ەلٸمٸزدٸڭ ورتالىق سايلاۋ كوميسسيياسىندا قر پرەزيدەنتتٸگٸنە كانديداتتىڭ مەملەكەتتٸك تٸلدٸ ەركٸن مەڭگەرگەنٸن انىقتايتىن لينگۆيستيكالىق كوميسسييا وتىرىسى ٶتٸپ جاتىر. وتىرىستا پرەزيدەنتتٸككە «Nur Otan» پارتيياسىنىڭ اتىنان كانديدات قاسىم-جومارت توقاەۆ مەملەكەتتٸك تٸلدەن ەمتيحان تاپسىرۋدا, دەپ حابارلايدى قازاقپارات تٸلشٸسٸ.
قاسىم-جومارت توقاەۆ الدىمەن «اباي قۇنانبايۇلىنىڭ پوەزيياسى مەن قارا سٶزدەرٸ» تاقىرىبىندا 2 بەتتٸك شىعارما جازادى. سودان كەيٸن شەرحان مۇرتازانىڭ «مىڭبۇلاق» كٸتابىنان ٷزٸندٸنٸ 15 مينۋت مەنەرلەپ وقيدى. ال ٷشٸنشٸ كەزەڭدە ەركٸن تاقىرىپتا سٶز سٶيلەيدٸ.
ايتا كەتەيٸك, 19 سەۋٸردە قر ورتالىق سايلاۋ كوميسسيياسى قر پرەزيدەنتٸنٸڭ كەزەكتەن تىس سايلاۋىندا قر پرەزيدەنتتٸگٸنە كانديداتتاردىڭ مەملەكەتتٸك تٸلدە ەركٸن مەڭگەرگەنٸن انىقتايتىن لينگۆيستيكالىق كوميسسييا قۇرىپ, ونىڭ قۇرامىنا مىرزاتاي جولداسبەكوۆ, ەدٸل احمەتوۆ, عاريفوللا ەسٸم, سەرٸك قاسقاباسوۆ, گٷلتاس قۇرمانباي, ەردەن قاجىبەك ەنگەن بولاتىن.
كوميسسييا تٶراعاسى مىرزاتاي جولداسبەكوۆتٸڭ ايتۋىنشا, ەمتيحان ٷش كەزەڭنەن قۇرالعان.
بٸرٸنشٸ كەزەڭدە ٷمٸتكەر كونۆەرتتە جاسىرىلعان تاقىرىپتاردىڭ بٸرٸنە جازباشا جۇمىس جازادى. جازباشا جۇمىس 2 بەتتەن اسپاۋى كەرەك, ونى جازۋعا 1 ساعات ۋاقىت بەرٸلەدٸ. ەگەر ٷمٸتكەر 1 ساعاتتا جازىپ بٸتٸرە الماسا, كوميسسييا اقىلداسا كەلە, قوسىمشا جارتى ساعات بەرە الادى. كوميسسييا مٷشەلەرٸ جۇمىستى مۇقييات تەكسەرەدٸ, ەرٸپ قاتەسٸن, تىنىس بەلگٸلەرٸن قاداعالايدى. مەسەلەن, 8 ورفوگرافييالىق قاتە تابىلسا, ەكٸ قويىلادى.
ەكٸنشٸ كەزەڭدە ٷمٸتكەر كوميسسييا ۇسىنعان كٶلەمٸ ٷش بەتتەن اسپايتىن مەتٸندٸ داۋىستاپ وقيدى. بۇل كەزەڭدە ٷمٸتكەردٸڭ داۋىس ىرعاعى, وقۋ مەنەرٸ باعالانادى. ٷشٸنشٸ كەزەڭدە ٷمٸتكەر لينگۆيستيكالىق كوميسسييا بەرگەن تاقىرىپتاردىڭ بٸرٸنە سٶز سٶيلەۋٸ قاجەت. ونىڭ دا تاقىرىپتارى كونۆەرتكە سالىنىپ, بەكٸتٸلگەن. تاقىرىپتار قازاق حالقىنىڭ تاريحى, مەدەنيەتٸ, جەتٸستٸكتەرٸ جٶنٸندە بولماق. ٷمٸتكەردٸڭ سٶز سٶيلەۋٸ كوميسسييانى قاناعاتتاندىرماسا, تاقىرىپتى تەرەڭٸرەك اشۋ ٷشٸن قوسىمشا سۇراقتار قويىلادى.
