فوتو: اقوردا
قاسىم-جومارت توقاەۆ ەكٸنشٸ «ورتالىق ازييا – رەسەي» سامميتٸنە قاتىستى, دەپ حابارلايدى Ult.kz.
پرەزيدەنت ايماق پەن رەسەي اراسىنداعى ەكٸجاقتى جەنە كٶپجاقتى ىقپالداستىقتىڭ بٸرقاتار ٶزەكتٸ باعىتىنا قاتىستى ويىمەن بٶلٸستٸ. بٸرٸنشٸ باسىمدىق رەتٸندە ساۋدا جەنە يندۋستريالدى قارىم-قاتىناستى دامىتۋعا توقتالدى.
– العاشقى سامميتتە ەكونوميكالىق ىنتىماقتاستىقتىڭ جاڭا ٷلگٸسٸن قالىپتاستىرۋ باعىتىندا جۇمىس ٸستەۋگە كەلٸسكەن ەدٸك. بٷگٸن قابىلداناتىن بٸرلەسكەن ٸس-قيمىل جوسپارى 50-دەن اسا شارانى قامتيدى. بۇل – ٶتە قۇندى قۇجات. سول سەبەپتٸ ونى ۋاقتىلى ٸسكە اسىرۋعا بارىنشا كٷش جۇمىلدىرۋ قاجەت. ورتالىق ازييا ەلدەرٸنٸڭ رەسەيمەن ساۋدا كٶلەمٸ بارلىق تاۋار اينالىمىنىڭ ٷشتەن بٸرٸن قۇرايدى. ٶتكەن جىلدىڭ قورىتىندىسى بويىنشا بۇل كٶرسەتكٸش 20 پايىز ٶسٸپ, 50 ميلليارد دوللاردان استى. اتالعان كٶلەمنٸڭ جارتىسىنان كٶبٸ قازاقستان مەن رەسەي اراسىنداعى ساۋداعا تيەسٸلٸ. بىلتىر ونىڭ كٶلەمٸ 28 ميلليارد دوللارعا جەتتٸ. رەسەي قازاقستان ەكونوميكاسىنا قارجى قۇيعان ٸرٸ ينۆەستورلاردىڭ قاتارىنا ەندٸ. ينۆەستيتسييا كٶلەمٸ 26 ميلليارد دوللاردان استى. بىلتىردىڭ ٶزٸندە رەسەيدەن تٸكەلەي كەلەتٸن ينۆەستيتسييا اعىنى 33 پايىز ۇلعايىپ, 4 ميللياردتان اسا دوللارعا كٶبەيگەن. وعان ٶنەركەسٸپ كووپەراتسيياسىن جەدەل دامىتۋ مٷمكٸندٸك بەردٸ. جالپى قۇنى 21 ميلليارد دوللاردى قۇرايتىن 114 ينۆەستيتسييالىق جوبا جٷزەگە اسىرىلدى. قازٸرگٸ ۋاقىتتا 33 جوبا بويىنشا جۇمىس جٷرٸپ جاتىر. ونىڭ ينۆەستيتسييا كٶلەمٸ 4,5 ميللياردتان استام دوللاردى قۇرايدى, – دەدٸ مەملەكەت باسشىسى.
قاسىم-جومارت توقاەۆتىڭ ايتۋىنشا, تاراپتار ساۋدا كەدەرگٸلەرٸن جويۋدى, ٶزارا ساۋدانى جانداندىرۋدى جەنە تاۋار اينالىمى نومەنكلاتۋراسىن كەڭەيتۋدٸ قولدايدى.
– شەكارالىق ساۋدا ايماعىن قۇرۋ, تۇراقتى تٷردە شەكارالىق ايماقتىق فورۋمدار, بيزنەس-فورۋمدار, كٶرمەلەر مەن جەرمەڭكەلەر ٶتكٸزۋ, ەلەكتروندىق ساۋدا الاڭىن دامىتۋ بۇل مٸندەتتەردٸ شەشۋگە ىقپال ەتەدٸ. قازٸرگٸ ۋاقىتتا ورتالىق ازييادا بٸرلەسكەن ساۋدا-ٶنەركەسٸپ ايماقتارى مەن يندۋستريالدىق حابتار قالىپتاسا باستادى. بۇل الاڭداردا ٶندٸرٸس لوكاليزاتسيياسىنا, قوسىلعان قۇننىڭ بارلىق تٸزبەگٸ بويىنشا كووپەراتسيياعا جەنە تۇراقتى تاسىمالدى قامتاماسىز ەتۋگە جاعداي جاسالادى. رەسەيلٸك بيزنەستٸڭ اتالعان جوبالارعا قاتىسۋى رەسەي تاۋارلارىنىڭ بٸزدٸڭ, سونىڭ ٸشٸندە قازاقستان نارىعىندا ۇزاق ۋاقىت بويى اينالىمدا بولۋىنا ىقپال ەتەدٸ, – دەدٸ پرەزيدەنت.
