انا مەن بالانى قورعاۋ, ونكولوگييالىق, كارديولوگييالىق, پۋلمونولوگييالىق جەنە مەديتسينالىق كٶمەكتٸڭ باسقا دا تٷرلەرٸن كٶرسەتۋ – ەل الدىنداعى مٸندەتٸمٸز. بۇل تۋرالى كوروناۆيرۋس ٸندەتٸنٸڭ ەكٸنشٸ كەزەڭٸنە دايىندىق مەسەلەلەرٸ بويىنشا كەڭەستە مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
«ٷكٸمەت مەديتسينالىق كٶمەكتٸڭ ٶزگە تٷرلەرٸن دە كٶرسەتۋدٸ ۇمىتپاۋعا تيٸس. انا مەن بالا دەنساۋلىعىن قورعاۋ – نەگٸزگٸ باسىمدىقتىڭ بٸرٸ. ٶكٸنٸشكە قاراي, انا ٶلٸمٸ كٶرسەتكٸشٸ بارلىق ٶڭٸردە بٸرنەشە ەسە كٶبەيٸپ كەتتٸ. بىلتىرعى 8 ايدا – 36 ەيەل قايتىس بولسا, بيىلعى 8 ايدا – 131 ەيەل قايتىس بولىپتى. مىسالى, اقتٶبە وبلىسىندا بۇل كٶرسەتكٸش شامامەن 13 ەسە, قىزىلوردا وبلىسىندا 9 ەسە, شىمكەنت قالاسىندا 7 ەسە ارتتى. نەگە بۇل ادامدارعا كٶمەك كٶرسەتٸلمەدٸ? قانداي شارالار قابىلدانىپ جاتىر? بۇل ٶتە ٶزەكتٸ سۇراقتار. ولارعا ەكٸمدەر جاۋاپ بەرۋ كەرەك», - دەدٸ مەملەكەت باسشىسى.
قازاقستان پرەزيدەنتٸ ٷكٸمەتكە ٶڭٸرلەرمەن بٸرلەسٸپ, اتالعان فاكتٸلەردٸڭ ەرقايسىسىن تەكسەرٸپ, نەتيجەسٸن بايانداۋدى تاپسىردى.
«انا مەن بالانى قورعاۋ, ونكولوگييالىق, كارديولوگييالىق, پۋلمونولوگييالىق جەنە مەديتسينالىق كٶمەكتٸڭ باسقا دا تٷرلەرٸن كٶرسەتۋ – ەل الدىنداعى مٸندەتٸمٸز. ەكٸمدەردٸ, جالپى ٷكٸمەتتٸ بۇل مٸندەتتەن ەشكٸم بوساتقان جوق. پرەزيدەنت ەكٸمشٸلٸگٸنە وسى مەسەلەنٸ باقىلاۋعا الۋدى تاپسىرامىن», - دەدٸ قاسىم-جومارت توقاەۆ.
