قارجى ۆيتسە-مينيسترٸ ەرجان بٸرجانوۆ ەلٸمٸزدە سالىق تٶلەمەي جٷرگەن كەسٸپكەرلەر تۋرالى ايتتى, دەپ حابارلايدى "ۇلت اقپارات" inbusiness.kz سايتىنا سٸلتەمە جاساپ.
"قازٸرگٸ كەزدە كٶپ سالىق تٶلەۋشٸ تٸركەۋدە تٷر. بٸراق ولاردىڭ بٸرازى سالىق نىساناسىندا نٶلدٸك كٶرسەتكٸش كٶرسەتٸپ وتىر. 2023 جىلعى بٸرٸنشٸ جارتىجىلدىعىنىڭ قورىتىندىسى بويىنشا 1,4 ملن جەكە كەسٸپكەردٸڭ ٸشٸندە نٶلدٸك كٶرسەتكٸشتٸ 944 مىڭ سالىق تٶلەۋشٸ كٶرسەتتٸ. بۇل ٶز كەزەگٸندە 67 پايىزعا تەڭ", – دەدٸ ول.
بۇل تۇرعىدا 30 پايىزى زاڭدى تٷردە سالىق تٶلەپ جاتقانىن ايتتى.
"قالعان 67 پايىزى سالىق تٶلەمەيدٸ, نٶلدٸك كٶرسەتكٸش كٶرسەتەدٸ. ۇلتتىق بانكتٸڭ دەرەگٸنە جٷگٸنسەك, بارلىق تٶلەم بانك كارتوچكاسى ارقىلى ٶتكەن. مەسەلەن, بەرٸڭٸز دٷكەننەن تاۋار ساتىپ الاسىزدار. ولاردىڭ اينالىمى بٸر جىلدىڭ ٸشٸندە 55 ترلن تەڭگە بولدى. ال موبيلدٸ اۋدارىمداردىڭ سوماسى 80 ترلن تەڭگەنٸ قۇراعان. تٷسٸنەسٸز بە? بۇل رەتتە, تٶلەمدەردٸڭ بٸر بٶلٸگٸ سالىق الاڭىندا بولماعانىن, تٶلەنبەگەنٸن بايقاتىپ وتىر. بۇل ٶز كەزەگٸندە جەرگٸلٸكتٸ جەردەگٸ بيۋدجەت شىعىنى سانالادى. قازٸرگٸ كەزدە ەلەۋمەتتٸك سالانىڭ دامۋىنا ٷلەس قوسۋ ٷشٸن وسى تٶلەملەردٸ تٶلەۋ كەرەك", – دەدٸ ۆيتسە-مينيستر.
ول ەلدٸ مەكەندەردەگٸ ەلەۋمەتتٸك نىسانداردى تولىقتاي قامتاماسىز ەتۋ ٷشٸن سالىقتان جالتارۋعا جول بەرمەۋ كەرەگٸن ايتادى.
"بالالار جارىق ەرٸ جىلى مەكتەپتە وقۋى تيٸس. حالىق جاقسى ەم الۋى كەرەك. ەگەر جەكە كەسٸپكەرلەر وسى 80 ترلن تەڭگەدەن سالىق تٶلەمەسە, ولاردىڭ جاعدايى قيىن بولادى. سوندىقتان وسى اقپاراتتى دۇرىس جەتكٸزۋدٸ سۇرايمىن", – دەدٸ ەرجان بٸرجانوۆ.
