڭ يگٸلٸگٸ مەن مٷددەسٸ جولىنداعى ۇزاق جىلدار بويى اتقارعان مٸنسٸز قىزمەتٸنٸڭ ارقاسىندا زور قۇرمەتكە يە بولعانى بارشاعا بەلگٸلٸ. قازاقستان حالقى دا اعاڭىز شەيح حامدان ەل ماكتۋمدى ەكٸجاقتى قارىم-قاتىناستاردىڭ نىعايۋىنا سٷبەلٸ ەڭبەك سٸڭٸرگەن ەلٸمٸزدٸڭ ناعىز دوسى, تٸلەكتەس باۋىرى رەتٸندە ەردايىم ەسٸندە ساقتايدى. جوعارى مەرتەبەلٸ شەيح مۇحاممەد, ورنى تولماس اۋىر قايعىڭىزعا ورتاقتاسىپ, بٷكٸل قازاقستاندىقتار مەن جەكە ٶز اتىمنان سٸزگە جەنە ەمٸرلٸكتەر حالقىنا كٶڭٸل ايتامىن», – دەلٸنگەن جەدەلحاتتا.
