فوتو: اقوردا
مەملەكەت باسشىسى قاسىم-جومارت توقاەۆ Alem.ai حالىقارالىق جاساندى ينتەللەكت ورتالىعىن ارالاپ كٶردٸ. ورتالىقتا جي سالاسىنداعى عىلىمي زەرتتەۋلەر جٷرگٸزٸلٸپ, بٸلٸم بەرۋ باعدارلامالارى جٷزەگە اسىرىلادى, سونداي-اق ستارتاپتار مەن قولدانبالى شەشٸمدەردٸ دامىتۋعا مٷمكٸندٸك جاسالعان, دەپ حابارلايدى Ult.kz.
پرەزيدەنتكە تانىستىرىلعان جوبالار جاساندى ينتەللەكت تەحنولوگييالارىن مەملەكەتتٸك سەكتوردا, بيزنەستە جەنە كٷندەلٸكتٸ ٶمٸردە قولدانۋعا باعىتتالعان. بۇل باستامالار قازاقستاندى تەحنولوگييالىق ەرٸ بەسەكەگە قابٸلەتتٸ ەلگە اينالدىرۋعا نەگٸزدەلگەن.
ساپار بارىسىندا مەملەكەت باسشىسى Astana Smart City جوباسىنىڭ ٸسكە قوسىلۋىنا كۋە بولدى. جوبا قالا ينفراقۇرىلىمىن ينتەللەكتۋالدى جٷيەگە كٶشٸرۋگە مٷمكٸندٸك بەرەدٸ. Presight.AI كومپانيياسىنىڭ باس ديرەكتورى توماس پراموتەدحام بٸرىڭعاي AI-پلاتفورمانىڭ جۇمىسىن تانىستىرىپ, ونىڭ قالانى تيٸمدٸ باسقارۋداعى مٷمكٸندٸكتەرٸن كٶرسەتتٸ.
فوتو: اقوردا
سونىمەن قاتار پرەزيدەنت بٸرقاتار بٸلٸم بەرۋ باستامالارىنىڭ ٸسكە قوسىلۋ رەسٸمٸنە قاتىستى. ونىڭ تاپسىرماسىمەن قۇرىلعان Tomorrow School جاساندى ينتەللەكت مەكتەبٸنٸڭ تەجٸريبەسٸ ەندٸ بٷكٸل ەل بويىنشا ەنگٸزٸلمەك. تەلەكٶپٸر ارقىلى 14 ٶڭٸردە وسى مەكتەپتەردٸڭ جەلٸسٸ اشىلدى.
اتالعان مەكتەپتەردە كەمەلەت جاسىنان اسقان ازاماتتار, سونىڭ ٸشٸندە ٸت سالاسىنا جاڭادان قادام باسقاندار تەگٸن بٸلٸم الا الادى.
فوتو: اقوردا
بۇدان بٶلەك, استانادا 12-18 جاس ارالىعىنداعى بالالار مەن جاسٶسپٸرٸمدەرگە ارنالعان TUMO كرەاتيۆتٸ تەحنولوگييالار ورتالىعى جۇمىس ٸستەيدٸ. مۇندا جاساندى ينتەللەكت, باعدارلامالاۋ, ويىن جاساۋ, انيماتسييا, 3D-مودەلدەۋ, روبوتوتەحنيكا جەنە تسيفرلىق مۋزىكا سەكٸلدٸ باعىتتار بويىنشا بٸلٸم بەرٸلەدٸ.
پرەزيدەنتكە سونداي-اق Alem.ai بازاسىندا قۇرىلاتىن AI Research University تۇجىرىمداماسى تانىستىرىلدى. عىلىم جەنە جوعارى بٸلٸم مينيسترٸ ساياسات نۇربەكتٸڭ ايتۋىنشا, وقۋ ٷدەرٸسٸ بيىل 1 قىركٷيەكتە باستالادى.
ساپار سوڭىندا قاسىم-جومارت توقاەۆ «بولاشاق ويىندارى-2026» حالىقارالىق تۋرنيرٸنە دەيٸنگٸ كەرٸ ساناقتى ٸسكە قوستى. اتالعان جارىس استانادا 29 شٸلدە مەن 9 تامىز ارالىعىندا ٶتەدٸ.
