قازاقستان پرەزيدەنتٸ قاسىم-جومارت توقاەۆ «پوليمەتالل» كومپانيياسى ديرەكتورلار كەڭەسٸنٸڭ مٷشەسٸ يگور فينوگەنوۆتٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسىنا «پوليمەتالل» كەسٸپورنىنىڭ قازاقستان مەن رەسەي نارىعىندا جٷزەگە اسىرىلىپ جاتقان ٸرٸ جوبالارى تۋرالى مەلٸمەت بەرٸلدٸ.
قازاقستان پرەزيدەنتٸ «پوليمەتالل» كەسٸپورنىنىڭ «استانا» حالىقارالىق قارجى ورتالىعىنىڭ بيرجاسىنا ەنۋٸمەن قۇتتىقتاپ, كومپانييانىڭ بٸزدٸڭ ەلدەگٸ جۇمىسىنا توقتالدى.
– «پوليمەتالل» «استانا» حالىقارالىق قارجى ورتالىعىنىڭ بيرجاسىندا ورنالاسقان العاشقى شەتەلدٸك كومپانييا اتانۋىمەن قۇتتىقتايمىن جەنە ريزاشىلىعىمدى بٸلدٸرەمٸن. سٸزدەر شىعىس قازاقستان وبلىسىنداعى باقىرشىق كەن ورنىندا «قىزىل» جوباسىن تابىستى اياقتادىڭىزدار. قوستاناي وبلىسىنداعى التىن كەن ورنىندا دا جوبالار جٷزەگە اسىرىلىپ جاتىرسىزدار, – دەدٸ قاسىم-جومارت توقاەۆ.
يگور فينوگەنوۆ «استانا» حقو شەتەلدٸك كومپانييالارعا قازاقستاندا جۇمىس ٸستەۋگە ٷلكەن ينۆەستيتسييالىق مٷمكٸندٸكتەر جاساپ وتىرعانىن اتاپ ٶتتٸ.
– «استانا» حالىقارالىق قارجى ورتالىعىنىڭ بيرجاسىنا ەنۋٸمٸزدٸ ٷلكەن جەتٸستٸك دەپ سانايمىز. ٶيتكەنٸ, بۇل قازاقستاندا قارجىلىق جوبالاردى جٷزەگە اسىرۋعا باعىتتالعان العاشقى قادامدارىمىز. بٸز گەولوگييالىق بارلاۋ جۇمىستارىنا ينۆەستيتسييا سالۋعا مٷددەلٸمٸز, ال بيرجا بۇل ٷشٸن جاقسى مٷمكٸندٸك, – دەدٸ يگور فينوگەنوۆ.
كەزدەسۋ سوڭىندا تاراپتار ىنتىماقتاستىقتىڭ الداعى ۋاقىتتا دا ارتا بەرەتٸنٸنە سەنٸم بٸلدٸردٸ.
