بٷگٸن پارلامەنت سەناتىنىڭ جالپى وتىرىسىندا دەپۋتاتتار قۇقىق قورعاۋ ورگاندارىنان مال ۇرلىعىنا توسقاۋىل قويۋعا قاتىستى قاتاڭ شارالار قابىلداۋدى ۇسىندى, دەپ حابارلايدى قازاقپارات.
«بٷگٸندە مال ۇرلىعى قوعامدىق پروبلەماعا اينالعانى بارشاعا مەلٸم. بۇل تۋرالى ٶڭٸرلەردە بولعان كەزدەسۋلەردە, بۇقارالىق اقپارات قۇرالدارىندا ٷنەمٸ ايتىلىپ جٷر», - دەدٸ سەناتور ەبدەلٸ نۇراليەۆ.
ٶز كەزەگٸندە پارلامەنت سەناتىنىڭ تٶراعاسى قاسىم-جومارت توقاەۆ شىن مەنٸندە بۇل تاقىرىپ ٶتە ٶزەكتٸ ەكەنٸن اتاپ ٶتتٸ.
«وسى ورايدا ەدٸلەت مينيسترلٸگٸ مەن ٶزگە دە مٷددەلٸ ورگاندارعا مال ۇرلىعى مەسەلەسٸنە ەرەكشە نازار اۋدارۋدى سۇرايمىن. بۇل پروبلەمانى مٸندەتتٸ تٷردە قاراستىرۋ كەرەك. قوعامدا وسى مەسەلە بويىنشا قىزۋ تالقىلاۋ بولىپ جاتىر. سوندىقتان ٸس-شارالاردى قاتاڭ تٷردە قولدانباساق, بۇل احۋالدى تٷزەتۋ قيىنعا تٷسەدٸ», - دەدٸ ق. توقاەۆ.
سەناتور سەرسەنباي ەڭسەگەنوۆتٸڭ سٶزٸنە قاراعاندا, 2015-2017 جىلدارى ەلٸمٸزدە 65 مىڭنان استام مال ۇرلاندى. سونىمەن قاتار ول بۇعان دەيٸن جٸبەرٸلگەن دەپۋتاتتىق ساۋالدا مال ۇرلىعىن بٶلەك باپقا شىعارۋ ۇسىنىسى بولعانىن ەسكە سالدى.
ايتا كەتەيٸك, بٷگٸنگٸ جالپى وتىرىستا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەنشٸك قۇقىعىن قورعاۋدى كٷشەيتۋ, تٶرەلٸك, سوت جٷكتەمەسٸن وڭتايلاندىرۋ جەنە قىلمىستىق زاڭنامانى ودان ەرٸ ٸزگٸلەندٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى قارالدى.
