فوتو: Akorda.kz
قازاقستان مەن تەجٸكستان پرەزيدەنتتەرٸ شاعىن قۇرامدا كەلٸسسٶز جٷرگٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى قاسىم-جومارت توقاەۆ قازاقستانعا مەملەكەتتٸك ساپارمەن كەلگەن تەجٸكستان پرەزيدەنتٸ ەمومالي راحمونمەن كەزدەسۋ ٶتكٸزدٸ.
كەلٸسسٶزگە دەيٸن «اقوردا» رەزيدەنتسيياسىندا رەسمي قارسى الۋ رەسٸمٸ بولدى. قاسىم-جومارت توقاەۆ پەن ەمومالي راحمون بٸر-بٸرٸنە رەسمي دەلەگاتسييا مٷشەلەرٸن تانىستىردى. قۇرمەت قاراۋىلىنىڭ باستىعى ەكٸ ەل باسشىلارىنا راپورت بەرٸپ, قازاقستان مەن تەجٸكستاننىڭ مەملەكەتتٸك ەنۇراندارى شىرقالدى. بۇدان كەيٸن ەكٸ ەل باسشىلارى شاعىن قۇرامدا كەزدەسۋ ٶتكٸزدٸ.
قاسىم-جومارت توقاەۆ ەمومالي راحمونعا ٸلتيپات بٸلدٸرە وتىرىپ, تەجٸكستان قازاقستاننىڭ سەنٸمدٸ ستراتەگييالىق سەرٸكتەسٸ, سونداي-اق باۋىرلاس ەرٸ جاقىن مەملەكەت ەكەنٸن اتاپ ٶتتٸ.
– بٸزدٸ ەجەلدەن ورتاق تاريح, مەدەني جەنە رۋحاني قۇندىلىقتار تىعىز بايلانىستىرادى. ەكٸ ەل اراسىنداعى ديپلوماتييالىق قارىم-قاتىناستاردىڭ 30 جىلدىعىندا وداقتاستىق ٶزارا ٸس-قيمىل تۋرالى دەكلاراتسيياعا قول قويىپ وتىرمىز. مۇنىڭ سيمۆولدىق مەنٸ بار. بۇل قۇجات ٶتە ماڭىزدى ەرٸ بولاشاققا ارنالعان. سونداي-اق بٸزدٸڭ مەملەكەتتەرٸمٸزدٸڭ ۇلتتىق مٷددەلەرٸنە تولىق ساي كەلەدٸ. بۇل باعىتتا ارامىزدا ەشقانداي كٷمەندٸ مەسەلە جوق. قازاقستان مەن تەجٸكستان ساۋدا-ەكونوميكالىق ىنتىماقتاستىقتى بەلسەندٸ دامىتىپ كەلەدٸ. ۇزاق جىلداردان بەرٸ قازاقستان – تەجٸكستاننىڭ ەكٸنشٸ ٸرٸ ساۋدا سەرٸكتەسٸ. تەك بىلتىردىڭ ٶزٸندە ەكٸجاقتى ساۋدا اينالىمى 18,5 پايىزعا ارتىپ, 1,4 ميلليارد دوللارعا جەتتٸ. قازٸرگٸ جاعدايدا بۇل – جاقسى نەتيجە. ٶنەركەسٸپ, اۋىل شارۋاشىلىعى, كٶلٸك جەنە باسقا دا سالالارداعى بٸرقاتار ەكونوميكالىق جوبا جٷزەگە اسىرىلۋ ساتىسىندا تۇر. سٸزدٸڭ ساپارىڭىز اياسىندا ەكونوميكانىڭ تٷرلٸ سەكتورىنداعى ٶزارا ٸس-ەرەكەتتٸ ودان ەرٸ كەڭەيتۋگە باعىتتالعان جاڭا كەلٸسٸمدەردٸڭ ماڭىزدى توپتاماسىنا قول قويىلادى, – دەدٸ پرەزيدەنت.
كەلٸسسٶز بارىسىندا قازاق-تەجٸك ىنتىماقتاستىعىن ودان ەرٸ دامىتۋ پەرسپەكتيۆالارى تالقىلاندى. سونداي-اق ساۋدا-ەكونوميكالىق, سونىڭ ٸشٸندە ٶنەركەسٸپ, اۋىل شارۋاشىلىعى جەنە كٶلٸك سالالارىنداعى ىنتىماقتاستىقتى كەڭەيتۋگە ەرەكشە نازار اۋدارىلدى.
– كەشە ەلدەرٸمٸز اراسىنداعى ىنتىماقتاستىقتىڭ پەرسپەكتيۆالارىنا قاتىستى بەيرەسمي ەرٸ ٶزارا سەنٸمگە نەگٸزدەلگەن جاعدايدا پٸكٸر الماستىق. ەڭ باستىسى, ساۋدا كٶلەمٸن ەكٸ ميلليارد دوللارعا دەيٸن ارتتىرۋعا مٷمكٸندٸك بار. بٸز بيزنەسمەندەردٸڭ 1,8 ميلليارد دوللار كٶلەمٸندەگٸ كەلٸسٸمشارتتارعا قول قويعانىنا كٶڭٸلٸمٸز تولاتىنىن اتاپ ٶتتٸك. بۇل – ٶتە جاقسى نەتيجە. ەكٸ ەل ٷكٸمەتتەرٸ وسى كەلٸسٸمشارتتاردىڭ ورىندالۋىن مۇقييات قاداعالاپ وتىرۋعا تيٸس. بٸزدٸڭ بەرٸك ەرٸ ۇزاقمەرزٸمدٸ قارىم-قاتىناسىمىزدىڭ مىزعىماس نەگٸزٸ – تىعىز مەدەني-گۋمانيتارلىق بايلانىستار. بىلتىر دۋشانبەدە قازاقستان كينوسى كٷندەرٸ تابىستى ٶتكٸزٸلدٸ. بيىل بٸزدٸڭ ەلٸمٸزدە تەجٸكستاننىڭ مەدەنيەت كٷندەرٸن ٶتكٸزۋ جوسپارلانىپ وتىر. بٸز وسى شاراعا مۇقييات دايىندالۋىمىز كەرەك, – دەدٸ مەملەكەت باسشىسى.
ەمومالي راحمون قازاقستانعا شاقىرعانى جەنە قوناقجايلىق كٶرسەتكەنٸ ٷشٸن قاسىم-جومارت توقاەۆقا العىس ايتتى.
– تەجٸكستان مەن قازاقستان – ستراتەگييالىق سەرٸكتەستەر. قارىم-قاتىناسىمىز تۇراقتى تٷردە دامىپ كەلەدٸ. بٸز ونى ودان ەرٸ نىعايتۋعا باسا مەن بەرەمٸز. قازاقستان بٷگٸندە باستى ساۋدا سەرٸكتەستەرٸمٸزدٸڭ اراسىندا ەكٸنشٸ ورىندا. بىلتىر تاۋار اينالىمىنىڭ ٶسٸمٸ 20 پايىزدان استى. بٸز باسقا سالالاردا دا قارقىندى ديالوگ جٷرگٸزەمٸز. سٸزبەن ەلدەرٸمٸزدٸڭ ەلەۋمەتتٸك-ەكونوميكالىق دامۋ پەرسپەكتيۆالارىن, سونداي-اق حالىقارالىق جەنە ٶڭٸرلٸك مەسەلەلەردٸ تالقىلاۋعا دايىنمىن. سٸزدٸ جەنە بارشا قازاقستان حالقىن پارلامەنت سايلاۋىنىڭ سەتتٸ ٶتۋٸمەن قۇتتىقتايمىن. سٸزگە الداعى ۋاقىتتا باۋىرلاس قازاقستاننىڭ دامۋىنا باعىتتالعان رەفورمالاردى جٷزەگە اسىرۋدا تابىس تٸلەيمٸن. بٸز تۇراقتى بايلانىستار مەن جوعارى دەڭگەيدەگٸ ۇزاقمەرزٸمدٸ ساياسي ديالوگتىڭ يگٸ دەستٷرلەرٸن ساقتاپ, ودان ەرٸ كەڭەيتەمٸز. مەن دوستىق قارىم-قاتىناسىمىزدى جوعارى باعالايمىن, – دەدٸ تەجٸكستان پرەزيدەنتٸ.
