قازاقستان رەسپۋبليكاسى پارلامەنتٸ سەناتىنىڭ تٶراعاسى قاسىم-جومارت توقاەۆ مەملەكەت باسشىسىنىڭ تاپسىرماسى بويىنشا ميۋنحەن قاۋٸپسٸزدٸك كونفەرەنتسيياسىنا قاتىستى, دەپ حابارلايدى "ۇلت اقپارات".
16-18 اقپاندا ٶتكەن فورۋمعا ەلەمدٸك دەڭگەيدەگٸ ساياساتكەرلەر مەن قوعام قايراتكەرلەرٸ قاتىسىپ, حالىقارالىق قاۋٸپسٸزدٸكتٸڭ ماڭىزدى مەسەلەلەرٸن تالقىلادى. جەكەلەگەن سەسسييالار ەۋروپا وداعىنىڭ رەسەي جەنە اقش-پەن ٶزارا ٸس-قيمىلىنا, تاياۋ شىعىس پەن كورەي تٷبەگٸندەگٸ شيەلەنٸستەردٸ رەتتەۋگە ارنالدى. كيبەرقاۋٸپسٸزدٸك, ەنەرگەتيكا جەنە ازىق-تٷلٸك قاۋٸپسٸزدٸگٸنٸڭ ٶزەكتٸ مەسەلەلەرٸ, اركتيكاداعى جاعداي جٶنٸندە تاقىرىپتىق دٶڭگەلەك ٷستەلدەر بولدى.
كونفەرەنتسييادا مەملەكەتتەر مەن ٷكٸمەتتەردٸڭ باسشىلارى, پارلامەنتتەردٸڭ تٶراعالارى مەن حالىقارالىق ۇيىمداردىڭ جەتەكشٸلەرٸ, ىقپالدى قوعام قايراتكەرلەرٸ مەن تالداۋ ورتالىقتارىنىڭ ٶكٸلدەرٸ سٶز سٶيلەدٸ. شاراعا بارلىعى 500-دەن استام ادام قاتىستى.
توقاەۆ فورۋم اياسىندا بٸرقاتار كەزدەسۋ ٶتكٸزدٸ. سەنات تٶراعاسىنىڭ بۇۇ قورشاعان ورتا جٶنٸندەگٸ باعدارلاماسىنىڭ اتقارۋشى ديرەكتورى ەريك سولحەيممەن كەزدەسۋٸندە قازاقستاننىڭ بۇۇ قۇرىلىمدارىمەن ٶزارا ٸس-قيمىل مەسەلەلەرٸ تالقىلاندى.
توقاەۆ يادرولىق قارۋدى جويۋ جٶنٸندەگٸ حالىقارالىق كامپانييانىڭ (ICAN) اتقارۋشى ديرەكتورى بەاتريس فيندٸ ۇيىمعا نوبەل بەيبٸتشٸلٸك سىيلىعىنىڭ تابىس ەتٸلۋٸمەن قۇتتىقتادى. ب.فين قازاقستاننىڭ جاپپاي قىرىپ-جويۋ قارۋىنان ازات ەلەم قۇرۋداعى ٷلەسٸن جوعارى باعالادى, سونداي-اق قارۋسىزداندىرۋ سالاسىنداعى حالىقارالىق باعدارلامانى ٸسكە اسىرۋعا ٶزارا ٸس-قيمىل قاجەتتٸگٸن اتاپ ٶتتٸ.
Schaeffler AG كونتسەرنٸ بايقاۋشىلار كەڭەسٸنٸڭ تٶراعاسى گەورگ شاففلەرمەن جەنە Schaeffler AG-تىڭ ورتالىق جەنە شىعىس ەۋروپا, تاياۋ شىعىس جەنە افريكا بويىنشا اتقارۋشى باس ديرەكتورى راينەر ليندنەرمەن تەحنولوگييالىق جەنە ينۆەستيتسييالىق ىنتىماقتاستىقتىڭ كەلەشەگٸ تۋرالى ەڭگٸمە ٶربٸدٸ. سەنات تٶراعاسى ەكونوميكانى تەحنولوگييالىق تۇرعىدا جەدەل جاڭعىرتۋ قازاقستانداعى كەشەندٸ رەفورمانىڭ ماڭىزدى قۇرامى ەكەنٸنە نازار اۋدارا كەلٸپ, نەمٸس بيزنەسٸن بٸزدٸڭ ەلٸمٸزدٸڭ اۋماعىنداعى بٸرقاتار ٸرٸ جوبالاردى ٸسكە اسىرۋعا قاتىسۋعا شاقىردى.
